تافق تعيـش وجامـل النـاس تنّحـب
وبيع الضمير وتشـوف گلـن يجيلـــك هذا هو الدستور في وقتنـا الصعـب أمـا تزيـل الصـدق .. وإلا يزيلــــــك |
للصمت غايتين
الاولى : للتعالي عن التفاهات المطروحه والثانيه : حينما لاترا جدوى من الحديث |
يا صغير لا تضيعني بنظرات البراءه
وانت ما تعرف مدى تأثير نظراتك بحالي آه يالبيه يا بشويش يا هد الإضاءه للجفول اللي من جفاله يجفلني ظلالي فز باسم الله عليك من المبرة للإساءة وارقد آمن في عيوني واسهر آمن في خيالي يا صغير والذكي مثلي ليا خانه ذكاءه ماله إلا يعشقك ويصير لعيونك شمالي قم فديتك وانت حر من الف باءه لين ياءه ما عطاك الا الله اسرف واستبيح ولا تبالي سو ما يرضي غرورك وإد ما تهوى أداءه الحشا لك بيت حاتم وانت غالي عند غالي قم تمخطر في الحشا وانسى الكتابة والقراءة وحل واجب شاعر ما حلته سود الليالي وعلمه وشلون تتعدي على خط استواءه وعلمه وشلون كيف وهل يضيعون الرجالي وكيف يجني خلف سور الجامعة ذنب الكفاءة ساعة نادى ابليس وقال له مالك ومالي وأنا يشفع لك صغر سنك ونظرات البراءة بري حالي كل مالديت يمي بري حالي |
حلمٍ مقفي بي عن الناس وارخيت رسنه..
مانشدته ليه يطوي مساحات البعيد وسط صمان المعاليق ألمح موطنه.. لو يبيد الحلم تبقى دروبه ما تبيد |
تسميك الرجوله فاتح حصوني ..
واسميك الشجاع اللي صفق جنحان تكسر سطوتي تجتث قانوني .. وأنا يلي حلفت باسمي حصون الدان |
تدري وش معنى ( تمام )؟
يعني كل ضيق الكون فيني... بس ما فيني كلام...! |
والليل صبّ التعب بين اللحم والعظام
شرَّه نفضني وانا جسمي ابليّا نحيل وشلون أبغفى وانا اللي كل مارحت أنام ايطيح بي حلمٍ أعظم من مطيح النخيل |
الساعة الآن 06:43PM |
Powered by vBulletin® Copyright ©2000 - 2024, Jelsoft Enterprises Ltd.
HêĽм √ 3.1 BY: ! ωαнαм ! © 2010
جميع الحقوق محفوظة لشبكة رهب الأدبية