رياح الشرق 1
بسم الله الرحمن الرحيم
السلام عليكم ورحمة الله وبركاته رياح التغيير في الشرق الأوسط كأنها بدت علمي بهم يسولفون بها الغرب ولكم ياعرب يارياح الشرق هبّيتي لغرب العاده .......... هبّة التغيير كبرى والمصالح شِلّه . . . يمسي الحاكم ويصبح فاقد ٍ لبلاده ...... وايضاً مكتّف بصوفه من يسار الحِلّه . . . ومن يسير الدرب ياصل غايته و(ا)مراده .........يابغى في خط سيره للهدف وجه الله . . . مستحيل الغرب علميّاً يبذ الرّاده ....... والإراده مجدها التاريخ لو نفطن له . . . لو رجع هارون مع علمه رجعنا ساده ....... واستمحنا قوم ناسا والفضا تعللّه . . . اشهد ان سبع المثاني رفّعتنا قاده ..... ومن تبعنا غيرها من صَلّه لـ سحسلّه . . . دام في علم الأجنّه نطفةٍ شـهَّاده ......... آية ٍ كبرى تكشَّف مابها من خِلّه . . . تذهل العالم بنطفه لين بان اجهاده ........... عندنا .. لكن تمادينا غمام العِلّه . . . لو خبير الغرب مسلم والكتاب اسناده ........... كان عدّينا العتيم ولادخلنا ضلّه . . . يالزمان المجد عود ٍ عَوِّده ياناده .. واجمع الخمس الفروض من اختلاف المِلّه . . . وش نفع في أُمّة الاسلام دور اضداده ........ بين حُرْم الراي مرّه بين صيغة حِلِّه . . . لين صار (ا)من اختلاف الراي شبه (ا)عْباده .......... مار والسّاسات فكر ٍ وجهته محتلّه . . . ويازمان الغرب نوما شعبنا وقياده ........ صبوا الفنجال باليسرى اليمين الدّله . . . احسبوها كل حسبه والمداد زياده ...........حسبة ٍ صعبه عليهم مابها المختلّه خالد جازم الرويلي طريف 2/9/2012 الثانية عشرة منتصف الليل |
مراقبنا القدير خالد البرمان بيض الله وجهك وصح لسانك
راااائع كما عهدناك |
صح السانك شاعرنا المميز خالد
لاهنت |
الغالي
الشاعر خالد البرمان الله يسعدك ويوفقك بجميع الاوقات للخير اسعدني مروري وان اكون ضمن المصافحين لهذه القصيده الرائعه بما تحمله من جزاله شعريه وليس هذا غريب على شاعر مثلك له باع طويل صح لسانك وعلا شانك مليون ولا يكفون وتقبل تحياتي |
الشاعر الكبير خالد البرمان
صح لسانك و لاهنت ابد قمة الابداع يالقرم ريف |
؛ خالدالبرماان/.. وهطول.جميل وحرفاُ.جزل فماأروعه..!! صح.نبضك.... ِ |
|
اقتباس:
الروعة في حضورك اخوي عبدالعزيز وصح ابدانك والف شكر م القلب |
اقتباس:
لاهنتي كاتبنا القديرة شموخ الف شكر م القلب |
اقتباس:
حضورك لوحده نجاح وسعادة يابو محمد الف شكر ياعزيزي م القلب |
الساعة الآن 07:53AM |
Powered by vBulletin® Copyright ©2000 - 2024, Jelsoft Enterprises Ltd.
HêĽм √ 3.1 BY: ! ωαнαм ! © 2010
جميع الحقوق محفوظة لشبكة رهب الأدبية