|
استقبلوني تقول مصارعـه حـرّه =اعلام تِرفع وتصفيـقٍ وتصويـرا
**
** ** **
البارحـه ساهـرٍ والكبـد محتـرّه =كنه يوقّـد علـى قلبـي دوافيـرا هـمٍ يمـزّع جنوبـي يالله تطـرّه =تقول في وسط جوفي لعب فرفيـرا حظي وقف لي وخلاني على الجرّه =يوم العرب عيّنوا من حظهم خيـرا الترقيه للموظـف حاجـه تسـرّه =وتـزوده فالعمـل حـبٍ وتقديـرا وانا لي اليوم خمس سنين منجـرّه =والحال يا ناس من جرفٍ لدحديـرا دخلت فالعسكريّـه باصنـع الـذرّه =من كثر ما شفت من هرج وتصويرا عينتهـا تعـدم الرجـال وتظـرّه =ماغير يخـدم بـلا رايٍ وتفكيـرا وظيفة اهل الشقى والعيشة المـرّه =والطاعة الي تحفر الكبـد تحفيـرا اول دخولي نسيـت احلّـق الغـرّه =واثره خطا مـا تكفّيـه المعاذيـرا استقبلوني تقول مصارعـه حـرّه =اعلام تِرفع وتصفيـقٍ وتصويـرا قالوا هلابك عسى دنياك مخضـرّه =وما شفت منّا يابن الاجواد تقصيرا حضرة جنابك تبي دورتـك فالـدرّه =والا تبي صوب امستردام تاشيـرا صدقتهم يوم عقلـي ماخـذٍ فـرّه =في عالمٍ ما عرف كـذبٍ وتزويـرا ظهر علـي المـدرّب بايـنٍ شـرّه =كنه مركّب علـى حلقـه مواطيـرا اشعث غبر والطريق الشين ما غرّه =نمسٍ يدوّر على الـزلات تدويـرا قال استعد استعدّت فوقـك الحـرّه =والله لا اخلّيـك عبـره للطوابيـرا عكّر مزاجي عسى المسعور يجترّه =ذيخٍ من الجوع في بطنه صفافيـرا واركى على الراس شيٍ ما بعد مرّه =تفوح منه المسامع فـوح كفتيـرا هذا زمانٍ لوى راسه علـى خـرّة =فيه القوي يفرس الي توه صغيـرا احدٍ نجومه على الامتـان منثـرّه =من بين تاج ومقصٍ فيـه دوّيـرا جته وهو ما سعى فيهـا ولا مـرّه =محفوظ حقه بـلا هـم ومشاويـرا واحدٍ حياته على الصلفات معتـرّه =مليانـةٍ بالمصايـب والخوابـيـرا كل القرارات تكتـب فيـه وتـزرّه =محكوم بالموت حكمٍ فيـه تعزيـرا يا الي تبي كلمةٍ قيلت علـى قـرّه =نصيحـةٍ مـا تقـدّر بالدنانـيـرا ابعد عن العسكريّه كان لـك كـرّه =يرزقك يا صاحبي من يرزق الطيرا الشاعر الكبير سعد بن جدلان الاكلبي |
هلا وغلا رشيد ويا الله حيه نورت المنتدى .. تسلم ايدينك على ها النقل الرائع لشاعر رائع صح لسانه ومليووون هلا والله تحياتي لك رهب |
هلا وغلااا فيــك اخـــوي رشيـــد الهديريس منور منتدااك عزيزي ويعطيك العافيـه علي هالمشاركه الرائعه صح لسان شاعرها واحساسك اخووي قالوا هلابك عسى دنياك مخضـرّه وما شفت منّا يابن الاجواد تقصيرا حضرة جنابك تبي دورتك فالـدرّه والا تبي صوب امستردام تاشيـرا لــك مني اجمــــل تحيــه معطــره |
رشيد الهديرس مشكور عزيزي على النقل الرائع وصح لسان شاعرها وتحياتي لك |
اهلا وسهلا بك هنا
حياك الله وهلا وغلا ومرحبا فيك ومرحبا مليون مصروف هلل صح لسانك ولسان ابن جدلان لاهنت تحياتي |
|
استاذي : رشيد الهديرس يعطيك الف عافية على هذه الكلمات الرائعة التي لا تستغرب عليك رشيد الهديرس صاحب القلم المميز دمت للشموخ فخرا ايها المبدع تقبل تحياتي تلميذك ياعمري |
الشكر للجميع على الاستقبال الطيب وباالتوفيق للجميع
|
هلابك اخوي بيننا ويسلم احساسك على هالتقل المميز صح لسانك ولسان شاعرها ولاتحرمنا من مشاركاتك يالطيّب تحياتي لك اخوي |
| الساعة الآن 04:14PM |
Powered by vBulletin® Copyright ©2000 - 2024, Jelsoft Enterprises Ltd.
HêĽм √ 3.1 BY: ! ωαнαм ! © 2010
جميع الحقوق محفوظة لشبكة رهب الأدبية