دروج ودواليب
ياعالم النيات ياكاشف الغيب = تعلم امورالخلق سر وصراحه كرمك دايم لو تدوم المطاليب = انت الكريم ولاتحب الشحاحه طابت لي الجلسه بروس المراقيب = ولقيت فى مبداي سلوه وراحه وصوّرت من حولي شعاب ومشاذيب =بزوم الفكرماهو بزوم السياحه ومن كل حدب وصوب عندي مناديب = كلٍّ على ماقيل "ستّل جناحه" هذا معه تقرير مابه عذاريب == وهذا كلامه فيه عقل ورجاحه وذاصب لي كاسه وبعض الحثاريب =ولاحظت فيه آثارعوم وسباحه وانا مجهّز لي دروج ودواليب = ولكل ماجابوامخلّي مساحه رغم الظروف مرتّب الوضع ترتيب =واللي يبيت ابيّته فى مراحه دنيا بها زينٍ ..وشين..وتعاجيب =وفيها اختلط مغنى الفتى مع صياحه واحد بري وامسى رهين المقاضيب = وواحد يده تقطر ومطلق سراحه وواحد يودي كل الاخبارويجيب = بين العباد ويعتبرها فلاحه وهذاك متخصص بقطع العراقيب = دايم وهوجالس بقسم الجراحه فى الوجه يتلوّن على صفحة الطيب = لكن ليا قفيّت حدّ د سلاحه والاخراللي ضاع وسط الهباهيب = من حيث ما تبغيه شايِِع وتاحِه فى دنيته ريشه تجوب المساريب = حسب الظروف تشوف حلّه وباحه بعَد نظمت وصغت بعض التجاريب = طالب من القارين عذر وسماحه حوّلت وبات بموقعي يعوي الذيب = والضلع من بعدي تصافق رياحه |
يسعد أوقاتك ياشاعرنا الشامخ ..
^_^ إذا الشعر لم يهززك عند سماعه.... فليس حرياً أن يقال له شعرُ مبدع ! شامخ .. فطين.. استوقفتني القصيده يابوعبدالله .. وفي كل شطر تجربه وتصوير للواقع بما يحمله من شين وزين ..! وكأنها رواية مُمثّلة الغواص / صح لسانك ياغالي وسلم بنانك وفكرك المذهل ودّي .. |
اقتباس:
أخجلتى شعري هنا ياجمرة العربِ=ورحتِ تعلين فوق الشّكِ والرِِّيََبِ
أغلاكِ مولاكِ بالإسلام واكتملت=صورتك حين اعتليتي قمّةَ الأدبِ |
اقتباس:
لله درك وصح لسانك مع اجمل تحية وتقدير |
|
الغالي
الشاعر الغواص والله انه يسعدك بجميع اوقاتك بكل خير واسعدني ان اكون من ضمن المصافحين لهذه القصيده وما تحتويه من مضمون وصور شعرية من شاعر متمكن وله باع طويل بالشعر وصح لسانك وعلا شانك مليون ولايكفون تقبل تحياتي |
الساعة الآن 01:09AM |
Powered by vBulletin® Copyright ©2000 - 2024, Jelsoft Enterprises Ltd.
HêĽм √ 3.1 BY: ! ωαнαм ! © 2010
جميع الحقوق محفوظة لشبكة رهب الأدبية