|
انا لاجتني الزله ؛ من الجاهـل وهـو كـذاب
تركت القافله تمشـي ؛؛ وراهـا تنبـح كلابـه وانا ليامن كشف ان الخوي اصبح لسانـه داب نزعت السم من عرقه وكسرت بمخلبـي نابـه |
الف اولف يا أهل الحب واشقيه = من واحدن لامن تذكرته ابكيه
بقول كل اللي حصل منه واحكيه = وابين الخافي واقول الحقيقه الباء بديت اشوف منه التغلي يوم اعترف وقلتله انت خلي وصار يتفنن في عذابي وذلي = وماكنت اظن الغدر يتبع بريقه التاء تمادى في غروره وصده = والصبر عندي انتهى عند حده قلبي من الخاين ضروري ارده = وارتاح من جملة هموما تعيقه الثا ثلاث اشهور عايش بدونه = خل الذي غروه هم ينفعونه بكره يخلونه يذوق المهونه = يوجس مثل ما اوجست ساعه بدقيقه والجيم جاملته احسبه يقدر = واثره بأمر فرقاي والرفض صدر وانا انتظر انه يجي ويتعذر = لاكن ترى مثله يخون برفيقه والحا حشى ماشفت طبعه مع الناس = مافيه رحمه لا ولا عنده احساس ياخذ ذهب صافي ويعطيني انحاس = وياويل منهو بالهوى نشف ريقه والخا خدمته من عيوني ولا فاد = ولاهقيت انه يجازين بعناد القلب بسبابه تقل فيه وقاد = من حر مابي كن وسطه حريقه والدال دام الحب وياه مابيه = مابي احد عندي من الناس يطريه واللي جرى للقلب والله مكفيه = خلو فؤادي لايزيد بحريقه والذال ذكرى صاحبي تتعب الروح = والنوم ماله داخل العين مصلوح اشكي صراحه واشتكي عدة اجروح = وحالا مثل حالي من اللي يطيقه الرا رماني أقشر الحظ بالحب = مع واحدن ماظن له بالهوى طب حسبي عليه الله عدد كل ماهب = نسناس ريحن في مساره طريقه والزا زمان الحب عندي تحول = واصبح بدال الحب كرهن مطول راح الغلا الي اذكره له من اول = مثل القمر لاغاب واخفى بريقه والسين سم الغدر ذقت ملا كاس = ماهي غريبه نشربه من بعض ناس مثله ولوقدره نشيله على الراس = ماظن يوم اتصير روحه شفيقه الشين شلت الهم عنه لحالي = ولاشكيت الحمل والي جرالي صابر على ضيم الدهر والليالي = روحي بمر الريق صارت شريقه والصاد صدوقوني اذا قلت مابيه = ولاينتظر لحطه اناديه وارجيه ولايحسبني لعبتن بين اياديه = يقدر يمشيني ورجلي عويقه الطا طعم حبه ولونه كرهته = من شان شين يدري اني عرفته ولو حبه بشيك الهو ماصرفته = حتى ولو روحه لروحي شقيقه الظا ظمى قلبي من الشوق زايد = والقرب اصبح بيننا الليوم كايد والحب ماظنه ولاهو بعايد = لوعشة انا وحدي على ارضن سحيقه والعين عيا القلب ماهو بحاصل = يقول مقدر مع هل الغدر اواصل الحب جمله مايجيبه فواصل = وينعاف لو روحي في بحره غريقه والغين غادرت المحبه بلا حجز = وبينتله اهم الاسباب موجز من يتهمني بالكذب قلة يعجز = يثبت على الكذب باية طريقه الفا فلا والله بقاله معي شي = والله مايطري في بالي وانا حي طويت انا صفحه قديمه معه طي = طي الثياب الي يريد لتعليقه والقاف قررت انهي الوضع كله = واعاف شمس الحب وارقد بضله ومن جا يبي روحي معه قلت خله = خل لين تجف اجروح فيها عميقه والكاف كل اللي مضى لازم انساه = وانسى جميع الي جرى من سواياه والحب له بلوى ويا كبر بلواه = ............................................ من يعرف القصيده؟؟ الالم لا والله ماضاق صدري = على فراق الي جحد كل قدري ادري بشي وبعض الاشياء مدري = هذا يخص الله رب الخليقه والميم ماودي انا اجني على الحال = ودي اعدل كل شين بها مال واترك زمانن راح واريح البال = والحظ لامن نام لازم تفيقه والنون نية صاحبي ليه شينه = وانا معاه امشي بنيه حسينه الحين انا بطلت زينه وشينه = مابي عسل حبه ولا ابغى رحيقه الها هدمت الحب وياه مليت = مليت من كثر التمنى وياليت ياليتني بالعمر ماكنت حبيت = ولاعرفت الحب ولافريقه والواو ولت كل ذكرى وماضي = من دون مانحتاج شرعا وقاضي هذا حصل واللي حصل فيه راضي = ارتحت من هما بروحي وضيقه واليا ياليت القى حروفا زياده = لاكتب كلامن غير هذا زياده وأكمل حوارن قمت انا في عداده = لو يسمعه قلبن قطع من خفيقه |
ياعل قصر مايجي له ظلالي
ينهد من عالي مبانيه للساس للشاعر رحمه الله عليه محمد بن احمد السديري |
القصيدة التي معانيها جزلة وتصويرها بديع وهي مترابطة وسلسة وبها من الحكم ما لا يقوله الا حكيم مجرب اذ يقول شاعرنا:
يقول من عدا على راس عالي رجم طويل يدهله كل قرناس في راس مرجوم عسير المنالي تلعب به الارياح مع كل نسناس في مهمة قفر من الناس خالي يشتاق له من حس بالقلب هوجاس قعدت في راسه وحيد لحالي براس الطويل ملابقه تقل حراس متذكر في مرقبي وش غدالي وضعقت بالكفين ياس على ياس اخذت اعد ايامها والليالي دنيا تقلب ما عرفنا لها قياس كم فرقت ما بين غالي وغالي لوشفت منها ربح ترجع للافلاس يقطعك دنيا ما لها اول وتالي لو اضحكت للغبن تقرع بالاجراس المستريح اللي من العقل خالي ما هو بلجات الهواجيس عطاس ماهوب مثلي مشكلاته جلالي ازريت اسجلهن بحبر وقرطاس حملي ثقيل وشايلة باحتمالي واصبر على مر الليالي والليالي والاتعاس وارسي كما ترسي رواس الجبالي ولا يشتكي ضلع عليه القدم داس يابجاد شب النار وادن الدلالي واحمس لنا يابجاد ما يقعد الراس ودقه بنجر ياظريف العيالي يجذب لنا ربع على اكوار جلاس وزله الى منه رقد كل سالي وخله يفوح وقنن الهيل بقياس وصبه ومده ياكريم السبالي يبعد همومي يوم اشمه بالانفاس فنجال يغدي ما تصور ببالي وروابع تضرب بها اخماس واسداس لاخاب ظني بالرفيق الموالي مالي مشاريه على نايد الناس لعل قصر ما يجيله ظلالي ينهد من عال مبانيه للساس لاصار ما هو مدهل للرجالي وملجا لمن هو يشكي الضيم والباس بحسناك يامنشي حقوق الخيالي ياخالق اجناس ويامغني اجناس تجعل مقره دارس العهد بالي صحصاح دوِّ دارس مابه اوناس البوم في تالي هدامه يلالي جزاك ياقصر الخنا وكر الادناس متى تربع دارنا والمغالي وتخضر فياض عقب ما هيب يباس نشوف فيها الديدحان متوالي مثل الرعاف بخصر مدقوق الالعاس ونثير على البيدا سوات الزوالي يشرق حماره شرقة الصبغ بالكاس وتكبر دفوف معبسات الشمارلي ويبني عليهن الشحم مثل الاطعاس |
أسافر في عالمي المفقود وانسى احيان اني من الوجود |
]
ياناشدن عن حالتي حالتي حال خله على الله بين هم (ن) وعله الحال حل بداخل الحال ولوال مابين غار ونار والفئ ملـه الحال حل بداخله رجف زلزال هز الظلوع الراسيه من محله العدل ظلم ليا تأخر وياطال مثل الصبر يحسب ليا زاد ذله وأقوال مايتبع صدها بالافعال قولت (كلام ارجال) صارت ممله ون قلتلي هل أنت تؤمن بالامثال؟ أقولك يا طيب القلب لله ماقولك ماعاد باقي به ارجال اقول هذا واقع الحال كلـــه وياصاحبي ون كان تنشد عن الحال الحال حاله بس خله على اللّه الوضع باقي لاتغير ولا زال مشاكلن ياصاح ربك يحله |
يفــــــــوق موضوع مهم جدآ ورائع بالذات ان تخصص المنتدى مستقبلآ سيكون شبكه متخصصه للشعر والشعراء
والاروع لطشتك هههههههههههههههه هههههههههههههههه الطش من هيك موضيع كثير .. الشعــــــر ملك الناس احتـــرامي |
نعــــــــــــــم برحــــــــل وسـامحنى...ولاكنـه شعـورى عـىّ **** عسـاانى لا رحلـت ابقـى بعيـن مـودعـى مسمـوح |
الى متى والحب آلام وجروح
................................. الى متى والسيف لأجله يسلي؟ الحب أسمى من معانيه بالبوح ................................ حس(ن) على حس الشعور امتعلي الشلهوب |
الحب بلسم يجمع ارواح فى روح
أحساس فى نبل الشعور متحلى الحب فطره مع شفافية وضوح مثل التشهد فى صلاة المصلى |
| الساعة الآن 05:25PM |
Powered by vBulletin® Copyright ©2000 - 2024, Jelsoft Enterprises Ltd.
HêĽм √ 3.1 BY: ! ωαнαм ! © 2010
جميع الحقوق محفوظة لشبكة رهب الأدبية