دوامة التفكير
كل عام وأنتم بخير وكل عيد وأنتم من العايدين تقبل الله طاعتكم وبارك لكم عيدكم
هليت عبرة فراقك من الم في سكات=واللحظه اللي تجيب فراقك املها تمر دوامة التفكير باربع جهات=وتصتدم بالجهات الاربعه كلها احاول انسى واردد كل مافات مات=واقول ليه الدموع من اجلك اهلها ما اظن تحتاج يا المجمول مني وصاة=قضية الحب بيدك واعطني حلها متى تجيني ضعونك يالغضى مقبلات=وكبودنا من مزون وصالك نبلها نعيد بالوصل ما يرضي من الذكريات=والذكريات الاليمه نقدر نزلها تغدي رياض الحشى من شوفتك مزهرات=ما فيه غيرك محاني روحي يدلها اصبح وقيِّل وخذ لك بالمشاعر مبات=وادخل قلاع المشاعر قسر واحتلها واترك كلام الرخوم وخذ كلام الثقات=الديره اللي تخون بربعها خلها واعمر ديارك بقلبي ثم لم الشتات=وسيوف هجرك دخيلك بطل تسلها قلوب من دون احب اشوفها خاويات=وقصور من دون رود اش فايدة زلها وحب من دون وصل بيفتقد للثبات=والروح ما تستقر اذا هجر خلها اربط عرى الود في دنيا الغلا بالصلات=وازرع نخيل الوصال يبردك ظلها تعال ننسى كلام اهل الردى والوشاة=ونعيش زهر الحياة ونقتطف فلها ما أقول هذي حياتي كيف ما جات جات = لاجل إنها لو غدت ما بقدر أعلها تقبلوا تحيات سعيد الغامدي |
الغالي
الشاعر سعيد الغامدي كل عام وانت بخير وتقبل الله منا ومنك والله انه يسعدك بجميع اوقاتك بكل خير ولقد اسعدني ان اكون من ضمن المصافحين لهذه القصيده الاجمل من جميلة والاروع من رائعه بما تحمله من شعر تصويري من الشعر العذب وصح لسانك وعلا شانك مليون ولا يكفون وتقبل تحياتي |
قلوب من دون احب اشوفهـا خاويـات وقصور من دون رود اش فايـدة زلهـا وحب من دون وصـل بيفتقـد للثبـات والروح مـا تستقـر اذا هجـر خلهـا صح السانك وقصيدة جزلة من شاعر جزل لايرضى الابجزل القصيد وكل عام وانت ومن يعز عليك بالف خير |
الساعة الآن 03:54AM |
Powered by vBulletin® Copyright ©2000 - 2024, Jelsoft Enterprises Ltd.
HêĽм √ 3.1 BY: ! ωαнαм ! © 2010
جميع الحقوق محفوظة لشبكة رهب الأدبية