ذكرى الغرام وجنّة الغي والتيه = بالقلب نار و في عيوني زوابع
انا الذي جاب المعاناة بأيديه = حتى غشى وجهي من الهم طابع
زرعي نزل فيه الجراد وعثى فيه = وديار خلق الله خصاب ومرابع
على معاناتي تجيني مشاريه = احساس من قلب اصدق الناس نابع
وشلون اهين النفس واتبع مماشيه = ودّي بقربه بس ما اكون تابع
ابعد ومن دونه سراب ومهاميه = ليته من الجيران لو كان سابع
قلبي مع الاشواق يمّه تودّيه = خلّي دعاه و طق له بالاصابع
احاول انسى مير مانيب ناسيه = تجمّعت ذكرى الهوى والروابع