الــغربــي
الـغـربـي ,,
ذعذع هوى الـغـرب واستقبل خفوقي نسيـمه 000 ونـثـربـه الـذكريـات وقـال ذاكـر قديـمك واخذت اراعي خفـوقـي والـجروح الـقـديـمه 000 نـبشـتها يـاغـريـم ٍ مـاتـراعـي غريـمـك يـاقـلب نـوحك شـقى بالـنفس من غير قيمه 000 ان طعتني كف نوحك جـعلها من نعيـمك لـو أن نـوحـك يـفـيـدك للـدروب الـنـعــيــمه 000 والله لجر الـحنـيـن الي يـعـذب صميـمك لـكـن خـلك على مـافـات عـنـدك عــزيــمـه 000 مـافـات خله ووقـتك بـالـقسى لايضيـمك أقبـل لـوقت ٍ عـلـيـك اقـبـل وخلـك خصيمه 000 بـالـصبـر ياقلب والايمـان قـابل خصيمك لـو تـنـثـني للـسنيـن المـاضيـات الأ ليـمـه 000 تجـمع حطبها وتشعل فوق همك جحيـمك سـاير زمـانـك ولو صـارت دروبه عظيمه 000 وأرفع طموحـك ولـو انه غـدربـك نديـمك يـقـولها الي جـروحه فـالـضمـايـر مقـيمه 000 لاعـادك الله يـالـغـربــي وبـارد نــسـيـمك وسلامة نـواظـركم ,, خـالـد الـعبـيـريـد . |
الغالي
الشاعر خالد العبيريد الله انه يسعدك ويوفقك بجميع الاوقات بالخير ولقد اسعدني ان اكون من اول المصافحين لهذه القصيده الجزله و الرائعه وما تحمله من مضمون ومعنى من شاعر متمكن وله باع طويل بالشعر وصح لسانك وعلا شانك مليون ولايكفون تقبل تحياتي |
...
الله الله خالد العبيريد صح لسانك و لا هنت على القصيدة الاكثر من رائعة انت مبدع دائما كما عهدناك و ننتظر منك كل جديد ريف |
أقبـل لـوقت ٍ عـلـيـك اقـبـل وخلـك خصيمه 000 بـالـصبـر ياقلب والايمـان قـابل خصيمك
لـو تـنـثـني للـسنيـن المـاضيـات الأ ليـمـه 000 تجـمع حطبها وتشعل فوق همك جحيـمك الشاعر خالد قصيد يغني عن الف قصيد سلم الاحساس واليراع تقديري لك |
من الممكن اني لم استطع قرائتها
الظاهر انتظر للنهار ... وتحياتي لك ايها الخلوق وصح نبضك الى ان نقرر كجمهور بأن نقول صح لسانك مع اجمل تحيه وتقدير |
سفير المعاني ,, ريف النشاما ,, زمان العجايب ,, خالد الرمان حياكم الله ,,
صح الله ابدانكم جميعا ً ولاهنتم على التصفح المضئ ,, لكم خالص تحياتي , خالد العبيريد. |
الله الله ياشاعر
خالد العبيريد صح لسانك يالجزل تقديري |
رااائعه
صح لسانك ولاهنت تقديري لك |
الساعة الآن 05:16PM |
Powered by vBulletin® Copyright ©2000 - 2024, Jelsoft Enterprises Ltd.
HêĽм √ 3.1 BY: ! ωαнαм ! © 2010
جميع الحقوق محفوظة لشبكة رهب الأدبية