شبكة رهب الأدبية-ريما محمد السديري

شبكة رهب الأدبية-ريما محمد السديري (http://www.rhb-reema.com/vb/index.php)
-   بـيـت الـقـصـيـد (http://www.rhb-reema.com/vb/forumdisplay.php?f=40)
-   -   الملك سلمان في الجوف (http://www.rhb-reema.com/vb/showthread.php?t=30910)

خالد البرمان 11-13-2018 03:48AM

الملك سلمان في الجوف
 
بسم الله الرحمن الرحيم



..
..

يا قيل يابليهان يارودم الشيل
..........................ماللحمول الا جملها بليهان
.
.
100 هلآ بالجوف يانافل الجيل
.......................100 هلآ يامحزم صدق مليان
.
.
سلمان والأمّة هدفها المقابيل
....................ربي يجيب الخير بيدين سلمان
.
.
مزنٍ يغيث الجدي ويْسيّل سهيل
....................سبحان منهو ساق غيثه بالامزان
.
.
يقشع سدود الشرق ويعدّل الميل
.................يفتح على اهل الغرب ياطاش بيبان
.
.
برقه جديل الشمس يمحىٰ به الليل
......................يكشف على مالاذ من فوق ما بان
.
.
بالدعوة اللي وحّدت سالف الجيل
.....................دعوة هل التوحيد من نور الايمان
.
.
درعيةٍ منها انطلاق التهاليل
.......................فيها ارتباط الدين واصلاح ماكان
.
.
عن جاهلية شرك قوم الثماثيل
...................يوم الجَهَل غطى على الانس والجان
.
.
درعية العوجا تعدّل بها الميل
.......................عوجا وابن مقرن والاسلام عنوان
.
.
اللي اليا قال امنعوا ياهل الخيل
......................له يمتنع روم ومع الفرس الاخوان
.
.
له يذعن اللي كل جيشه من الفيل
....................كل ابرهه ينكس عن احماه خسران
.
.
هذي صقوره كنها طير ابابيل
....................اللي لهم وقت الوغى سطوه و شان
.
.
يرجم بحول الله على عْداه سجيل
..............................يوم المواقف بيّنت كل خوان
.
.
ياما تحطّم حلم قوم التحاليل
..........................واهل المكر صاروا لمرماه نيشان
.
.
صد وتركهم ماشقى حاله القيل
....................حيث الفعل في واقعه شوف الاعيان
.
.
هرشٍ تمثنى له هزيلٍ مخيليل
.........................لو يلتفت له صدق راح بخبر كان
.
.
وان قيل يابليهان يارودم الشيل
..................................ماللحمول الا جملها بليهان
.
.
100 هلآ بالجوف يانافل الجيل
................................100 هلآ يامحزم صدق مليان
.
.
سلمان والأمّة هدفها المقابيل
.............................ربي يجيب الخير بيدين سلمان

.
.
.

خالد بن جازم البرمان
سكاكا
الثلاثاء
الثانية صباحاً
في 5 /3 / 1440 هـ
الموافق 13 / 11/ 2018 م






اسيرالوفاء 11-22-2018 03:33AM

بوركت وصح لسانك من شاعر فحل

حفظ الله المملكة ومليكها وشعبها الأبي

سفير المعاني 01-23-2019 12:20PM

حياك الله وما قلت من شعر جميل

صح لسانك مدد بلا عدد

خالد البرمان 06-27-2019 11:33PM

ياهلا ومرحبا على هالحضور .. اللي يعطي امل ان فيه ارواح في هذا الصرح العتيق


الساعة الآن 12:05PM

Powered by vBulletin® Copyright ©2000 - 2024, Jelsoft Enterprises Ltd.
HêĽм √ 3.1 BY: ! ωαнαм ! © 2010
جميع الحقوق محفوظة لشبكة رهب الأدبية