|
بلشه !!
رحنا نزور البر ونعدِّل الكيف= بعد شرينا كل حالي من السوق
وفى جمسنا قمنا نجرّ الغطاريف= وكلٍ يغنى الحان وابيات وطروق وفى مجلسٍ ماهو لزايرولاضيف= جانا بدوي فاصل معه شخص مصفوق شربوامن القهوه دبَل حسبة حنيف= وقال الذي ثوبه معبّس ومشقوق "ياعويّض اقلط ..شوف زين الصواديف"= وافلح غدانا مع عويّض ومرزوق مدّوا يدين اتقول:سودالمغاريف= ولاتسمع الا طبل بسنون وحلوق وفجأه و كبستنا عظام وغضاريف= وبعض البصل لاصق معه رز محروق وبغيت اباشرهم ببعض السواليف= لكن حَدَرْ واحد وواحد سند فوق |
هههههههههههههه
عاد هي صحيح ولا من نسج الخيال .! :d حطمت مشاعر عويض ومرزوق ماتدري انهم مواترهم فياقراا :d يلعبوون عليك ههههههههههههههههههههه بس انصدمت فيك يالغواص .! كيف تمنن على ضيفانك وانت بدوي .! صح لسانك يالغواص ولاتحطم امزح معك |
...
هلا بالغواص منور و الله عساها اخر الغيبات صح لسانك و لاهنت ابد تقديري |
الغالي
الشاعر الغواص اهلا وسهلا والحمدلله على السلامة والله انه يسعدك بجميع اوقاتك بكل خير واسعدني ان اكون من ضمن المصافحين لهذه القصيده وما تحتويه من مضمون تصويري رائع من شاعر متمكن وله باع طويل بالشعر وصح لسانك وعلا شانك مليون ولايكفون تقبل تحياتي |
صح السانك والله
|
صح لسانك وعلاشانك
ابيات رائعه تحياتي |
فعلاً صورة متحركة
لاتخلو من هدف فكرة اجتماعية رائعة صورها لنا الشاعر بقالب فكاهي نوعاً ما الا ان الهدف وصل بكامل اناقته للمتلقي لله درك وصح لسانك |
الغواص
يامرحبا بك وبعودتك نهلي ونرحب ومن طول الغيبات جاب الغنايم صح السانك واعتلى شانك |
الغواص
منور وياهلا وغلا فيك وبـغـيـت**ابـاشـرهـم**بـبـعـض**السـوالـيـف لكن **حَـــدَرْ**واحـــد**وواحـــد**سـنــد**فـــوق صح لسانك فكاهيه متماسكة لكن يبدو لي ان هناك معنى بين السطور. على العموم بارك الله بالضيوف اللي طلعو هاالجوهره أطيب التحايا لك. |
اقتباس:
الموقف خيال لايبتعدعن الحقيقه والداعي رسم ابتسامه حين عزّت على الكثيرالابتسامات اسعدني مرورك |
| الساعة الآن 08:29AM |
Powered by vBulletin® Copyright ©2000 - 2024, Jelsoft Enterprises Ltd.
HêĽм √ 3.1 BY: ! ωαнαм ! © 2010
جميع الحقوق محفوظة لشبكة رهب الأدبية