اهداء لمنتدى رهب
ياخوي لك عندي وصـاة مصيبـه=خذ لك وصاة تلمس العقل وتصـب ترى وصاة اخوك مـا بـه معيبـه=لا صار اخوك مكمل العقل ومنيـب اخاف امـوت ولا ضـلال تجيبـه=توزي لضيقات الدروب الضنابيـب حيـث الليالـي مـا تعلـم بغيبـه=ولا يعلم الا صاحب العلم والغيـب ودي تحرص عن بـلا كـل ويبـه=ويصير بك عرف وكمال وتاديـب والا المقدر صار مـا ينحكـي بـه=ولا ينمحي هذا مـن الله مكاتيـب أول وصاتـي بالفـروض الاديبـه=صوم وصلاة وعدهـم بالمواجيـب وثانـي وصاتـي للامـور الصعيبـه=احرص عليها قبل هـون وتصعيـب جرح عبي له مـا يكلـف طبيبـه=ولا شي الا ماضـي لـه تجاريـب وثالث وصاتي تلعـه ينعـدي بـه=تلقـى عليهـا بينـات المساريـب واللي هدا به ذيب من بطـن ذيبـه=ولا واحد عدى بها غير هـو ذيـب ترى هذاك العرف من غيـر ريبـه=راعيه لا يطلـب ولا لـه مطاليـب ورابع وصاتي كثـرة الهـرج خيبـه=هرج بلا معنـاه مسمـوج ويخيـب لا صار ما عنـدك علـوم عريبـه=بين الرجال ترتب الهـرج ترتيـب وخامس وصاتي خفة الرجـل عيبـه=من راكض الفرقان يركض له العيب لا صار مـا تنحـر لـزوم تجيبـه=تنحر غرضك ان كان ما جاك وتجيب
|
الساعة الآن 05:18PM |
Powered by vBulletin® Copyright ©2000 - 2024, Jelsoft Enterprises Ltd.
HêĽм √ 3.1 BY: ! ωαнαм ! © 2010
جميع الحقوق محفوظة لشبكة رهب الأدبية