الا يالله رضينا بالمقدر والمقدر صار = تحت دبرتك نمشي ما لنا حيل(ن) ولا حيله
والا يالله عسى ابو عناد ما يقرب لهيب النار = ابى ادعي له عسى من يستمع لدعاي يدعي له
والا يالله عسى له منزل(ن) في جنة الابرار = طلبتك في جنان الخلد وسع له مداخيله
والا يالله تصبر واحد(ن) من صدمته منهار = ودمعه ما يخفُا لو يمشنه مناديله
والا يا عاذلي خل العيون تهل دمع(ن) حار = ما دام الدمع حيلة من زمانه ذابح(ن) حيله
ما دام اني فقدت اخو و ولد عم ورفيق(ن) بار = ابى ابطي ما لقيت اللي يعوض عنه من جيله
وانا وشلون ابى ادله دام اله في ناظري تذكار = وانا وش عاد اسوي لا وطيت اخر مداهيله
مثل ما قاله القرقاح والدنيا فلكها دار = ولا يفرق نهار اللي شكى الاحزان عن ليله
وعلى الله كل شي وما كتب رب الخلايق صار = وحق اللي خذاه الله بالغفران ندعي له

المشاركة الأصلية كتبت بواسطة حقانيه (المشاركة 215178) الله يغفر له ويرحمه واحسن الله عزاك

الله يغفر له ويرحمه
ويجعله من سكان الجنه
واحسن الله عزاك

وبيضالله وجهك وماقصرت في ابن عمك وصح لسانك

ولاحول ولاقوة الا بالله

المشاركة الأصلية كتبت بواسطة @ سيف @ (المشاركة 215210) الله يغفر له ويرحمه ويجعله من سكان الجنه واحسن الله عزاك وبيضالله وجهك وماقصرت في ابن عمك وصح لسانك ولاحول ولاقوة الا بالله

المشاركة الأصلية كتبت بواسطة نبض القلب ابها (المشاركة 215243) الشاعر القدير .. سلطان بن دحيم الله يرحمه ويسكنه فسيح جناته وثبته عند السؤال وغسل ذنوبه بالماء والثلج والبرد وأوسع عليه قبره .... صح لسانك وعلا شانك قصيدة وافيه وجزله والله يعطيك الف عافيه تحياتي وشكري لك ..

صح بدنك

الف شكر لك على المرور

والله يقبل دعاك ويجزاك خير

الغالي
الشاعر
سلطان بن دحيم

اللهم اغفر له ورحمه وعافه وعف عنه وأكرم نزله ووسع مدخله واغسله
بالماء والثلج والبرد ونقه من الذنوب والخطايا كما ينقا الثوب الأبيض من الدنس
اللهم باعد بينه وبين خطاياه كما باعدت بين المشرق والمغرب
اللهم اجعل قبره روضة من رياض الجنة
اللهم أبدله دارا خير من داره وأهل خير من أهله
اللهم ألهم أهله الصبر والسلوان وآجرهم في مصيبتهم واخلفهم خيرا