قبل الكلام المُر يامُر الكلام = جرحن على بوح الفؤاد ومسمعه
وشلون باكر لا تحملت الملام = وصدق العذر بعض العرب مايقنعه
يامن لها عندي كبير الاحترام = يامن لشرهتها أطعوني موجعه
ياطهر من دموع الحرم خلف المقام = وأسمى من ظنون اللئيم ومطمعه
وأصدق من الهمال لاهل الغمام = وأبعد كثير من السفن والاشرعه
وجهي وأنا والله علْي وبالحرام ؟ = لا أصير له كل الفصول الاربعه
يأخذني الهاجوس في وسط الزحام = راسي من التفكير صعب أجمعه
وصلت بالتفكير حد الانفصام = ماني مطيع الوقت لو قالوا طعه
يكفي حملت من الزمن أعلى وسام = وأخذت حكمة وقت من باعك بعه
أيماني اكبر من خفافيش الظلام = لو لبسّوا وجه الحقيقه بقنعه
أنا ولد (نايف) على راس السنام = ماني ولد راعي ولاني بمعه
أنا معرب من خوال ومن عمام = الجد جدي والفخر من منبعه
أنا خصيم اللي يبي حرب وخصام = وأنا عضيد اللي يبي لي منفعه
أنا جملك وشد من فوقه مسام = إرتح ونور الصبح باكر مطلعه
ياقو باسي كان حان الاحتدام = أثبت لعدواني بوقت المعمعه
والعلم لامنه تجلا واستقام ؟ = تشوف من ياصل الحروه ومن يتبعه