/

/

نبكيك يا مير تقافت رحايله= عساك بالجنه تقطف زهورها
امير وافي ما تعدد جمايله= كريم سبلا في ليالي عسورها
تشهد فلسطين بماضي فعايله = ييوم ارسلك ليث الجزيره وسورها
في الواجب المنشود يمناه طايله= مركي على كبد المعادي مرورها
تشهد له العربان باطيب دلايله= حيّها و اللي هوا في قبورها
بالحق تشهد له وتشهد قبايله= بعزمه على خوض المعارك وجورها
يا الله يا للي ما تعدد فضايله = يا واضع الميزان ساعة نشورها
تجبر عزا اللي كاملات خصايله= من عقب فرقا حرها من صقروها
مرحوم يا للي كاملات خصايله= خمس المعاني معطياته نحورها
الجود و المعروف و الطيب نايله= و العطف و التقدير عنده جذورها
مفتي على صينيته كل حايله = من سمنها تنثر على النمل سورها
له راحة للشيف و الجار سايله= سحابه ينبت ثراها لبورها
لو عرشت روحه و طالت نثايله= ذكراه مع ناس تخافق صدورها
رباه في الجنه تبرد غلايله = من حوضك المورود تسقيه حورها
يا زيد ذي دنيا على الناس مايله= في ليلها ربعن طول سبورها
اعلم ترى دنياك لابد زايله = و الأخره لابد كل يزورها
أبوك راح ولا بقا إلا جمايله = معالمن ما خالط الليل نورها
خلك مكانه شل ما كان شايله = و اختر رجالٍ ما يضيعك شورها
تصير مثله ضد عوجا و عايله= وتحوش خمس قلتها في سطورها
و اخوانك إلى صلب ظهره سلايله= فروخ الهداد و تو ماحل دورها
الله يوفقكم من القلب قايله= ابجاه مجرى سفنها في بحورها