قلت له: تكفى تعال : وقال لي: وشلون اجيك ؟= قلت له: آنا اجيك .. وقال لي: تكفى تعال
قلت له: من دون تكفى يرحم الله والديك=قال انا اسمع بان (تكفى) هزّت ثقال الرجال
قلت له: والله ابيك ..وقال لي: وانا ابيك= بس ابي منك تجاوبني على هذا السؤال
وش تبي ؟أو..وش أبي ؟أو..وش عليّ او وش عليك؟= لا تجادلني بهالموضوع ما يحمل جدال
قلت انا آغني عليك وقال انا غنيت فيك=قلت وش غنيت فيني قال بُعدك حيل طال
قلت : يعني ذا ضياع ؟ وقال قلبي يهتديك=قلت غايب عن عيوني!قال حبك لا يزال !
قلت له : تذكر.. و تذكر..؟قال قلبي ما نسيك=قلت:مشتاق لوصالك .. قال بيديك الوصال
قلت: خذني من شتاتي !! قال آباخذني إليِك=قلت: يعني بالحقيقه : قال يعني بالخيال
قلت: وآعيش بخيالي ؟ قال: إلين الله يْهديك=قلت: خايف لا نتفارق !قال: لا يابن الحلال
قلت: وش فيك متضايق ؟! قال ابي ضمة يديك= قلت له: لا وآ وجودي ..قال وآطول الليال
قلت له: والله لا اجيك وقال والله محتريك= قلت له :يعني آجيك ؟! وقال ياعمري تعال