شبكة رهب الأدبية-ريما محمد السديري - قصيدة قــمـة غبــــا ئـك -- للشاعر فهد الديحاني

http://www.alqsed.com/images/listen.gif
أنصحك تبعد ترى ماعاد تعنيني
وهرجك ترى مايحّرك شي بحساسي

يعني بلاش ... إنك تسوي تواسيني
وتحّط عذرك بأنك جيتني تواسي

وان كنت ناسي وش اللي بينك وبيني
بذكرك .... والله إني ماني بناسي

اهديتك القلب مع , عمري , مع سنيني
واهديتني غدرك وقلب ٍ معه قاسي !

أسقيتك - الشهد - من أحلا البساتيني
وانته ورايه تحطّ --- السم --- في كاسي

خليتك أغلا عليه من نظر عيني
واثريك .... لو هو بكيفك تكتّم انفاسي

الود ودكّ تحاول بس ! تنهيني
أدري تحاول ولاكني قويّ باسي

قمة غبائك ... تحاول لوية يديني
ماتدري إني عزيز ولانحنى راسي !

ماهو خطا إنك تجي تبغى .. تراضيني
خطاك تذكّر وجيت مسوي ٍ ناسي

فهد بن صنهات الديحاني