رد الشاعره الكبيره بنت الشجاع على قصيدتي ساير وقلبي
 

قصيدتي ساير وقلبي ورد الشاعره الكبيره بنت الشجاع على القصيدة**

ساير وقلـبي من همومه معبّا
حاير ودمعي من عيوني مصابيب**

حزنن بثر حزنن وجمرن مشبّا
بـين المحاني بـالضلوع المحاديب**

هيلن جذبـني في طريقي يـهبّا
مشْين بـي اقدامي يـبـن المهابيـب**

ابحث مصادر ريحته في تـنـبّـا
ريحه قريب وحـسّ صفْق المطالـيـب**

لاحظت شايـب جالـسن في مشـبّا
عـنده دلالن صافـيات الممشاريب**

رحّب وهلّا يا هلابـك وصــبّـــا
فنجال يرخي بي همومن مكاريب**

لاحظت فـي وجهه همـومن تكبّا
من جوري إسنينن بقلبه مشاذيب**

نشّدت عن مابه وش اللي مخبّا
قال انت ذكرتن عيالن مغـاريـب**

اقفـو وخلو مــن تـعـب بـالـمـربّـا
يـجـعلهـم في حـاميات اللواهيـب**

ون رحـت لحداهم بـبـيـتـه تـغـبّـا
ماكني والد له ولا لـي مطالـيـب



رد شاعرتنا بنت الشجاع


**
ان كـان قـلبك من همومك مـعبـّا
ساير وهمك هذب القلب تهذيـــب

ودموع عينك فوق الاوجان صبّا
والرجل محفيها بحر اللواهيب**

اطلب ولي العرش للــعبد لـــبــّا
ومن جزل مده صاخي بالمطاليب

يفرج لهم بيـن الاضــلاع دبـــّا
يفر قلـبك مـثــل فـر الدواليــــب
**
وان كان همك من هنوفن تحبّا
اللي عرض بالدرب سيد الرعابيب

غرون ظريف ألروح حلو الملبّا
يرمي بسهم العين سود المهاديب

اصبر على طرد الهواء للمحبّا
والبيض حبه شيب القلب تشييب

يانور عيني جـعل حظك يهــبّا
تاخذ من الخفرات زين التعاجيب

والشايب اللي تذكره في مشبّا**
الله يصخر له هل العز والطـيــب
**** ****
كم واحدن من قبل غــذا وربـّـا
يركض لعيشتهم كما يهرف الذيب

يوم كبروا وهـــو بعــمره تــوبّــا**** ****
خلوه مثل الضيف عند المعازيب


وسلامتكم من كل شر

لا يحق لي
سوى التزام الصمت

امام هذا الجمال



صح الله قلوبكم استاذي

صح لسانك وعلاء شانك

صح بدنك استاذ عبدالله
ولاهنت على مرورك
الغالي على قلبي

صح بدنك استاذ فواز

ولاهنت على مرورك

الاستاذ الغالي سفير المعاني
صح بدنك

ولاهنت على مرورك المميز

الله يسلمك ويخليك.
مرورك غالي على قلبي