شبكة رهب الأدبية-ريما محمد السديري - قصيدة الشاعر محمد الفالح ررررررررائعه

يابو محمد دك بالقلب هوجاس
هواجسي في القلب تسرح وتلها

أجاوب الغربي ليا هب نسناس
والبس من جزال المعاني حللها

سار القلم من فيض وجدان واحساس
نصيحة سلمت هاجوسي اللها

ان كان مانشره على عاقل الناس
مانهدي الشرهه على غير أهلها

خل الوطا لهل الوطا وارفع الرأس
لا تعطي الحسنه وتأخذ بدلها

ولاتبدي اسرارك على كل بلاس
إلي ليا سمع السوالف نقلها

ولاتاخذ الا بنت شيخ ن على ساس
تضربه ألروس العوارف مثلها

شيخ على الصعبات ماهوب ينحاس
يشيلها مثل الحمول وجملها

وخويك إلي ماتحصل له اجناس
ينحط من بين العيون وبللها

زلة صديقك كأنها جات لابأس
الأوله والثانيه تحتملها

والثالثه تاخذ مع الدرب مرواس
والرابعه يجزابها من عملها

اضرب بعدوأنك على قوة الباس
اترك رضاها واطلب الله زعلها

الصمت غبن وكلمة الحق نوماس
وليا طرت لك كلمة الحق قلها

واكرم جنابك عن سواليف الادناس
رفقة رديين المواثيق زلها

دور رفيق رفقته مثل للأماس
تجلي عن النفس المريضة عللها

محمد الفالح