الله من هم بروحي سهجها = بخافي ضميري في كنين الحشا لاج
احر من نارٍ تواقد وهجها = منها خطر روحي على سلك ديباج
وعينٍ عسى المولى يعجل فرجها = يفوح ناظرها كما عين هداج
استرسلت للدمع مما رهجها= غيظٍ يكظ عبارها مثل الامواج
كم واحدٍ له غايةٍ ماهرجها = ويكنها لو هو للادنين محتاج
يخاف من عوجاٍ طوالٍ عوجها= هرجة قفا يركض بها كل هراج
يقضب عليك المخطية من حججها= حلوٍ نباه وقلبه اسود من الصاج
الله خلق دنياٍ وساع فججها = وعن ما يريب القلب لك كم منهاج
والرجل وان شطت لياليك سجها= عسى تواليها تبشر بالافراج