عظمّ الله أجرك يارفيع المقام = عظمّ الله أجرك كل وقتٍ وحين
في غيابه وربي كلبونا يتام = ولا يموت الجرح بأعماق الكنين

منهو يعزينا علـى فقِـد الانسـان ؟=مــنهــو يعزيـنـا بـرمـز الثقـافـه ؟
يالله طلبـتـك وأشـعـر الـهـم بـركـان=تجبـر مُصـاب اللـي حيـاتـه كسـافـه
الدمع مـن عينـي كمـا غـر الامـزان=ودمعـي ماغيـر اللـي توفـاه شـافـه
الصمـت خيـمّ بيـن لوعـة وحرمـان=والحـزن فـي جـوف الرجاجيـل آفـه
هـذا عـزاي مقـصّـر بـوبـل الاوزان=لــو أكتـبـه بـالــدم مـاهــو حـسـافـه
مـات الاديـب الشاعـر الـفـذ والآن؟=ماهمـنـا طــول الـزمــن والمـسـافـه
ترجّل الفـارس لـه احروفـه حصـان=حصـان يجـمـح عنـفـوان وصـلافـه
موتـه فجيعـه بعّثـر قلـوب وأذهــان=مـن آخـر الدوحـه لجسـر الرصافـه
زيزوم قـوم وسيرتـه تربـك أوطـان=لامــن كـتـب سـاخـر بلـيـا سـخـافـه
نسـل الحـرار ومـن شغاميـم ويـلان=كــل الشـمـوخ بوقـفـتـه وأحـتـرافـه
مرجع أدب وأستاذ في كـل الاحيـان=فـي مدهلـه لـو غـاب كُتبـهٌ مُضافـه
ميلـة أعقالـه مرجلـة ذرب الايـمـان=مـتـواضـعٍ مـافـيـه كــبُــر وكــلافــه
ربـان فكـر بجـلـب لـؤلـؤ ومـرجـان=نهـر القـوافـي والقصـيـد وضفـافـه
للشعر أعاد الروح في كـف ميـزان=وأحياه تحِت أحمّـاه وأسقـى جفافـه
به فزعة الوافين يـوم الـردي خـان=بـه هيبـة الفـارس بفهـم وحصـافـه
نومـاس فعلـه سيـرةٍ بـيـن عــدوان=مـن بالـغ الحكمـة لــروح الطـرافـه
لو غاب راسه شامخاً طول الازمان=للطـيـب ســاس وللمعـانـي أضـافـه
وجـه الوفـا بيـن الرجاجيـل عنـوان=تـقــراه بـعـيــون الـبـعـيـد وتـعـافــه
(ياسامي) السامي ترى كلنا أخوان=إبــوك أبـوّنـا قـبـل دمــع الحـسـافـه
كـل الـذي علـى الثـرى يافتـى فــان=الـمـوت سـيـفٍ والمـنـايـا أرهـافــه
وأنا على عهـد الوفـا سـر وأعـلان=مارجي سوى رب الخلايق وأخافـه
مرحوم ياللي شامخ الراس ماهـان=ولا هانـوا أعيالـه رمـوز الصحافـه
ويــارب يامـنـزّل تـبـارك وعـمـران=رحّـمـاك فــي قـبـر الفقـيـده لطـافـه

هذا أبونا قبل مايصبح أبوك = وهذا عزانا في رحيله ياسامي
ماني بصعلوكٍ لو الشعر صعلوك = الشعر يسمو فوق كل الاسامي
إبوك سامي وأنت سامي وأنا أخوك = أقبل عزاي وجرح الاحساس دامي

لو مات راع الطيب مامات طاريه = والا الردي طاريه ميت وهو حي