|
الـواقع الاليـم !!!
بعد وفاة امي وجدتي في اقل من سنه ما اقول الا إنا لله وإنا اليه راجعون لكن ابيات عن مافي الصدر من شعور ياللي على حزني تسوق المشاريه = ليتك تذوق اللي خفوقي يذوقه الهم متمكّن بقلبي وذاويه = لين الفرح ذبلت بصدري عذوقه والحزن يجبرني على النوح واخفيه= لكن تمادى واستجدّت طروقه من واقعٍٍ كل البشر ماتدانيه =وليا حضر محدٍ لك الله يشوقه واقع أليم وحافلٍ في بلاويه = فيه المنايا لا لفتنا صدوقه والادمي وان كان طالت لياليه = لابد مالقدار تنثر غبوقه ترديه في قبره وكلٍ يخليه = حتى يوفّى لين ياخذ حقوقه اما جنان وراضيٍ عنه باريه = ولاجحيم ولاش شيٍٍ يفوقه واللي يقول سعود وشفيه وشفيه = قلّه ترا جرحه تزايد فتوقه العام مودع فالثرا نور عينيه = واليوم يودع قطعةٍ من خفوقه وليا تذكر من دفنهم بياديه =يباغته حزنه بطعنه سروقه منها يبان اللي عن الناس مخفيه =ونّه من الاعماق تجتاح موقه لكن قضى الله لا لفا راضيٍ فيه = لو زاد منسوب الالم في عروقه مازال في ربه كبيره هقاويه = بانه يشيل الهم ويفك عوقه وسلامتكم |
[table1="width:95%;"] | [/table1]شاعرنا المتألق " سعود بن ناهض يشرفني ان اكون اول المصافحين لإبداعك رحم الله والدتك وجدتك وجميع أموات المسلمين واسكنهم فسيح جناته وعظم الله اجرك وصح لسانك يالجزل على هذا التألق والإبداع ياسعود |
[table1="width:95%;"] | [/table1]سعود الرويس رحم الله والدتك وجدتك واموات المسلمين اجمعين صح لسانك على ما قرأت هنا تحياتي |
انا لله وانا اليه راجعون
الله يرحمهم ويوسع مدخلهم الشاعر المبدع سعود ناهض صح لسانك وسلمت لنا يمناك قصيده رائع برغم كل الحزن والالم الذي تحمله في طياتها الا انك ابدعت وبجداره في ايصالها الى قلوبنا ولمس مشاعرنا ودي تقبل مروري |
الله يرحم امواتنا وامواتكم واموات جميع السلمين قصيده جزله ومؤثره من شاعر متمكن الله يرحمهم وصح لسانك وعلا شانك يا الغالي وتقبل تحياتي |
[table1="width:95%;"] | [/table1]سعود الرويس العام مودع بالثرا نور عينيه__واليوم يودع قطعة من خفوقه الله يلوم اللي يلومك رحمهم الله وعسى جنان الخلد مثواهم يارب العالمين صح بوحك ولاهنت تحياتي لك,, |
واللي يقول سعود وشفيه وشفيه = قلّه ترا جرحه تزايد فتوقه العام مودع فالثرا نور عينيه = واليوم يودع قطعةٍ من خفوقه وليا تذكر من دفنهم بياديه =يباغته حزنه بطعنه سروقه رحم الله من رثيت بهذه الشامخة شاعرنا المبدع سعود الرويس والله أنها لقصيدة محزنه جداً وتأثرت بها كان الله في عونك فليس الأمر بالسهل ولكن هذه الأقدار وما شاء الله فعل سجل حضوري وإعجابي ودمت بالخير \ / \ العطــــــاويه |
ياللي على حزني تسوق المشاريه = ليتك تذوق اللي خفوقي يذوقه الهم متمكّن بقلبي وذاويه = لين الفرح ذبلت بصدري عذوقه والحزن يجبرني على الدمع واسقيه = خدي من الفرقا ولا جف موقه من واقعٍٍ كل البشر ماتدانيه =وليا حضر محدٍ لك الله يشوقه واقع أليم وحافلٍ في بلاويه = فيه المنايا لا لفتنا صدوقه والادمي وان كان طالت لياليه = لابد مالقدار تنثر غبوقه ترديه في قبره وكلٍ يخليه = حتى يوفّى لين ياخذ حقوقه اما جنان وراضيٍ عنه باريه = ولاجحيم ولاش شيٍٍ يفوقه واللي يقول سعود وشفيه وشفيه = قلّه ترا جرحه تزايد فتوقه العام مودع فالثرا نور عينيه = واليوم يودع قطعةٍ من خفوقه وليا تذكر من دفنهم بياديه =يباغته حزنه بطعنه سروقه لكن قضى الله لا لفا راضيٍ فيه = لو زاد منسوب الالم في عروقه مازال في ربه كبيره هقاويه = بانه يشيل الهم ويفك عوقه مشرفنا القدير ... سعود بن ناهض الرويس في البدايه رحم الله أمواتكم وغفر لهم ووسع مدخلهم وأنار لهم ظلمة قبرهم وثبتهم عند السؤال اللهم أنهم عبيد من عبادك يرجون رحمتك ويطمعون في مغفرتك فأغفر لهم وأرحمهم وأغسل ذنوبهم بالماء والثلج والبرد وجنبهم النار وعذابها وأريهم مقعدهم في الجنة اللهم أسكنهم فسيح جنانك يارب اللهم تقبل دعائنا .... اللهم آمين أستاذي القدير .... قصيدتك أخرجت شيء بداخلي من الألم والحزن ولعل فراق أناس توار أجسادهم تحت الثرى أمر يحرق القلب وذلك بأنك مجبر بالصبر على ما قضاه الله سبحانه وتعالى ولا تملك شيء إلا الدعاء لهم وهو خير ما نفعله إذا فقدنا أناس غالين أقدر لك قدرتك على كتابة شيء يعبر عن ذلك الألم الذي يعتصر القلب ووالله أن حبهم لا تنسينا أياه دنيا ولا فرحة لأي شيء كان فهم كل الحياة غابوا وغاب طعم السعادة معهم ... أستاذي أعذرني فكلماتك حركت شيء يصرخ بداخلي ... وكأنها تتحدث عن حالى أبدعت شاعرنا وصح لسانك والله يلوم إللي يلومك أحب الناس على قلبك ومن يقدر يعتب وإذا ما كان الشعر لهم أجل في من يكون فجمال الشعر عندما يعبر عن حاله هي حقيقة بعينها والشاعر المبدع هو الذي يستطيع أن يعبر عن هذه الحقيقة بهذا النص الوافي الذي ينزف دمعاً من شدة الألم أحساس صادق وافق شاعر متمكن ومبدع يملك الشاعريه الرائعة ... فصح لسانك شاعرنا وعلا شانك والله يعيطك الف عافيه على هذه القصيدة الأكثر من رائعة وحتى وان كانت حزينه فجمالها بكم الألم الذي تصور ... أشكرك أستاذنا وتقبل مروري الخجول ... |
القدير / بن ناهض الرويس
سلم بنانك وسلم فكرك .. ((اللهم أغفر للمسلين والمسلمات والمؤمنين والمؤمنات الأحياء منهم والأموات )). |
ألأخ سعود ...
رحم الله موتاك .. وعظم الله أجر ك .. وأحسن الله عزاك . نص .. مليء بالحزن والشجن ..مشاعر صادقه .. حروف تقطر أسى وحزن .. أدمت القلوب .. وأيقظت ألاحساس بنعمة تواجد والدينا ..فأسرعنا ..لتقبيل أياديهم ..والأرتماء في أحضانهم.وكسب رضاهم. أسكن الله والدتك وجدتك .جنان الخلد..والهمكم الصبر. لك دعواتي ..وتقديري |
| الساعة الآن 12:22PM |
Powered by vBulletin® Copyright ©2000 - 2024, Jelsoft Enterprises Ltd.
HêĽм √ 3.1 BY: ! ωαнαм ! © 2010
جميع الحقوق محفوظة لشبكة رهب الأدبية