|
ابوي خاويته
ابوي خاويته على طلعة النور بعد المطر اقفى بهبوبٍ تسوقه واروى فياضٍ ممحلاتٍ من ادهور واسقى نخيلٍ يابساتٍ حلوقه ثم افترشنا حزم صافي وممطور محلٍ اختاره ابويه يروقه بعد اتكا سبعين عامٍ مع اشهور وفي حاجبه شيبٍ يلوحٍ بروقه وبعد انتصف فنجال بالهيل مبهور والتمر قدمه يابساتٍ عذوقه قال اعتمد لا صرت في ضيق محشور وانساك همٍ هم اخر تذوقه على اللي مايترك فروخٍ لعصفور بعد اتكل ماخاف دابٍ يبوقه والدنيا هاذي مثل مجمارت ابخور في مجلسٍ حمله رجالٍ تطوقه مرت على غيرك ولك جايه ادور دوبٍ تعطر ثم غيرك تشوقه والعاقل اللي بالنقا صار مستور كف القدم لا شاف كدره تعوقه مايبحث الخافي ولايبدي السور والذاري مايردم دروبٍ تحوقه اقدم على مهله ولايبعد الشور يجيه رايٍ مبعداتٍ عروقه والناس لايتعب على الخافي بصدور الوقت يشخل لين تظهر فتوقه |
الغالي
الشاعر احمد العليان والله انه يسعدك ويوفقك بجميع الاوقات بكل خير كما اسعدني كثيرا ان اكون اول المصافحين لهذه القصيده الاجمل من جميلة بما تحمله من وصايا قيمه الله يجزى والدك بخير ويطيل بعمره وصايا مجرب وصح لسانك وعلا شانك مليون ولا يكفون تقبل تحياتي |
صح لسانك أحمد وكفو في أبوك وفيك. تحياتي لك
|
سفير المعاني ابو محمد اسعدني مرورك وتعليقك ... ربي يسعدك ويبقيك اخلص التحايا لك |
عبدالله بن عريمه
صح بدنك ,,, ولك كل الثناء والتقدير |
ابيات رائعه وتكفى انها تتكلم عن الأب ..
جعلنا نذوقهم برنا لهم يارب ..الله يحفظه ويخليه لك .. تقبل تحياتي ومروري |
لينا البراهيم الرووعه في كلماتك التي اسعدتني ,,, والأب كما تفضلتي هو المعلم والمربي والحصن والأمان تحياتي لك |
الله يسعد ايامك انت وابوك
ويخليكم لعين ترجيكم وصح لسانك وعلاء شانك |
| الساعة الآن 06:40PM |
Powered by vBulletin® Copyright ©2000 - 2024, Jelsoft Enterprises Ltd.
HêĽм √ 3.1 BY: ! ωαнαм ! © 2010
جميع الحقوق محفوظة لشبكة رهب الأدبية