أعزائي إدارة ومشرفين وأعضاء منتدى الجميع (رهب)
أسعد الله جميع أوقاتكم بكل خير وكل عام وأنتم بخير..
في البداية أعتذر عن غيابي الفترة الماضية لظروف خارجة عن الإرادة..
وأستسمح أنظاركم الكريمة بعرض هذهـ المشاعر راجياً بأن تتسع لها قلوبكم ..

يا سيدي يومك قلبت الموازين=وكشفت زيف أقوالهم والشعارات
وبينت ما كانوا عن الناس مخفين=وفي كل يوم اتحقق الإنتصارات
وشافوا هزايمهم بكل الميادين=قاموا يعيدون الخطط والحسابات
وتجردوا من كل شيمة ومن دين=واستموتوا واستهدفوك انت بالذات
وجابوا لهم واحد عطوه المضامين=ثم غرروبه وارتحل للمهمات
وجاكم يقول العفو طبع الكريمين=وانته عفيت وقلت ما فات قد مات
واثره مغطي وجهه الشين بالزين=ومفخخن نفسه بعدة عبوات
ثم فجر بنفسه بوسط المهنين=والحمد لله يوم صارت سلامات
جسمه تقطع بالعدد فوق سبعين=وانته تبسم في جميع القناوات
الله حماك ورد كيد المعادين=بنحورهم من فوق سبع السماوات
الله يمد بعمرك سنين وسنين=ويجعل طريقك بالفرح والمسرات
ويزيدكم عز ومهابة وتمكين=ويرد كيد اهل الفتن والضلالات
لا يحسبون إنك عقب هذي تلين=وإنك بتعطيهم مجال ومساحات
هم ما دروا بإنك سعوط المجانين=وعليك من نايف رسوم وعلامات
وش حصلوا من فعلهم يا أحمر العين=ما حصلوا يا كود خيبه وحسرات
قل للعداء نبقى على طول راسين=ونعطي من الواقع على ذلك إثبات
هوج الرياح اللي من سنين ودنين=ما غيرت موقع جبال السراوات

[table1="width:95%;"]

[table1="width:95%;"]

[table1="width:95%;"]

الله الله الله

تسلم تسلم يابو عبدالله

هذا القصيد اللي عليه الكلام

صح لسانك واعتلا شانك ولاهنت

والله يحفظ المملكه وحكامها من كل شر