|
قصة غرامي
تحية عطره لكل من يمـر من هنـاا .. اخترت لكم من الأرشيف هذه القصيدهـ كتبتها في عام 1418 . فاسمحوا لي بأن اروي لكم .: " قــصــة غـــراامـي " مرحبــا يانور عيــــــــني ياهلا بك ياهـــــــــــلا=ياهوى قلب تولع في عـــــيونك مستهـــام! من لمحـتك فـز قلبي يـاا بعد كـل المــلاا=والله اني يالحـبيـبه .. ضــايـعٍ من كــم عــام! لو عرفتي كيف قلبي عن عيونك يسالا=مافضحني غير دمعي يوم شفتك بالزحـــام! قالوا الخلّان تبكي قلت من زود الــــــغـــــــــــلا=عاشقٍ عينـه سهــيره والسبب زود الغرام! كيف ماتبكي عيون ناظرت كل الحــــــــــــــــــلا=الله اللي صوره سبحان خــــــلاق الانــــــام! قالوا انسه واعتبر ماكن شي يحـــــــــــــــــصلا=ضاق صدري ماقدرت اني اعبر بالــــــكلام! استدرت و في خفوقي حر نار تشــــــــــــــــعلا=وابتعدت وصرت اهوجس وابتدى درب الظلام! صرت اسولف للقمر واشكي عليه المبــــــــــــتلا=صرت اعدد كم ليله عفت انا لذ المــــــــــنام! التفتلي قال دور من يحل المشـــــــــــــــــــكلا=مالقيت الا انا تشكي علي هذا الهـــــــــيام! المهم ,, جاء النهار وزلّ ليلي وانــــــــــــــــــجلا=وابتدت تظهر ملامح يوم يغشاه العــــــتام! قلت يمكن لاسالت الطير يفهم بالـــــــــــــــــغلا=يمكن انه لاسمعني وانتبه يوْصِـل ســــــلام! يوم خلصت السوالف ,, قال: لا لا والـــــــــــــــف لا=قلت ياطير افتهمني لاتعجل بالـــــــــــملام! صاحبي له في خفوقي مشيدا له مــــــــــــنزلا=والهجر ذوب خفوقي واصبح المنزل عــــــــــــدام! قال انا وش همني في شخص ماعـــــمره سلا=في سماي اكفح واطير وعايشٍ باعلى مقام! قلت انا ياليتني طير تعلاّ واعـــــــــــــــــــتلا=ماكره ماكر حرار وان كفخ فوق الغــــمام! كني اللي جوه حنشل في فلاه وأعـــــــــــزلا=ماقفـه من يااقـفه مهماا تصرّف ما يـلاام! ماقفه لو ياقفه اكبر حكيم يبـــــــــــــــــــــحلا=شاف بعيون الحناشل كره واثار انتقــــام! عذبوه وجردوه وفي فـلاهـ مجــــــــــــــــــندلا=وابتدت سحم الضواري تفترس بيض العظام! والله اني شفت شي من وليفي يذهــــــــــــلا=والمصيبه..؟ مايحس انه قتلني بالسهــــــــام! سهم خد وسهم رمش وسهم زول معــــــــــــدلا=مشيها مشي الحمامه لامشت بين الحـــمام! جعل منهو لي يلوم وجعل منهو يعـــــــــــــذلا=مايشوف.. ولا يذوق.. ولا يحس.. ولا ينـــــــــــام! جعل منهو لامني لأردى المنازل ينـــــــــــــزلا=لاجل اخليه يتذوق ماجرالي من هيـــــــــام! والنهايه.. حالتي هي حالتي نفس البــــــــــــلا=ماتغير شي .. لكن اقبلوا حســن الخـــتــــام! :yasser: |
جايز
صح السانك رويت فأرويت وكفيت ووفيت بانتظارقصائد اخرى وكل عام وانت بالف خير |
شعر يطرب الاحساس ..
هيضتنا جزاك الله خير :d صح لسانك وفكرك ابيات قمة في الجزاله .. لآهنت يالأمير ...:r: |
..,...
الله الله وينك يا جايز عنها من زمان لها سنين بالارشيف و تبخل علينا مبدع كما عهدنااك دائما صح لسانك ولاهنت ابد يا جايز ننتظر منك كل جديد و قديم ريف .,. |
الغالي
الشاعر جايز الشمري العيد مبارك وكل عام وانت بخير الله انه يسعدك ويوفقك بجميع اوقاتك بكل خير ولقد اسعدني ان اكون ضمن المصافحين لهذه القصيده الجميلة وما تحمله من مضمون ومعنى ما اجمل ما تقدمه لك مدة لم تقدم لنا مما تجود به قريحتك فانت شاعر متمكن ولك باع طويل مميز وصح لسانك وعلا شانك مليون ولايكفون تقبل تحياتي |
صح لسانك ياشاعرها أبدعت وأمتعت الذائقه بإنتظار قديمك قبل جديدك أرق تحيه |
جايز تحياتي ..ودمت بخيراسعد الله روحك نص نردد معه ياااهلا يااهلااا ...لشاعر.. تلئلت نجومه .. وعاشق طال سهر ليله .. ارشيف مراهقه اول غيثه هنا ..ننتظر ديم ماطره وهتان نبضه .. |
صح لساااااااااااااانك
وقفت عند اكثر من بيت تحياتي لك |
اقتباس:
........................ |
اقتباس:
وانت بخير وصح بدنك ... مرورك العطر اسعدني كثيرا تحياتي لك ؟؟ |
| الساعة الآن 08:42AM |
Powered by vBulletin® Copyright ©2000 - 2024, Jelsoft Enterprises Ltd.
HêĽм √ 3.1 BY: ! ωαнαм ! © 2010
جميع الحقوق محفوظة لشبكة رهب الأدبية