نصائح من ذهب لكي تكون مثقفاً عند بعض العرب !!
 

((اتبع النقاط التالية لتنضم لعالم المثقفين))


1 امحط اللحية و الشنب والبس نظاره حتى لونظرك سته على سته .

2 إذا سألك أحد من تسمع له قل لفيروز وشاديه حتى لو انك ماتسمع إلا لمزعل وسعد جمعة .

3 إذا قالوا لك من شاعرك المفضل قل محمود درويش و ادونيس حتى لو انك ما تقرأ إلا لضيدان بن قضعان وسعد بن جدلان .

4 ابتعد عن المباشرة في الكلام واعمد إلى " التفعيط " و " التمطيط " وبدل ما تقول "في البداية " قل : " بادئ ذي بدء " وبدل ما تقول "وهذا يدل على " قل : " وهذا إن دل فإنما يدل على " ... لا تقعد تقول صعبة ومشوار ومدري إيش لازم تصبر وتتحمل ...ترى الثقافة مهيب سهلة !!!!..

5 إذا كتبت مقالاً فلازم تطعمه ببعض الكلمات الرنانة واللي مالك غنى عنها مثل : "الراديكالية والإمبريالية والليبرالية والديماغوجية والميكافيلية " ولاهوب لازم تحطها وأنت تكتب المقال لا... إذا قضى الأمر أبد لزهن فيه كلمة منا وكلمة مناك الين يقضن "" إن ما كتبت منهن شي تراك من جنبها في الثقافة لو تحفظ سبعميه ألف كتاب وتقرأ ثمانميه ألف موسوعة ""؛ وانتبه تقول : "الرأسمالية و الأشتراكيه والقومية " ترى ذي الكلمات حقت مثقفين منول .. أما الحين ما عاد يوكلن عيش.

6 كثر من الكلمات اللي تنتهي بـ"قراطيه" مثل : " الديموقراطيه . البيروقراطيه . الأرستقراطيه . الأوتو قراطيه . التيوقراطيه ". وإذا انزنقت "فخربط" لك أي كلمه واختمها بـ " قراطيه " مثل " الخنبقراطيه.والخربوقراطيه"؛ ولا تخاف ما في احد يبي يسألك ويقول وش معنى ذا الكلمة عشان ماينكشف " جهله " ويدرون الناس انه مهوب مثقف.

7 خربط لك أي كلام بس بشرط انه يكون " مبهم " وغير مفهوم وأهم شي اكتب فوقه " شعر فلان بن فلان " عشان يعرفون " القراء " انه شعر حداثي .. لايحسبونه مقال والا روايه والا ورقة مقاضي.

8 انتبه انك تؤرخ بالهجري حتى لو كان هو تاريخ المسلمين ترى المثقفين مايؤرخون إلا بالميلادي ويفضل بعد انك إذا كتبت قصيده حداثيه تكتب الشهر كتابه مهوب رقم زي كذا " حزيران 2011 " أما ذا الشهر حق مثقفين بقوه وينصح بعد انك تحط تحت التاريخ أي عاصمة أوربيه " لندن , جنيف , باريس " حتى لو انك كاتب القصيدة في حريملاء وإلا شقراء.

9 إذا جاء معك مقابله في التلفزيون " حش" في الشعر الشعبي وشرشحه حتى لو انك تحبه وقل انه شعر البسطاء والعامة و الدهماء وانه معول من معاول هدم اللغة ولابد من إعلان الحرب عليه دون هوادة !!!

10 إذا سألك احد وش الجرايد اللي تقراهن انتبه تقول له عكاظ والا الرياض !! عشان مايدري انك قروي , لا..
وقل الحياة والشرق الأوسط والاقتصادية حتى لو انك مابعد شفتهن على الطبيعة ..بس لزوم الثقافة.

11 إذا قال لك احد وش الأجواء اللي تجد فيها نفسك , لاتفضحنا وتقول إذا جلست مع أهلي والا إذا طلعت للبر والا إذا صرت اضبب !! لاياحبيبي , قل له أنا تأسرني الليالي البيروتيه المقمرة وخصوصا في فصل الخريف حتى لو انك ما تفرق بين الخريف و" المربعانيه ".

12 حاول دايم انك تفلسف وتلف وتدور في كل شي وفي كل اجابه حتى لو ان الجواب حرفين خله عشره سطور وكثر من الكلمات اللي ماتفهمها عشان مايفهمونها الناس ويتأكدون بما لا يدع مجالا للشك انك من كبار المثقفين.


13 لا تجيب طاري الخميس والجمعة ، بل حاول تقول الويكند ، ولا تقول الشهر الماضي بل قل لاست مونث ، عشان يقولون واااااو لغته رااااقية خخخخ.

14 إياك وعلي الطنطاوي أو غيره من الأدباء أو الكتاب اللي مثله ، بل استبدله بأدونيس ، أو أينشتاين ، وشرواهم " شرواك الطيب




منقول من الإيميل الخاص

:d:d
من جد تشوف ناس مسويه نفسها ذووق لا ارخت بالميلادي ;)





عابر سبيل جبت اساليب التطور الجديده خخخخخخخخخخ:whistling:

يعطيك العافيه




.....
زموووووووونه حبيبتي
شوفي ركزي في الصوره نص دقيقه بعدين غمضي وفتحي عيونك
وتشوفينها قدامك في كل مكان << وحده مجربه:d

الغالي
عابر سبيل

الله انه يسعدك ويوفقك كما اسعدتنا

بهذه النصائح المفيده ههههه بس انا راحت علي الثقافه

لو اني مثقف نسيت الثقافه باسباب مرور السبت

بكثره وعلى طريا السبت لي بيت لازال يتيم يقول

تقبل تحياتي

عاد تصدقين التاريخ كله بالميلادي والهجري ما أحبه

وش تفسير حالتي

مثقفة ولا مهنا ثقافة :d


بجرب وابقولك فديت روحك الحلوه دوووك هالوردة قشيته من قدام باب الادارة :r:

اهلاً بحبيبنا

سفير المعاني

وثقافتك عالية مع العلم انك تقرظ الشعر النبطي .:d

ومرور السبت . هذا ويش يصير . هل هو راعي ساهر ؟

والبيت اليتيم انا اكمله لك .
السبت يمضي والليالي تعيده= وعمر(ن) مضى ياناس معاد ينعاد
والعيد كل ايامه حلوه وسعيده ... الله يعيد ذيك الأيام اللي قبل الآي باد

شكراً لمرورك الكريم


دمت بود