بلا قوم
اخواني واخواتي اتشرف بان اضع هذه المشاعر بين يديكم
وهي تحكي عن نفسها واتمنى تنال اعجابكم
ضاقوا علي القوم كني بلا قوم = وحطو علي من الجزاء شايعاتي ابكي خفا واخاف من كلمة اللوم = ابكي خفا خايف من اهل الشماتي ماهوب ضعف ابكي من الوقت مضلوم = مقهور انا من شين واقع حياتي انا الوحيد اللي من الناس محروم = ومافيه مخلوق(ن) جراله سواتي انا مزيج احزان وآلام وهموم = ياجاهل(ن) فيه ترى ذي صفاتي والله ماعمري تهنيت لو يوم= كن الزمن يسعى لتحطيم ذاتي ياناس انا حقي من الناس مهضوم = وقت ن على الشينات حنا حصاتي انا غريب اوضاع في عالم اليوم = مالي لزوم ومنوتي هي وفاتي وسلامتكم،، اخوكم : حزين الوطن |
رد: بلا قوم
حزين الوطن قصيده رائعه رغم الألم والحزن تحمل مشاعر شاعر متمكن من رسم الصور الشعريه وليس بالظروره ان يتكلم الشاعر عن نفسه الشاعر يتخزل بداخله حس مرهف شفاف يتثر بما حوله وهذه حال الشاعر الحقيقي حزين الوطن انت حزنك وطن هلا بك وبأنتظار جديدك تحياتي لك خوي |
رد: بلا قوم
انـا مزيـج احـزان وآلام وهمـوم ياجاهل(ن) فيـه تـرى ذي صفاتـي نص جميل .. وسرد أجمل .. صورة للحــزن سطرتها أنامل ننتظر منها الجديـــد انـا مزيـج احـزان وآلام وهمـوم ياجاهل(ن) فيـه تـرى ذي صفاتـي واسمح لي أنا أقول : نعم أحــزن وفينـــي هم وضحــكة تبكـــي الخـــافي ومهما صـــار لي واقــف محـــال أنـــــزل عن القمـــــه .. همي زادنــي قــوهـ وحــزني صار مجــــــــدافـــي ولو هبــت ليــالــي الخـــوف عــرقــي ما نــزف دمــــــه .. ......... الشهـــــــــم . |
رد: بلا قوم
اقتباس:
استاذي عاشق ما انا الا تلميذ في مدرستكم وكلامك يثلج الصدر وبصراحه لقب وطن الحزن فاتني وابشر بالجديد وبالقديم وبالحروف اللي املكها كلامك يعطي دافع بجد لك احترامي وتقديري |
رد: بلا قوم
والله ماعمـري تهنيـت لـو يــوم كن الزمـن يسعـى لتحطيـم ذاتـي.. حزين الوطن.. صح لسانك وبوح جميل ..قصيده ممزوجه بالحزن والألم ابعده الله عنك .. تقبل تحياتي وفي انتظار المزيد من ابداعاتك .. رهب.. |
رد: بلا قوم
حزين الوطن
صح لسانك وعلا شانك .. قصيده جزله من شاعر متمكن.. حياك الله وبياك ونورت المنتدى.. وابعد الله عنك الحزن.. تحياتي وياهلا |
رد: بلا قوم
انـا مزيـج احـزان وآلام وهمـوم=ياجاهل(ن) فيـه تـرى ذي صفاتـي والله ماعمـري تهنيـت لـو يــوم=كن الزمـن يسعـى لتحطيـم ذاتـي حزين الوطن انـا مزيـج احـزان وآلام وهمـوم أذاً أنت أنسان حقيقي فهذا الزمن يحطم الانسان الذي يملك أحاسيس ومشاعر فقط مبدع والوطن يستحق الحزن |
رد: بلا قوم
اقتباس:
اخوي الشهم الاجمل وجودك وتعليقك صح بدنك وشرف لي كلامك وصح لسانك على البيتين روعه بس انا ليش اقبع خلف الاضواء ؟ لان قصايدي كلها انهزاميه بجد اني استحي اقولها لحد لان ادري ان فيها انكسار وانهزاميه بس اوعدك بالشي اللي يفرح اخوك . حزين الوطن |
رد: بلا قوم
اقتباس:
استاذتي رهب .. صح بدنك وهي شي بسيط من ابداعك ... الله يسعدك حياك الله ونورتي الصفحه .. واوعدك بالجديد اشكرك على اهتمامك |
رد: بلا قوم
اقتباس:
الاستاذ خلف الشلهوب حياك الله وصح بدنك وعلا شانك ابقاك الله والمنتدى منور بوجودك وبوجود المبدعين امثالك اشكرك استاذي وهلا فيك |
الساعة الآن 03:25AM |
Powered by vBulletin® Copyright ©2000 - 2024, Jelsoft Enterprises Ltd.
HêĽм √ 3.1 BY: ! ωαнαм ! © 2010
جميع الحقوق محفوظة لشبكة رهب الأدبية