|
بأنتظـار وآه ياصعب القرار بين مدري ومدري .. تمر لحظات أحتضار وأتشكر .. وأتفكر وأذوق حلوات المرار وينها نسمة هبوبك .. غايبه مامرت سمانا وهبّت الليله وهبّت ونار الأشواق شبّت ومافاد لو نتذرى .. بذرانا ساقت لك غيوم وصبّت تبّت ايدين البوح وتبّت وياصعبها لحظات الأنتظار تشتت دربك والمسار وياليت بس تدري .. عن الحرمان وصبري ويآليـت بس تدري ’ تدري وش أصعب حرق حرق الضماير .......................... لاشب نار الحـزن بين المعاليـق وتدري وش ألعن فضح فضح السراير .......................... لابحـت بالخافي لبعض المخاليـق وتدري وش اللي دايم الدوم جاير .......................... لامن مشيـت الدرب ولابه توافيـق و تدري وش اللي بعض الأحيان يقهرك .......................... لاعاش فيك الجسم والقلب ميّت وتدري وش أكثر شي باقي يصبرك .......................... ذكرى الورود اللي بظلك تفيّت وتدري وش ألعن ضيق دايم يكدرك .......................... بعض الجروح اللي بصدرك تطيّت وتدري وش أسهرني للحين وأسهرك .......................... دمعه تبي تطيح لكنها العين عيّت :rhb: وبقيت أنا بأنتظـار لين طاحت الدمعـه بأنحـدار .. بأنحـدار .. بأنحـدار |
هبُوب ، الشمال شَــآعِــرْ هقـاوي http://www.rhb-reema.com/vb/images/rating/star7.gif :r: :r: :r: جيت والخطوه حذر!! من طريق .. ومن صديق.. وبعد خل ٍ والله اني له ماأطيق ومن حرث ولابذر مايطيح بيستريح مازرع يجنيه والنايم طريح ماعلينا/الخُطى سارت وجيت..ماعلينا حامل ٍ مسك يفوح بوجه صاحب والزمن له وجه شاحب والسعيد/اللي عرف منهو يصاحب جيت والخطوه حذر والكريم/إن غلط غيره...عذر |
مطر .. ويمتلي جوف الاماكن ماء وتتحشرج صدور الاولين بما فيهم مباديهم . حروف إيمانهم . أمانيهم . حبايبهم . حزنهم .. حتى تعبهم مطر يتساقط عتب واشتاق لمقابل قلوب الطيبين من البشر الغارقين بنقاهم صادقين الود واتساقط الى الاعلى مطر |
مطر
مطر ومن غيمة احنف اشربي يارض الجفاف ونشتاق مثله للوفاء واهل الوفا.. واقول يالغايب كفا الاياحنف بسالك ماتشوف القايد اللي لك يكمل؟؟ كل ماكمل يجمِّل ماتشوفه..ولا تدري عن ضروفه قله انا في رهب لا ..مانتحمل يااحنف ان شفته فسلم لي عليه= بلغه مني التحيه والسلام الثلوث اللي تشكل في يديه= لاقريته مابقى عندي كلام الله اكبرياغياب الي نبيه= فاح ذكره عودوافعاله حسام |
من سجد لله وارضى والديه = فاز بالجنه بعد طول المقام طيبين القلب سمحين الوجيه = صافيين الود ضاؤين الظلام وما عليه .. وأن حصل شفته باسلم لك عليه .. واعذره والعذر لكرام .. الوجيه |
دمت سالم
والف شكر وبطاري اكرام الوجيه وانت منهم المهم/خلنا نكمل في رجا ريح تهب ونجتمع باحلى رهب منتدانا.. كم حكالي,, من قديمه والسوالف شي صاحي/وشي تالف من سوالفه القديمه لي يقول كنت ليله.. تجتمع فيها نجوم بعضها راحت وردّت وبعضها/طاحت..وهدّت وبعضها/ بغيمة جفا اختفت فيها وعدّت تشرق بصبحي مية شمسٍ ..وشمس ويجتمع بي صوت صاخب/وجه شاحب ضحك ساخر/غطو شاعر/صوت همس احتضنت اللي من اوراقي سقط واكتفيت بمابقى عندي فقط وطاري الناس الكرام مثل شمس.. تشرق بكل القلوب ونتأملها بغروب في رجا يومٍ جديد تعود شمس.. هذي قصه من سوالف ليلةٍ تسوى ذهب مايخالف مايخالف لاشتكى الفرقى رهب |
جيت أكمل ..
بحروف تكتبني الليله .. ليله سكون .. صمت وشجون.. ياخذني إحساسي هناك .. لأبعد مدى .. عانق الغيمه ندى وأنتثر حبات لولو على خيوط العنكبوت .. والبقى في صندوق .. وكفن .. وحب مايموت هذي الليله كئيبه .. ليله عيت لاتفوت ...!! ليله عيت لاتفوت ...!! |
ليلة فيهاا غدت .. .. كل المشااعر حزينـــه .. .. وكـل الليــاالي ,, قـــلـق .. .. الهــم ,, ,, هــز السفـــيـنـه .. .. ومــركــب حيــااتي .. غـــر ِق .. .. |
استخير
هل اكمل؟؟ ولا اهمّل. باستخير وجيت اكمل مالقيت الا رساله للمدير فاحت بطيب وعبير من شذاها>>>وصلت لآخر اخير .. قنصلية طيب تنصاها المشاعر تنتظر ترحيب من مكتب سفير الانتظاريشب فاحساسي بساعر والبياض يخاف الاسود له خشير والتجارب دربها بالحيل واعر والنتايج درس/ متحدد مصير جيت اكمل.. وانت حمل.. بعد هذا ماثنيت اقدامي عن دربك ردى وأبدا أبدا/من يسوى خيرمايذهب (سُدى) ومن يجي بعدي وعاني فل يكمل ..بطرق ثاني |
غرق مركب حياتي * يافطينـه الموج يلعب بي .. ويبرق البرق بلحظة ذكرت الماضيات وسنينه كنها تشابه ولابه .. ظهر فرق !! ’ فز ياخفوقي قبل لاتحس بالحرق .......................... وش ينفعك بعد الألم شوف حرقه وسط السفينه والبشر كلها غرق .......................... في غبة الموجات راحوا بغرقه تضوي عيوني مثل مايضوي البرق .......................... وسط السحايب كل مالاح برقه صلّيت للقبله / وصلّيت بي شرق .......................... والفرح ضايع بين قبله وشرقه جرحٍ مكن وسط الضماير وأحرقه حرق .......................... والقلب جامل حلمه بجـرح حرقه أسرق دموعي من عيون الشقى سرق .......................... وتسرقني الذكرى وتسرق أهآتي سرقه تورق غصون أمآلي ويذبل الورق .......................... والحول يمضي والأمل طاح ورقه عرقين قلبي تفقدك وينشف العرق .......................... والدم واقف مامشى وسط عرقه هذي حروفي وأكشف الفرق بالفرق .......................... حيث الفروق بـ تفترق حسب فرقه :rhb: |
| الساعة الآن 02:12PM |
Powered by vBulletin® Copyright ©2000 - 2024, Jelsoft Enterprises Ltd.
HêĽм √ 3.1 BY: ! ωαнαм ! © 2010
جميع الحقوق محفوظة لشبكة رهب الأدبية