كتبت همي علـى دفتـر مشاويـري=كنت احسب ان القصيد يخفف آلامي
حتى لو اتعبت هوجاسي وتفكيـري=عمر الورق ما يحس بحبر الاقلامـي
والشعر لو كان يحكي عن تعابيـري=والله لابصم على الاوراق بابهامـي
ملّت خطاياي .. من لعبة معاذيـري=حقيقة الوقت ما تستاهـل احلامـي
يا ما حلمت ومشيت وطال بي سيري=أترك وراي العنا .. والقـاه قدامـي
حتيش لو شلّع بكبر الفضـا طيـري=مصيره القاع مهما حلّـق وهامـي
خدعتكم فالملامـح يـا جماهيـري=وما نيب خادعكم بشعري وبالهامـي
لمسـت بقلوبكـم حبـي وتقديـري=وبعيونكم شفت صورة جرحي الدامي
وخذلتكم بالضيافـة يـا مساييـري=وانا خذلني مثل " مرور الأكرامـي "
ماني بآسف علـى ردي وتقصيـري=هو ليه متني يشيل ذنـوب الايامـي
قناعتـي فالأماكـن سـر تأثيـري=خلتني آطى على الازمـان باقدامـي
يا واقع الحال وش ينفعـك تبريـري=وضمير الانسان لا من نام.. ما قامي
ويا ضيقة البال روحي دوّري غيري=يكفيني اللي حصل من سبعة اعوامي
أصبحت اردد ليا شحـت مقاديـري=( ليا صفى لك زمانك عل يا ظامي )

ملّت خطاياي .. من لعبة معاذيـري=حقيقة الوقت ما تستاهـل احلامـي

يا ما حلمت ومشيت وطال بي سيري=أترك وراي العنا .. والقـاه قدامـي

المشاركة الأصلية كتبت بواسطة خلف العاطفي (المشاركة 331432) لمسـت بقلوبكـم حبـي وتقديـري وبعيونكم شفت صورة جرحي الدامي أرحب يابو سيف وصح السانك ومحشوم عن التقصير وقدرك على العين والراس شاعر مثلك جزل ووافي كل المنى تواجدك وحضورك لاكن تجري الرياح بمالاتشتهي السفن وكل غايب عذره معه وبعد هالقصيده الطيبه مالنا الا ان نقول ياهلا ومرحبا ونورت منتداك يالغالي وبالنسبه للتنسيق فالقصيده واضحه وكل المراقبين والاداريين يد بيد مع الاعضاء وحتما ستجد من يسد اللزوووم تقبل مني اطيب تحيه

المشاركة الأصلية كتبت بواسطة سر دار (المشاركة 331442) لازال الشعربخيرياجزل كن بخير ياشعر ودمت\بعز

المشاركة الأصلية كتبت بواسطة سفير المعاني (المشاركة 331443) الغالي الشاعر ابو سيف الله انه يسعدك ويوفقك بجميع اوقاتك بكل خير ولقد اسعدني ان اكون اول المصافحين لهذه القصيده الشامخه بما تحمله من معاني وعذر ومناجاة ساميه وتصوير شعري مميز من شاعر متمكن ومبدع وقدم لنا شعر بكل نقاء ووفاء ورقي وصح لسانك وعلا شانك مليون ولايكفون وتقبل تحياتي