ياللي غيابك فاقد(ن) منّـه الـروح=إرجـع كفايـه مابقـى مابقـالـي
مليت أجامل واخفي بعيني اجـروح=واقـول بكـرا تزيـن ياهمـلالـي
أصبح على ضيقه تجي يمي وتروح=وامسي على فرقا عزيز(ن) وغالـي
واجامل ايامي وانـا مانـي مـزوح=لكن عشان ارتـاح ، فكـري بالـي
ارحل عـن الديـره ولامـر واروح=واللي يبـي خدي..؟تجيبـه لليالـي
من برد حظي ما صفا ليّ مصلـوح=ومن حرق قلبي مازهـى ماجرالـي
مظلوم جرح وداخلي قلـب مذبـوح=لكن أهيّـب بـه فحـول الرجالـي
واقول وفعل ماعلى الذيـب سلكـوح=واللـي ذخرنـي مالـه إلاعقالـي
لاعجعجت في حزب انا اضربه اللوح=وماهزت الشعره شمـوخ الجبالـي
وان جيتني فارس ومن سيفي الوح=راس الطويلـه والعلـوم الجزالـي
يوم ان غيري يتعبه كثـرة النـوح=أنا اتسلقـى فـوق للنجـم عالـي
وانزل منازيل الأسد وابني صـروح=وتشهدلي الاقـدار يـاراس مالـي
مع صغر سني ادوش القاف بالبوح=واقهـوي اوزان الشعرمـن دلالـي
واكتب وانا شاعر ولي فكر وطموح=اقـرب شباهـي عنتـره والهلالـي
واختامها نقطة بحر عنـدي البـوح=يا الذ من ظبـي الحمـاد الشمالـي