|
خل المهياط ينفعك ...هههههههههههه
حدث واقعي بالصــور السلام عليكم كان يا ما كان في قديم الزمان يعني يوم الخميس 29/11/1429هـ>>السنه اللي طافت كان فيه واحد جاي وده يتفرج على السيول في صبخةالقصب اللي تجيك قبل القصب على اليسار وانت جاي من الرياض المهم الرجال وقف سيارته على جال البحيره ونزل يتمشى ما درى الا الماء وصل موتره حاول يطلع لكن ماامداه كفراته صارت تدور في الطين المهم ترك موتره يمرح يوم جا الصبح ويفزع له راعي حراثه حاول يسحب الجيب لكن صارت هذه النتيجه تلاحظون الزمزميه ؟؟ شكلهم وسعوا الصدر عندالحراثه مسيكينه هالحراثه راحت فيها الحراثه تقول طلعوووووني وش لقفني اجي هنا المهم أشروا لراعي سقس على الخط وجا يبي يسحب الحراثه وكانت هذه النتيجه وهذه صورة ثانيه ولاحظ قرب خط الزفلت وعرفواان الموضوع يبي يطول والدليل ترمس المويه!! قالوا مابدهاش لازم نجيب دركتل لكن شوفوا وشصار المهم قالوا الحل الأخير هو الاتصال بالدفاع المدني وقاموا وزينوا الشاهي بعد ما خلص الشاهي اللي في الزمزميه وقعدوا يتقهوون بالبريق اللي قدامكم وفعلا جا الوايت علشان يسحب هاللي غاطسين وشوفوا وش صار وتركوا الجيب والحراثه والوايت والدركتل وحاولوا يطلعون الوايت شكل السواق توهق وانواع الجزاءات بيطبقون عليه وحاولوا كثيراً بدون فايده يوم انهم عجزوا قالوا ما يفك الحديد الاالحديد جيبوا ابو جنزير ويجيك يتمخطر ويضحك على هاللي غاطسين لكن جاه ماجا ربعه تعلق اخونا في الله وقال هذا مكاني وبعد ما استفادوا من الدرس اللي تكرر عليهم في الجيب والحراثه والسقس والدركتل والوايت وابوجنزير قرروا يسحبونها من بعيد ربطوا عدة وايرات في بعض وطلعوا ابو جنزير ويقولون ان الدركتل اللي سحبه على الزفلت الصبخة ما يلعب معها على الزفلت وعساك تسلم ثم سحبوا الدركتل والحمدلله على السلامه هذه صورة للموقع من بعيد يستفاد من الموضوع لاتهايط اذا شفت السيل حاول تستفيد من اللي توهقوا قبلك ماهو بكل من اتصل بالدفاع المدني يبي يطلع منقول من إ يميلي |
روووووز فكينا من قديمك
اعطينا الجديد طاف عليها سنه احنا اللحين نبي السيول لذي السنه الظاهرر انك انتي المهايط لبى قلبتس |
شكرآ صمتي قرار
ع الإطراء الجميل ويسلمو ع المرور <<<<ان ما غسلت شراعك ونتفت رموشك و طوووووووط مشفر |
الظاهر ارض دفان وحاشها السيل
ذكروني بسالفتنا من كم سنه غرزنا اكثر من 6 كيلوا في الدهنا شكرا لك |
لاحول
مرات نتائج الهياط تجيب العيد هههههههههه بس والله شكله ينرحم الحمدلله على سلامته شكرا روز وماننحرم من روائعك دمتِ بخير |
اقووول لو اجيب الجيب حقي غير اسحبهم كهم واحد ورا واااااحد
>>>>>>اكبر مهايطي :yasser: |
ههههههههه
يسلموووو روووز على الموضوع الظريف تحيتي لكي |
يسلمو جميعآ ع المرور
الله لايحرمنا من هياطكم ههههههههههههه |
هههههههه
ياحرااااااااااام والله رووز يسلمووووو |
زمان العجايب
يسلمو ع المرور غلاتي |
| الساعة الآن 11:32AM |
Powered by vBulletin® Copyright ©2000 - 2024, Jelsoft Enterprises Ltd.
HêĽм √ 3.1 BY: ! ωαнαм ! © 2010
جميع الحقوق محفوظة لشبكة رهب الأدبية