تنعش الخفاق لحظـات التلاقـي=عقب دق القلب للميعـاد زيـره
اللقى ساعة زمـن والجـو راقـي=والعقارب تدرج الوقـت وتديـره
ابتدئ صوت الغرام من العماقـي=وانتهى حرف اشتياقـي وتعبيـره
في مجار الـود اعـدل فالسواقـي=ولا مشى ساقيه ماغير مسيـره
يا كثر ما رحت له و أتعبت ساقي=مير طول طرقته و هيـه قصيـره
فيه مدري و يش انا قد كنت هاقي=انحرف خط ٍ رسمته عكس سيـره
حلم ليل ٍ صاحبه منـه استفاقـي=انكشف له نور صبح ٍ فيه خيـره
اطلق وثاقه و انـا جـود وثاقـي=واشغل التفكير شي ٍ منـه حيـره
كيف كان وكيف كنت ويش باقي=و النهاية سيـرة ٍ تشبـه لسيـره
الـوداع أول معانـاة الفـراقـي=يا غـرام ٍ راح وش خـلا لغيـره
اتركتني كنـي الشعـب العراقـي=لا لقى حاكم ولا حـدد مصيـره

اتركتني كنـي الشعـب العراقـي=لا لقى حاكم ولا حـدد مصيـره