شبكة رهب الأدبية-ريما محمد السديري - انواع البزارين لايفوتكم قرب قرب الزين حوالينا والازين عندانا ههههههه

1) البزر المفهي :-
هو بزر مايدري وين الله حاطه
أي شي تقوله له بيقول هاه
مستقبله :-
هذا مستقبله غير واضح المعاااالم لكن مااراح تتعدى شيين يستمر مفهي وهذا الأغلب
أو يتعرض لصدمه تخليه يطلع من فهااااوته شوي ..

2)البزر الجنتل مان أو الجنتل بيبي :-
بزر غاااالبا يكون اطخم ..تشوفه دايم متكشخ ويتروش كل يوم ويتعطر .. لسانه معسول وهالشي مخليه مخقق كل بناااات الحاره ..
مستقبله :-
يكون من اكبر المرقمين في ديرتهم ويكون اسمه في البلاك ليست للهيئه الله يجزاهم الخير

3)بزر زلابه :-
غالباً مايكون تربية عجز .. مدلع حتى اخر قطره .. لكنه للأسف زلابه سريع البكااااء لو تقول له كيف الحاااال قعد يبكي ..
مستقبله :- يستمر زلابه الين يتزوج ويصير خااااتم في اصبع حرمته واذا ماتزوج خاتم في اصبع الخدااامه هههه <<<

4)البزر المهاااايطي :-
تعريفه :-
هو البزر الذي يهاااايط وهو ماعنده ماعند جدتي يكون عرضه للتصفيق والتكفيخ نظراً لمهايطااااته الدائمه يا يصير راااوي والا مفسر احلاااام في مقهى شعبي هههه <<< هذي نهاااايته
مستقبله :-
يستمر مهاااايطياً للأبد وقد يفقد حيااااته بسبب الهيااااط والا بيقعد يلقط الضروسه ضرس ورى ضرس نتيجة المهااايط ههه..

5)البزر العصبي :-
هذا البزر ناااارٍ شاااابه على قولتهم معصب 24 سااااعه يستحسن أن يكتب بالقرب منه خطر الذباااانه تمر على خشمه يااااكلها من شدة العصبيه مستقبله :- ا
امراااض ضغط وسكر وقلب بسبب هالعصبيه ، أو في السجن لأنه فقع عين احد ولا ذابح له واحد ..

6)بزر مطنش ل الدنيا :-
هالبزر اطقع مايشوف العاااالم مطنش لبو الدنيا شاااايل من قااااموسه كلمة حيااااء
مستقبله :-
ياعاااارض أزياء والا خيااااط نساااائي <<< هههه رايح فيها

7)البزر الملقوف :-
هالبزر عكوز بكوز في كل مكاااان مركوز ... لا تستبعد ان تجده في أي مكان ياناشب بشجرة شوك والا في بطن غسالة ملابس ، والا سااااب له واحد ولبد له ورى العااااير ورواااه السنـع مستقبله :-
بيجيب العيد لهله وماظنتي بيصير له مستقبل هذا أذا كتبت له الحيااااة من راااعي الشوهاااات ..

8)البزر الشقردي :-
هذا البزر دائما متفوق في دراااسته شااااطر دائما يحب يتعلم ويتثقف يامتعبث بجوال أمه ومخربه والا فاتح بوك أبوه وهو راقد ويقعد يحسب الريال ميه والميه الرياااال ويصحى ابوه في اليوم الثاني يامشقق دراهمه والا مظيعها هههه <<< لحق ماتلحق هذه االعينه
مستقبله :-
دكتور .. مهندس .. او أي شي زين أما إذا كان عندنا بالخليج عليه العوض فآخرته مصكوك بعين .. والله اعلم ياخبل والا ميت

9)البزر المغاااازلجي :, اللي عليه حركاااات ويسمى أيضاُ البزر المتميلح :-
هذا النوع خطير جداً ودااايم يجيب المصاااايب
وهو من النوع اللي مايهرول عبث
مستقبله :-
احتماااال يجيب العيد لهله ولا يصبح مثل الدبـور من زهرة لزهرة ههههه >>> يااااروحي عليك

10)البزر المقرود :- اللـي حظه رااايح فيــها
هذا النوع من البزرااان اقل مايقاااال عنه انه مسكين حظه شين دااايم تجيه التهاااايم من كل صوب وهو ناااايم بعد
مستقبله :- سيئ للغاااايه يامطراااش يا مصفف نعـل والا يلقط قواااطي هههه >>> رااايح في كلوووحهــا

11)البزر التلفزيوني أو في روايه بزر دلخ :-
24 ساعه عند التلفزيون يتأثر على طول أي شي يشوفه يروح يسويه يايلحق له قطو والا قااااط نفسه من جدااار منكسر وبالش نفسه وهله مستقبله :-
يظل دلخاً للأبد مافيه حيله كلش تبغيه ينتحر احرمه من التلفزيون
هذا للأسف مدمن مسلسلات مصريه ..

12)بزر رومانسي :-
راااعي جو .. حسااااس ..
مستقبله :-
شااااعر والا مغنـي

13)بزر رااايق :-
24 رايق من زود الروقاااان عنده تشوف عليه احيانا حركات غريبه يامستلقي على ظهره مثل الضب والا منبطح مثل التمسااااح هههه <<< الله يكفينا شره
مستقبله :- مستقبل زاااهر إن شاء الله

14)البزر اللي مدري وش يبي :-
ماينعرف له مره تقول إنه ذيب مره تقول إنه زلابه
مستقبله :-
ياأنه يطلع ذيب أو يطلع زلابه وهذا المتوقع زلابه

15)بزر اختلف العلمااااء في تسميته :_
مستقبله :- ضريب طاااار والا ضابط أيقااااع أو فناااان كسرات