حفنـة جروح
قصيده اعجبتني لـ ابو فيصل دهش العواجي حبيت أشارككم بها : اخطت ارماح وإلا صابت ارماح=جيت مجروح والا رحت مجروح ماتهز الرواسي هبـة ارياح=ولا تفيد المولع دمعة النوح أنت ذباح وإلا ما انت ذباح=بس انا قبل ذبحك كنت مذبوح وش تبي بالخناجر رمشك اسلاح=من هدبها تطيح ابراج وصروح يالتناهيد تو الدمع ماطاح=باقي ٍ فيه رمشة عين ويبوح ينحبس بالمحاجر كل ما فاح=تنكره تجحده مفضوح .. مفضوح بالحنايا نحيب ولمة رماح=بالحناجر بقايا صوت مبحوح اكثري فى بدايات العمر راح=وأخر العمر خوفي مثله يروح مابقى غير روح وحفنة جراح=وكل جرح يبا الخفاق مسموح والخساير تعدت فوق الارباح=كل طيحة خساره تدمي الروح لا تصحى جروح الوقت ياصاح=لاصحى الجرح فيني وين أباأروح خنجر الجرح وإلا الجرح سفاح=لا غدى الجرح بين الجد ومزوح طعنته جد ولا جده امزاح=الشهد من يمينه سم ذرنوح يحسب أن الشطاره ذبح الارواح=ينهب الروح لمن مر ويروح مابي اجراح لكن: كلي جراح=طابت جروح وإلا جدت جروح |
سر دار
الله عليك والله عليك من أجمل ماقرأت اختيار موفق ورائع والله يذكر ابو فيصل بخير صح لسان ابو فيصل وشكرا على هذه المشاركه بالفعل حفنة جروح تحياتي . |
سر دار
يعطيك العافيه على النقل الجميل وصح ألسان ابوفيصل الله يطول بعمرك وعمره جزل ولا يجي منك ومنه غيرالجزاله لاعدمناكم |
يحرث الصدر والأيام فلاّح 000 يبذر الغبن ويحصد الصبر روح
فـَضفض فـّضفض بعد ما خرج عن طور الكضم باح أبو فيصل بالعميق بالصريح بالصوت العالي بالبوح بالروح بالجروح خرج عن الصمت لجت ضلوعه لين ما أمطرنا بهذه المزنة النهّاته مالهذا الحزن آخِر يا بليهان مالهذا الحزن آخر يا إبعدي |
صح احسااااااااااااااسك ووجدانك
اخوي سردااار وصح لسان اخوي ابو فيصل (( دهش العواجي)) قصيدة في قمة الروعه والعذوبة والجزالة اسجل اعجااااابي بالقصيدة وراعي القصيدة ومن وضع القصيدة هنا تحياتي لك ولطرحك الراقي |
صح السا ن الشاعر وصح ذوقك
تقديري |
بالحنايـا نحيـب ولمـة رمـاح بالحناجر بقايا صـوت مبحـوح اكثري فى بدايـات العمـر راح وأخر العمر خوفي مثلـه يـروح مابقى غير روح وحفنـة جـراح وكل جرح يبا الخفـاق مسمـوح والخساير تعدت فـوق الاربـاح كل طيحة خساره تدمـي الـروح سر دار تسلم يمناك على نقلها لنا هنا وصح لسان ابو فيصل الرائع دائماً اينما يكون طال غيابه واشتقنا لتواجده اتمنا ان لا يطول اكثر قصيده رائعه تحياتي رهب |
رياض الهديرس
عذرا ً لفارق الزمن اسعدني مرورك باالرغم مابِنا. الله يذكرك باالخيروالغالي وابوفيصل على امل ان لايطول الغياب أطيب التحايا |
رياض الهديرس
عذرا ً لفارق الزمن اسعدني مرورك باالرغم مابِنا. الله يذكرك باالخيروالغالي وابوفيصل على امل ان لايطول الغياب أطيب التحايا |
ابو فيصل
من الشعراء الذين تركوا بقعة ضوء في وطن الرهب الله يطول بعمره ويذكره بالخير |
الساعة الآن 03:50PM |
Powered by vBulletin® Copyright ©2000 - 2024, Jelsoft Enterprises Ltd.
HêĽм √ 3.1 BY: ! ωαнαм ! © 2010
جميع الحقوق محفوظة لشبكة رهب الأدبية