|
سود اليالي
سود اليالي
الهم سوقً واليالي تجاره والقلب سلعه بين بايع وشاري كلً فرق بالسوم عن سوم جاره وكلً يقول الربح من حظ جاري وانا تجرعت الهموم بـ مراره ومعاد للفرحه بـ وجهي مواري من ضيقةً شنت على الصدر غاره ومن عيني اللي جرحتها العباري سود اليالي حطت القلب شاره ولعاد لآمال المقابيل طاري والعمر ليلً ماشرق به نهاره والرجل بدروبه طوتها المساري لا قلت ابسلى بين تاره وتاره واسج سجة عاشقين الصحاري لقيت نفسي بين همي وناره ماجاني السلوان حسب اختياري ياالله انا طالبك سر وجهاره انت الوحيد اللي عن الحال داري مادام تو العود بأول عماره اجعل خفوقي من عناء الهم عاري وان كان مالاح القدر بالبشاره اسوق للدنيا عظيم اعتذاري وليد السلطان |
صح لسانك
وربنا يبعد عنك الحزن ويمتعك بالسرور ايها العملاق اجمل تحية وتقدير |
الغالي
الشاعر وليد السلطان الله انه يسعدك ويوفقك بجميع الاوقات بالخير اسعدني كثيرا ان اكون ثاني المصافحين لهذه القصيده الاروع من رائعه والاجمل من جميلة وما تحمله من شعر وربي يبدل الحزن بفرح وصح لسانك وعلا شانك مليون ولا يكفون وتقبل تحياتي |
صح لسانك لاهنت ولاهان راسك
|
مشاعري
بسم الله الرحمن الرحيم
|
| الساعة الآن 10:22AM |
Powered by vBulletin® Copyright ©2000 - 2024, Jelsoft Enterprises Ltd.
HêĽм √ 3.1 BY: ! ωαнαм ! © 2010
جميع الحقوق محفوظة لشبكة رهب الأدبية