|
تركت دارك خميس(ن) ما انته بجافي
السلام عليكم ورحمة الله هذا اليوم خميس ذكرني بمرثيتي لوالد زوجتي وعمي خالد العبدالله الضويان رحمه الله من ذو ثلاث سنوات
مرحوم بامر الولي يا عمي الوافي= ذكرك جميل(ن) تشيله كل خلق الله تركت دارك خميس(ن) ما انته بجافي = بامر الولي انتهى يومك مع الخله بكتك قبل الدفن والكل قد شافي = دمع(ن) على خدودها تدعي لك بحله حبك بقى بصدرها ظاهر وبالخافي= والشاهد الله دعاها جابته كله وبنيك بدمعهن اشكال واصنافي= واحفادك اللي على موتتك معتله عندك عيال(ن) لهم وقفات تنشافي= مامنهم اللي ترك وراح مع شله شالوك فوق النعش من فوق الاكتافي = وعيونهم تذرف امن الدمع وتهله ماناب ناسي عيوني هلت الصافي = وادعي لك برحمته والرب يقبل له ياليت شفت القرايب جو والاطرافي= الكل يدعي لك بخير(ن) على مله انا اشهد انك حبيب الكل ميلافي= مكرم لجارك وشرك ما بعد دله يشهد لك العالم وخلقه بالانصافي= والله كريم وغفور(ن) غافر الزله الله يرحمك والرحمه من الشافي= غافر ذنوب الخلايق دقه وجله وللجميع تحياتي |
الله يرحمه برحمته
وجزاك الله خير ايها الوافي ابومحمد وصح لسانك مع اجمل تمنياتي لك بالسعادة والسرور |
لاحول ولاقوتا الاء بالله العلي العظيم
الشاعر اخوي الكبير الشاعر ؛ سفير المعاني كيف حالك عساك بخير وعساك في وضع مفرح مرثيه تصب في عيون الجروح لتبردها والتعبير بها يروح على النفس ويزيل ماتشحن من غضب وحزن احسن الله عزاكم في هذا المصاب الجلل وعساه اخر الاتراح في اسرتكم الكريمه فنحن نحزن لحزنكم ونسعد ونسعد بسعدكم فسلم نبضك الحزين والصادق في تعبيره وسلم راسك الذي فرز العبارات التي تليق بالموضوع والموقف المؤلم الذي لانوده لكم ولا لكل مسلم ومسلمه كتبت فابدعت وطرحت لنا شريحه تعبر عن الفيد والتي احتظنت الادعيه والصادره من القلب صح لسانك وفي هذا اليوم يكون الشعر احد ادوية الحزن تحياتي وتقديري |
جعلها الله اخرالأحزان
والله يرحمه رحمتاً واسعه ويسكنه الجنه مشاعر نبيله وذكرى غالي جميل إحساسك يابومحمد مأكل من مات مات ذكره يبقون معنا.بكل التفاصيل نفتقد هم ونحزن لفراقهم لكنه قضاء الله وقدره ولانملك لهم الا/الدعاء . قصيده استوقفتني كثيراً لصدقها صصصصصصصصح لسانك يا الجزل مووودتي لك ياالغالي جداً |
..
شاعرنا القدير الوافي سفير المعاني صح لسانك و لاهنت و الله يرحمه برحمته و يسكنه فسيح جناته و جعله الله من السعداء و كتب لك الاجر مرثية رائعة من شاعر اكن له الاحترام و التقدير ريف.. |
اللهم ارحمه رحمه واسعه
|
رحمه الله واسكنه فسيح جناته
كلمات معبره وجميله صح لسانك |
رحمه الله رحمة واسعه
وصح لسانك ياسفير جزل لاهنت تقبل مروري وتقديري |
الله يغفر له ويرحمه
ووالدي وجميع موتى المسلمين ... صح لسانك على هذه الجزله وفعلااا كلمات نجد فيها الصدق في التعبير عن محبتك لهذا الشخص الله يغفر له ويرحمه تقدير لك |
الله يرحمه يارب وويسكن روحه الجنه
صح لساانك كلمات رائعه ومؤثره اهنيكك وانتظر جديدك بشوق :r: تحيااتي |
| الساعة الآن 06:41AM |
Powered by vBulletin® Copyright ©2000 - 2024, Jelsoft Enterprises Ltd.
HêĽм √ 3.1 BY: ! ωαнαм ! © 2010
جميع الحقوق محفوظة لشبكة رهب الأدبية