|
نبرة الحزن
السلام عليكم ورحمة الله تواصلية اضعها بين ايديكم كبداية اتمنى ان تنال اعجابكم / \ / يانبرة الحزن يكفـي فارقـي صوتـه ====== ما اعتادت اذني على حزنـه ونبراتـه يكفي هماليـل عينـه غرّقـت توتـه ====== يوميـن مانـورت دنيـاي ضحكاتـه المرهف اللي عزف عمري على النوته ====== وانا من اول نشـاز وعكـس رغباتـه الشاعر اللي عسف قافي علـى بيوتـه ====== حتـى تناغمـت مـع قافـه وكلماتـه الناعم المتـرف اللـي شربـه وقوتـه ====== خلاصة الغنـج والصبـح ابتساماتـه الفاتن اللـي كلامـه سحـر وسكوتـه ====== يغار منـه الحكـي ويعـض بشفاتـه البـاذخ الحسـن لـولـوّه وياقـوتـه ====== تعجـز تحاكـي ربـع مافيـه مرآتـه كـم ليلـة ٍ والفـرح ميّت بتابـوتـه ====== طل وبعث روح فرْحي وانعش رفاتـه اجيه وانـا مشاعـر ضيـم مكبوتـه ====== ذبـلان روح الزمـن بـذّه بلوعاتـه عاري غصون وثمر واوراق محتوتـه ====== تايه محى الوقت حتى آثـار خطواتـه وارجع وانا اللي رجع نبضه عقب موته ====== يسمع خفوقـه تـرجّ الكـون نبضاتـه يانبرة الحزن يكفـي فارقـي صوتـه ====== خلينـي اشنّـف اذانـي بضحكـاتـه / \ / \ وسلامتكم |
[table1="width:95%;"] | [/table1]فيصل بن فرج صح لسانك صح لسانك نص فاخر من العيار الثقيل تحياتي |
فيصل فرج
صح ألسانك قصيده رائعه جداً مبدع مبدع مبدع تحياتي |
كـم ليلـة ٍ والفـرح ميّت بتابـوتـه
====== طل وبعث روح فرْحي وانعش رفاتـه اجيه وانـا مشاعـر ضيـم مكبوتـه ====== ذبـلان روح الزمـن بـذّه بلوعاتـه عاري غصون وثمر واوراق محتوتـه ====== تايه محى الوقت حتى آثـار خطواتـه صح ألسانك لا هنت شاعر مبدع تحياتي |
رائعه بالحيل يافيصل فرج
الله يهنيك ويزيدك من فضله |
حجز لي عوده قريبه على هذه النادره |
هكذا الشعر والا بلاش
راقت لي كثيرااااااا نص فاخر وعزف منفرد وتغريد خارج السرب صح لسااانك تحياتي وتقديري وشكري واحترامي |
عقاب
صح بدنك شرفتني بتواجدك العطر وكلماتك المبهجه الف شكر ++ متعب صح بدنك والف شكر لمرورك الجميل وكلماتك المحفزة ++ |
الغالي الشاعر فيصل فرج العتيبي الله يسعد ويحييك في منتديات رهب اسعدني كثيرا مصافحتي لهذه القصيده الاجمل من جميله لما تحويه من شعر غزلي رائع انت شاعر متمكن ونتمنى ان نصافح شعرك وما اقول الاصح لسانك وعلا شانك مليون وما يكفون تقبل تحياتي |
صح لسانك
|
| الساعة الآن 09:58PM |
Powered by vBulletin® Copyright ©2000 - 2024, Jelsoft Enterprises Ltd.
HêĽм √ 3.1 BY: ! ωαнαм ! © 2010
جميع الحقوق محفوظة لشبكة رهب الأدبية