كلٍ وما قدم مع الناس يلقاه=كلٍٍٍ على ما قيل يلقى صنيعه
الناس ما قدمت يمناك فعلك وتجزاه =مثل الوديعه عند راع الوديعه
ترى الجزاء جنس العمل لا تناساه =والظالم اللي بادي بالنزيعه
العين فيها العين والسن بسواه =هذا الذي نصت عليه الشريعه
واليوم بعض الناس طيبه مضاهاه = يا قل من تلقاه طيبه طبيعه
وترى الذي ما فيه خير لدناياه =ولو أعجبك عن بعد برقة لميعه
ما فيه خير ولا توقع عطاياه =أن ما جفاك الصبح يجفى تبيعه
هذا تراه اليوم واجد حلاياه =متسيدين الطيب كذب وخديعه
هذا رفيق رفقته بس هاهاه =رفيق ضحك وكل خبلٍ يطيعه
لا من بغيته كن عذره بمخباه =العذر جاهز والنوايا شنيعه
خله يولي وابرك الوقت فرقاه =واخير من جمعاه باب القطيعه
ولو كان عنده حاجتك لا ترجاه =خلك عزيز وخل نفسك رفيعه
من هان نفسه كل رجلٍ توطاه =ومن عزها ما ذاق طعم الهزيعه
وأما الرفيق اللي ليا ضقت تنصاه=وله وقفت لا جيت يمه سريعه
ما هوب يذخر عنك مال ولا جاه =وياقف معك بكل ما يستطيعه
احرص عليه ولا تفرط بشرواه =اللي شراك احذر تفكر تبيعه

كلٍ وما قدم مع الناس يلقاه=كلٍٍٍ على ما قيل يلقى صنيعه
ترى الجزاء جنس العمل لا تناساه =والظالم اللي بادي بالنزيعه
العين فيها العين والسن بسواه =هذا الذي نصت عليه الشريعه
واليوم بعض الناس طيبه مضاهاه = يا قل من تلقاه طيبه طبيعه
وترى الذي ما فيه خير لدناياه =لو أعجبك عن بعد برقة لميعه
ما فيه خير ولا توقع عطاياه =أن ما جفاك الصبح يجفى تبيعه
هذا تراه اليوم واجد حلاياه =متسيدين الطيب كذب وخديعه
هذا رفيق رفقته بس هاهاه =رفيق ضحك وكل خبلٍ يطيعه
لا من بغيته كن عذره بمخباه =العذر جاهز والنوايا شنيعه
خله يولي وابرك الوقت فرقاه =واخير من جمعاه باب القطيعه
ولو كان عنده حاجتك لا ترجاه =خلك عزيز وخل نفسك رفيعه
من هان نفسه كل رجلٍ توطاه =ومن عزها ما ذاق طعم الهزيعه