شبكة رهب الأدبية-ريما محمد السديري

شبكة رهب الأدبية-ريما محمد السديري (http://www.rhb-reema.com/vb/index.php)
-   مساحات أدبية (http://www.rhb-reema.com/vb/forumdisplay.php?f=76)
-   -   [ لاتسـَآفر / المَاء يموتّ وينشَفْ العصفورَ ] ! (http://www.rhb-reema.com/vb/showthread.php?t=24566)

ظنون 08-05-2010 01:41AM
[ لاتسـَآفر / المَاء يموتّ وينشَفْ العصفورَ ] !
 
... مسآئَكُم شِعر , :e:




وإن مَرِّني منك ليلٍ مايخاف النورْ

من وين أجيب لعيوني دمعْ... وأبكي لكْ ؟!



لاتسافر.. الما يموت.. وينشف العصفورْ

والريح تصمُتْ... وذِيبَةْ رَمْلِي تعوي لكْ !



محتاجك أكثرْ من أوقف والسنين: تدورْ

وأكثر من إني تَعَبْ كل ليله أسري لكْ


محتاج أفضفض لقلبك عن ثلاث شهورْ

وعن حلم عاري.... لقى حتفَهْ يغنِّي لكْ !!



كل مانسيتكْ.. ذِكَرْكْ الخاطر المكسورْ

ياسُخفْ عذري... وياحظّ أضلعي بـ ويلكْ



جرِّب تنامي .. بيديكِ... ولا معاكِ غرورْ

عشاني.. جرِّب ثواني.... وشفْ شسوِّي لكْ :



بأهديك باب.. ودُعا / خفَّاقْ / شِعْرْ / طيورْ

يمكنّك شوي...... تدري شكثر حبِّي لكْ !



والبارحة... ما هَجَدْتْ ولا حَوَتْني الدُّورْ

ماغير أشتِّمْ غيابك... وأرجَعْ أشكي لكْ !


بلحالي.. كِنِّي الفقير.. وكِنّ زَعَلْكْ السُّورْ

كل مابغيت أشحذك.. هجَّتْ محاصيلَكْ !


بشويش قل لي: شَسَوِّيْ.. وأجْمَعَ المنثُورْ

بس إنت آمر.. وأنا بهبالي... كلِّيْ لكْ !


ودِّي أكونِكْ.. وإنت تكونني.. وبالدّورْ :

أنا أحضنَكْ بُنّ.. وإنت تضُمِّني هيلكْ !


ماهو بوقت لـ تغلِّي... سيِّدي المَمْطُورْ

بالحُسنْ / .. وأمَّ المسافة تنتخي بـ خيلكْ !


العُمرْ: دفترْ... وأيام الوصال سطورْ

يا دفتر العُمرْ... لا تحرمني سطري لكْ !


ثلاثة شهور ... والوحدة بليَّا شعُورْ..

تهِدّ بي حلم... وأرجع كلِّي أبْنِي لكْ !


لله... قل لي: إذا مَرّيتني بـ غرورْ :

من وين أجيب لعيوني دَمعْ.. وأبكي لكْ ؟!

من وين أجيب لعيوني دَمعْ.. وأبكي لكْ ؟!

من وين أجيب لعيوني دَمعْ.. وأبكي لكْ ؟!



لــِ [ حابِسْ المشعلَ ]

:r:

جمرة العرب 08-14-2010 03:33AM
يعطيك العافية ظنون على النقل المميز
تحياتي لك يا الغلا :r:
..

ترفه 08-16-2010 10:03PM
سلمتِ ذوقاً واختياراً

ودام نبضك بسعادة


الساعة الآن 08:00AM

Powered by vBulletin® Copyright ©2000 - 2024, Jelsoft Enterprises Ltd.
HêĽм √ 3.1 BY: ! ωαнαм ! © 2010
جميع الحقوق محفوظة لشبكة رهب الأدبية