الصيف راح وزمهرير الشتـا حـلّ
الصيف راح وزمهرير الشتـا حـلّ وانـا فقيـرة حـال وَاهْلِـي فَقَـارَا ياشاعري عن مَطْلَبِي لَلْبَشَـرْ : قِـلّ صيتـه تِبِيْ،مِعْطَفْ:هنـادي،وِيَـارا لو يوم واحـد بَدْفِـنْ الفقـر وَافِـلّ هذا الْحِجَـاجْ اللـي كسـاه الغبـارا وأدَوْس باقدامي على فَرْشَـة الزلّ و نصف يوم أهْجُرْ حيـاة الطُفَـارا هذا الفقـر مَـا كَـلّ مِنَـا وَلاَ مَـلّ ولَـهْ سطـوةٍ جبّـارةٍ مَـا تُجَـارَا بيِدْيه سَلّ الحـال ياشاعـري سَـلّ ولبّس عيونـي ليـل مالـه نهـارا كم قِلْت لَهْ دِخِيْل رَبْ السمـا :حِـلّ عنّـا، وكـم صَيَّحْت،فيهـا جِهَـارا وكم قِلْت لَهْ :فارق: عَنْ ارْوَاحَنَا :وَلّ ويِقْبِـلْ عـدوٍّ مـن عـدوّه تثـارا يا شاعري مِنْ تَلّـة اوْجَاعَنَـا طُـلّ ومِدّ الْبَصَرْ دَاخِـلْ وِجِيْـه الْحيـارا تلقى بِنَا : أعمى :وأطـرم :وِمِنْشَـلّ وتلقى الأسَى يَسْكِنْ عيون الصغـارا و تِلْقَى هَيَاكِلْ: نَا حِلَهْ مَا لَهَـا ظِـلّ عَنْهَا يطيـح مـن النحـول الأِزَارَا تشرب قَهَرْ :والقـوت بَحْلَوْقَهَـا ذِلّ ورغم الفقر تلبـس عبـاة الوقـارا ومع كُلْ طَلْعَـةْ شَمْس،تِنْدَاسْ:تِنْـذَلّ والدين وصّى لاَ ضَرَرْ: لاَ ضِـراراَ مَامَرُّهُـمْ دِيْـم الْرَفَاهِـيّـه وبَــلّ ظُمَى الكبود إنْ كَانْ بَـلّ الصحـارا حِنّا: وَطَنْ والفقر غـازي ومُحْتَـلّ والْعِرْض عن عين الرذيلـه تِـوَارَا نَعْرِفْ طريق المال ونشوف وَنْـدِلّ بس الثمن خُـزْي :وفضيحه:وعـارا ونَخَافْ ثوب الْطُهرْ في يـوم يُبْتَـلّ الفقـر كافـر :والمصايـب كبـارا تِتِلّنِـا يُمْنـي الْفَقُـرْ للخطـا تَــلّ بالنفس كسـر وبالعيـون انكسـارا ياشاعري سَوْلَفْت لك :جُزْء مِنْ كُـلّ عن فَقُرْ عَذْرا :كَمْ وَرَاهَـا عَـذَارا وذولا يبيعـون المزاييـن والْـبِـلّ سَكْـرَةْ زَمَـنْ وِلاّ الأوادم سُـكَـارا ناَظِرْ عيوني مَابَهَـا مَاطْـر ٍ هَـلّ جفّـت سَحَايِبْهَـا بليـل السـهـارا وتبقى قضية فَقْرَنَـا مَـا لَهَـا حَـلّ يَا شَاعِري مَا تْـت قُلـوب الغيـارا ورَاحَتْ وانَا اقْول الْفَقُرْ شَخْص مُنْحَل ّأبغـى أَدَارِيْهَـا وهِـيْ مَـا تُـدَارَا أخاف اصَرّح ثُمْ عَلى راسي اتْهِـلّ سُحْب المصائب من يميـن ويسـارا بَسْكِتْ وَبَبْلَعْهَـا مِثِـلْ كَاتِـمْ الْغِـلّ وأقـول ياربـي تعـيـن الفـقـارا وسلام :يا نَرْجِسْ: وِكَادِي :وِِيَا فُـلّ وسلام يَـا كِذْبَـة غِنَـى وازْدِهَـارا .. عبداللـه سمـاح المجـلاد |
لا تعليق
لان الرد مقصر أمام هذا الانتقاء هبوب الشمال لله درك وصمـــــــــــــــــت |
يآهـلا بزمآن العجآيـب أول موضوع أنقلـه والحمدللـه اللي نآل أعجابـك وأن شاء اللـه يعجب بقية الأخـواان قضيـه مالهـا حـل وأنا أخـوك واللـه يعيـن أشكـرك على مـرورك |
اقتباس:
عدت لـ ذات المتصفح وهو ليس لها حل ؟ بل هناك عدة طرق للحل ولكن نحتاج إلى مشورة الخليفة عمر بن عبدالعزيز الآموي في هذا الآمر وجمعية الفقر التي لا تهب إلا لاعضاءها تقاسم الغنائم نسمع بالوارادت لها ولا نرى الصادرات لفقراءنا عوفيت بصدق القول على هذا الانتقاء يا فاضلي |
زمـآن العجآيـب صدقيني لو نتنآقش بـ هالموضوع ماراح نخلص وراح يجي الصبح وحنا ماوصلنا حـل نآس كثيره مشت في طريق ماهو طريقهآ ، يعرفون أنهم مُستغلين بس الدنيا حآدتهم / / / مثـلاً يعني بقولها وبصراحـه يوم يكتبون ( ضبط كميه من المخدرات ) < بدون تفاصيل ويوضحون للناس صوره عن اللي أنمسك أنه هو اللي يضيع شبابنا طيب وصاحب الحمله اللي مرسل هالمسيكين وينهم عنه ؟؟ مدري ماحسيت أني وصلت لك الفكره زين لكن تدرين بكتب موضوع بالتفصيل عن هالقضيـه |
اقتباس:
ننتظر يا فاضلي رحيق فكرك :yasser: |
هبوب الشمال إنتقاء رااائع وأكثر صح لسان الشاعر وتسلم يمين الناقل تقبل تحياتي |
ياهـلا بالنجـلا .. اللـه يسلمك من كل شـر ولك التحيـاات ، أختـاه |
زمان اعجايب
أرى تشابها بين اسمك وبين موضوعك وجتى لوانه منقول فان ذلك لاينقص من روعته لله درّك فيما نقلت ودرّالشاعر فيما نظم. يقول الشاعر : دع المقادير تجري فى أعنّتها ولاتبيتنّ الاخالي البال مابين طرفة عينٍ وانتباهتها يبدّل الله من حالٍ الى حالِ ولكن الشاعرالآخريقول: لايعرفُ الشّوقَ إلا من يكابدهُ ولا الصبابةَ الا من يعانيها وأقول أنا : إنما الدنيا ابتلاء فى حال الفقر وفى حال الغنى ، والسعيد من يشكر عند الوجد ويصبر عند الفقد ، ولله في خلقه شئون . تحياتي . الغوّاص |
هبوب الشمال
نقله مميزه لشاعر مبدع يعطيك العافيه تقبل مروري مشاعر .. |
الساعة الآن 03:12AM |
Powered by vBulletin® Copyright ©2000 - 2024, Jelsoft Enterprises Ltd.
HêĽм √ 3.1 BY: ! ωαнαм ! © 2010
جميع الحقوق محفوظة لشبكة رهب الأدبية