http://www.shy22.com/bmpfile/khu40856.bmp


مع الشكر والتقدير للاخت الشاعره/ريم النواظر

ورق(ن)سجع ثم هيض القلب بلحون=مايبكي من جرح الهـوى كودخبلَـه
واناآتهيض بـس مانيـب مغبـون=علـى وليف(ن)مذكراليـوم شكلـه
هيضتنـي للـي غـدا دونهـم دون=غـدت مشاعرنامـن البعدخجـلـه
اللي خذت بي جولة(ن)وسط ذاالكون=إلاخذت بالكون فـي الحـب رحلـه
قامت تربع وسط ذاالقلـب وتمـون=تامر على العسـره وتنحـل سهلـه
مابي أوصفهامـع النـاس يـدرون=لان وصفهانـادر ولافيـه مثـلـه
وقبل ارمضان اللي حصل كيف وشلون=صـدت وعهدالحـب مافيـه مهلـه
داخل حشـاي وحبهاالعـام مدفـون=لاعادحاكتنـي وانــاودّي أدلــه
شيطانهاوقلبـي علـيّ إيتمـالـون=والراي عسرٍٍ(ن)لرتكى شـل حملـه
مبداي((لاتطردهوى اللي يصدون))=تطردهوى المقفين ياقلـب وش لـه
أنادلهت ونبضـة القلـب بالهـون=مليت أنامن نبضت العـام عجلـه

ياللي نشدت المغني البارحه وش قِطَفْ
يوم القصايد دنت له وارخت قطوفهـا
بـعـلـمـك والمعاني كيـف تاتـي وشَــفّْ
إكشف..وغط الذخايرلاحـدِ يشوفهـا
أغلاالقصايدقصيده جات من غيردف
احلى التفاصل عجزت تلحق اوصوفها
كتبتها وكتبتنـي والقلـم بـي تلـف
وادغمت انا ميم صدرالبيت في جوفها
من سهلها الممتنع لحق المغني كلـف
في نضمها ضمّها ضميان لحروفهـا
الشطرفي صدرهايحكي سوالف ترف
والعجزيبغـي مخيلـة شعربقنوفهـا
قصيدتي يانديمي كل ابوهـا شـرف
من وزنهـا تنكسرلولِمْسَـتْ كفوفهـا
(ليله وعدّت)قصيده من قصايدخلـف
تحكي عن البارحه والجو وضروفهـا

أيجتمع الجَمال على الجِبالِ=وهل عجزت سيوفُ عن حِبالِ
قسوت وانت ذو وجهٍ حسينٍ=جبابرةٌفذبــنــا في الجَــمالِ
أعيبأ ان قطفنا الياسمينا=وجرما ان شكونا سوءحالِ
أجيبيني فلا أحدا سواك=سيفهم ماتوارى في سؤالي

يابحر...بك غارقٍ لابعد حدود=ليه تغرقني وعلى غيري بردي
ليه جمدت المشاعرفالردود=وانت عارفني واناماني ردي
جودولاجود/ولا.لاتجود=بس خلك عارفٍ وش مقصدي
كنت الونهاوجات اليوم سود=حزن.شفتك بارزعندالجدي

ثارت براكين العتب وانفجر صمت = بوح وعتب/حرك هدووء السكينه
تدري احبك/واعرف انك تألمت = لاكن غيابك ..هاجس اكبر مدينه
يطيح ضلع الصبر,بي/ثم تهَدّمْتْ = تسمع (بقايا)بصرخة الفقد..وينه??

ياصاحب الجرح/ منك الجرح حبيته = والجرح قبلك ترى ماكنت انا اطيقه
جرحك على الصدرخذته ثم ضميته = احلى جروحن تمرومابها ضيقه
ياصاحبه/ منك كل اللي تمنيته = بالصدق نسقى الغلا ونبل له ريقه
اهم حاجه..شعوري فيك/وصيته = يبقى معك بين تغريبه..وتشريقه
ان جيتني حب..جرحي منك داويته = وان جيت بالعذر.خذت الجرح تعليقه
الوصل والحب واصدق شي سميته = انتي ياروح الغلا..ياكل ترويقه
تصبح على خيرياغلى من ترجيته = هذا شعوري وباقي منك تصديقه

ياقلم لحظه لَحَقْك الدور = لاتجاهل بعض أخطائي
اكتب اكتب/اكشف المستور = لاتبالغ وانت تلقائي
اختلف/واكتب عن الطابور = والنظام وكل غوغائي
لوقضى حبرك..عطيتك نور = يقتبس به كل مستائي
مشكلتنا/مارفعنا السور = والحرامي خووش عدائي
واختلفنا في بقايا جذور = كل عاده تحمل اوبائي
ماجبرناضلعنا المكسور = ماعطيناهم سوى التائي
والمصيبه نألف المحظور = ومانبقي منه اشلائي
ياوطن شاحب وفيه بثور = والبطانه نصفها مرآئي
الامانه ضايعه والشور = والكراسي ماتبي أكفائي
اكثر اكثرياقلم مشكور = لاتوقف/ضد قرائي
باقي اشيا/ماتجي بسطور = لجل هذا/أجّلَ اشيائي