|
صور البدو قبل وبعد التطور والقاموس العجيب لكلامهم
السلام عليكم ورحمة الله وبركاته ياهلا وغلا يامرحبا تراحيب المطر اسفرت وانورت واستهلت وامطرت موضوع بنكهة بدويــــة بحته http://www.cu-g.com/vb/images/smilies/cu-g%20(6).gif >>الموضوع تراه مافيه مسخره ابد http://www.cu-g.com/vb/images/smilies/love.gif تكفى : مفرده تحريضيه خطيره عند البدو لتحطيم القانون.. يارجّال: وتلحقها طقطقه باللسان فهي اسوأ انواع التهكم والسخريه أبك أبك : هي كلمه تستخدم كاأداه للتنبيه في حال وقوع خطر مفاجي أقلط: يعني تفضل وهي التي جعلت البدو افقر خلق الله حنبق ماينبق : جمله تستخدم لكسر عيون الصغار الذين يتدخلون في المواضيع الكبيره أفا: وتقال للشخص الذي يخيب الظن فيه هلاو الله: لهااستخدامين الاول الترحيب والثاني تقال عند مايظفرالبدوي بعدوه أخص وأخواتها : كلمه تخرج من اعماق القلب وتتحول الى عين صائبه سرعتها ٢٦٠في الدقيقه وهي جديره بقتل قبيله كامله تخسى : كلمه قتلت اصحابها و ذهب ضحيتها الالاف أقمح : انتبه فانت في خطر لاتدري عنه اويستهدفك القوم لغرض ما أبشر : تبدأ بالضرب على الصدر وتنتهي بالسجن عشر سنوات الفزعه : الدخول في مشروع غالبا مايكون فاشل تكون فيه الخسائر بالالاف اوبعشرات الارواح وشبك تنظر : تستفتح باشتباك الايدي وتنتهي في قسم العنايه المركزه اللطمه : علامه انذار وتحذير بوقوع امرخطير كثرت الولاده : رياضه محببه ومشهوره عند النساء القطله اوالعجره : ومنها يستمد الشخص رفعته وبحسب شكلها وحجمها يتبوء مكانته في المجتمع انا ولدك يابوي : تستخدم كمقوي لرفع العزيمه يستطيع الشخص بعد قولها رفع وانيته المحب هو النظافه : ابغض الحلال عندهم واصعبه المتطورين: اسوا طبقه في طبقات مجتمعهم انقلع.اذلف : امراجباري بالذهاب والا سيحصل ما لايحمد عقباه الكابرس والعسكريه : لها قيمه معنويه كبيره وهي قمة الاحلام وآخرها وبها تتحقق السعاده أعقب يالعفن : لها استخدامات عده وتفسر على حسب المناسبه التي تقال فيها توحي : فارسية الاصل ويعني تسمع وينطق فعل امرها ولايكتب عس ، أصبر: أي انظر وشاهد وهي كلمتين بدأت في الانقراض ولاتوجد حاليا نسخ كثيره منها في الاسواق ولوفي : جمله تقال عند قمة التعجب . وعندما تمد اي تصبح (ولوووووفيي) فتستخدم للاستهزاء أسعل : ضحيه زحف الرمال والا اصلها أسئل اخس تذمر من موقف او سالفه يالبى قلوبكم والان النموذج البدوي المطور V V V V V V V V V بعدي ولله ذيبه من ظهر ذيابــــه افااا ياذا العلم و ش صار في الرجولة http://www.cu-g.com/vb/images/smilies/cc%20(4).gif انقلب الآآيـــــه http://www.cu-g.com/vb/images/smilies/cu-g%20(19).gif ع الرغم من التطور الي اصابهم لكن مازالت النخوه فيهم و الشهامـــة شعارهم أنا بدوي و احـب طـاري البـداوه يامعذربين البدو مافيكـم إحسـاس قالو بدو قلـت الصفـى والنقـاواه يازين شوفتهم على الضوء جلاس قالو بـدو قلـت الكـرم والنخـاوه وأفعالهم فى ذمتى ترفـع الـراس قالو بـدو و البـر فيـه الشقـاوه قلت الوناسه عندهم فوق الاطعـاس قالو بدو و نشـوف فيهـم قسـاوه قلت الخشونه يامعذرب لهم سـاس ابن البداوه صلف ما بـه رخـاوه اليا زهمته جاك ماهـوب يحتـاس بينه وبين الاش حـرب وعـداوه وحلفه مع أهل الطيب والاش ينداس شف لك من البدوان واحد وخـاوه حتى تفرق بيـن مطلـق وعبـاس وان كان ما صدقـت عالـج وداوه قلبك مريض وفيه حقد ٍ وسـواس فى مجلس البـدوان تلقـا حفـاوه وترحيبهم لضيوفهم مالـه اقيـاس يقدمون الطيب مـن عـود جـاوه في سلمهم طيب ومعـزه ونومـاس هذي فقط نبذه عن أهـل البـداوه حبيت اوصلها لاجل تاصل النـاس |
http://www.cu-g.com/vb/uploaded/1001_41246207533.jpg
بما انك قلتي مافيه مسخره نبي نكون جادين شوي الاخ هذا وش مضحكه يوم انه ماغط ها الابتسامه اللي وصله اذنه http://www.cu-g.com/vb/uploaded/1001_51246207533.jpg وهذي على بالها مسويه حركه الشيخه حاطه يدها على الباب اتخيل لو يجي زوجها ترفسه برجلها وهي راكبه شكرا اختي ظل الياسين موضوع جميل جدا يعطيك العافيه |
أختي القديرة .... ظل الياسمين ...
وش الموضوع الحلو هذا والله ولا أحلى من البدو وحياة البدو ويا حلاتهم وياحلاة كلامهم وترا حياتهم أحلى حياة صدور وسيعه والقلب طيب والكرم والجود >> ياهااا ما احلى حياة زماااان وش أخذنا من الحضارة .... بالله قولي لي >> وش أحلى من هاذي العادات وهاذي الطابع... الله لا يغير علينا بس .. وبصراحه موضوع أعجبني حيل وقوامس غني بمفردات حلوووه وتسلمين الله يعيطك الف عافيه دائماً متميزة وموضوعك بجد حلو وخفيف على القلب .. تحياتي لك وتقبلي مروري غلاتي ... |
احلى مافي حياة البدو في زمنهم اربعة اشياء
1-مافيه فواتير اخر الشهر 2- الزواج مايحتاج قصر افراح وطقاطات وخرابيط حفلتهم بااطرف سهله وغرفة النوم خيمه والضيوف قدام البيت 3-حليب اطفال مايحتاج 4-والاهم والاحلى هو النوم بعد العشاء مباشره |
الله يسعدك يازايد
حولت الموضوع فكاهي ههههههههههههههههههه |
وين الحوفزان يجي يشوف هاالتراث العريق
|
اي والله وين الحوفزان ولد الشمال
يشوف هالمزيونه اللي تسوق ههههههههههههههه |
http://www.cu-g.com/vb/uploaded/1001_11246207533.jpg
لا لا لا لا خخخخخخ ماتوقع عنده خبره فحلب النوق هههههه اخبر الشيبان يحط السحله فالارض ويحلب ماهو يقرب السحله خخخخخخخخخخخخ http://www.cu-g.com/vb/uploaded/1001_81246207533.jpg ياشين الهياط خخخخخخ المشكله لاتكمن فمسكتها للدركسون والا الجربوكس خخخخخخخخخخخخ قصدي القير المشكله تكمن في لبسة الشماغ والعقال ليتها لابسه خرقه وعباه هههههههههه بس ترى البدويات يسوقون عادي بس للضروره مثل الروحه للمطق(المكان الي يعبون منه الماء) بعدين وين ذيبه فيه صاحبة الصوره علي الملازيما انها شرود خخخخخ http://www.cu-g.com/vb/uploaded/1001_71246207533.jpg استانس يابو قضعان فالربيع ليتني عندك تصدق عاد ياحبنيلك هالصوره تذكرني فهايدي وبيتر خخخخخخخخخخخخ يعطيك العافيه اخت ضل الياسمين تقبلي مروري |
هههههههههههههه
وين مزيونه هذي والله اتوقع انها منزله رجالها غصب وراكبه السياره (تبي تصور) وترسل الصوره لهلها http://www.cu-g.com/vb/uploaded/1001_41246207533.jpg والاخ هذا اما ان يكون معجب او انه هو اللي منزّلته غصب الابتسامه ماهي طبيعيه ابدأ |
http://www.cu-g.com/vb/uploaded/1001_71246207533.jpg
والله صدقت يا الحوفزان ابو قضعان هذ ودك يجيه ذيبٍ يسحبه من عند كراعينه اللي رافعها على باله مسوي لقطه استغفر الله بس |
| الساعة الآن 12:00PM |
Powered by vBulletin® Copyright ©2000 - 2024, Jelsoft Enterprises Ltd.
HêĽм √ 3.1 BY: ! ωαнαм ! © 2010
جميع الحقوق محفوظة لشبكة رهب الأدبية