أعظم ذنوبي ؟
أسألك باللي فتنـي فيـك صارحنـي=هو أنت صادق معـي والاّ تسلابـي؟ .أي والله أنك بسيف الـود ذابحنـي=أبكي أفراقك وأنا أشوفك على بابـي لا أقفيت عني سموم الشوق تلفحنـي=ولا أقبلت كنك تصب النـار بثيابـي أتعبتنـي حيـل تكفـى لا تريّحنـي=بك عّدني عـن هـواك ولا تعدابـي الى متى وأنـت طيـفٍ مايصافحنـي=وأنا أدمح الذنب وأمسح دمعة عتابي أن جيت أخفّيه وسط الصدر يفضحني=سيلاً من الشوق يمك ياأقرب أصحابي أبي الصراحه حبيبي أيـه صارحنـي=وش صار مني وش اللي صار بغيابي ماني بخاسرك وأنته مانـت رابحنـي=ذاك أول اللي ليامـن جيـت تلقابـي أموت لك من وفايه وأنـت تذبحنـي=والله مصيبـه أذا قصـدك تلهـابـي أعظم ذنوبي أحبك وأنـت سامحنـي=عن كل ذنبٍ تحملتـه مـن أسبابـي يلعن أبو الحب لـو الحـب مالكنـي=يلعن أبو الصدق لوهو ساكن أهدابي وأسألك بالله وش نـاوي وريحنـي=ياأول وآخر وأصدق وأكذب أحبابـي . |
الغالي
الشاعر منصور الرويلي الله انه يسعدك ويوفقك بجميع الاوقات اسعدني ان اكون اول المصافحين لهذه القصيدة الاجمل من جميله والاروع من رائعه وما اقول الا صح لسانك مليون ولا يكفون وتقبل تحياتي |
صح لسانك
كلمات قمه في الروعه تقبل مروري |
صح لسانك
كلمات قمه في الروعه تقبل مروري |
اقتباس:
الله الله الله الله واكبر عليك ياملك صح لسانك ملياااااار اجمل باقة ورد يابو نايف |
الغالي أبو محمد
شكراً لك بحجم نقاءك دمت بروعة فكرك وذائقتك شكري وامتناني |
ماشاء الله إبدااااااااااع حرف .. صدق إحساس .. منظومه شعريه فاخره رااااااااااااائع وأكثر صح لسانك حتى ترضى بإنتظار جديدك أرق تحيه |
ليل
أشكرك على مرورك الرائع تحياتي |
رووووووووووووووووووعه اخوي اختيار جميل وعذب
للحروف ومخارجها لك ودي ووردي |
>>
صح لسانك يا منصور و لا هنت ابد ريف النشاما |
الساعة الآن 01:21PM |
Powered by vBulletin® Copyright ©2000 - 2024, Jelsoft Enterprises Ltd.
HêĽм √ 3.1 BY: ! ωαнαм ! © 2010
جميع الحقوق محفوظة لشبكة رهب الأدبية