مرحوم ياللي للصعيبات مدهال = مـواقـفـه بالـطـيـب .. علمٍ يقيني
له في كنين القلب موطن ومنزال = لا غاب عن عيني بفكـري يجيني
صورة خياله في عيوني ولا زال = تبقى وصاته بالخفوق الحزيني
(أبويه) اللي تفتخر فيه الابطال = قصة حياته بالفخر تكتسيني
سيرة فخر تبقى على مر الاجيال = لو غاب راسه شامخاً صدقيني
نوماس فعله يعتلي رأس ماطال = ومكانته مابين قلبي وعيني
نرفع له البيضاء على رؤس الاقذال=الغايب اللي حاضرٍ في سنيني
من لوعة الحرمان .. حيره وغربال = وجرح المفارق والالم محتويني
في ناظري كل البشر عقبه أطلال = من حسرة الفرقا ولوعة حنيني
في غيبّته عبرة وصرخة وموال = أحساس غربه بين نفسي وبيني
مايوصفه جـزل المـعـاني والامثال = أبكـيـه في شعـري وخافي كنيني

المشاركة الأصلية كتبت بواسطة سفير المعاني (المشاركة 393679) الغاليه الكاتبه شموخ امراه ابارك لك بالعشر الاواخر من شهر رمضان والله انه يسعدك بجميع اوقاتك بكل خير ولقد اسعدني ان اكون اول المصافحين لهذه القصيده الاجمل من جميله والاروع من رائعه والله يرحم والدك ويغفر له ويسكنه فسيح جناته وصح لسانك وعلا شانك مليون ولايكفون وتقبلي تحياتي