شبكة رهب الأدبية-ريما محمد السديري - انا لا بغيت ادله قصيدة للشاعر سعود بن سعيد المرزوقي (( سهم المنايا))

بسم الله الرحمن الرحيم
قراء منتدانا الغالي اهديكم هذه القصيــــــــــــــــدة

انا لابغيت ادله عـن القـاف والطـاروق=عرض لي جزيـل القـاف لـوماتمنيته
عرض لي لمدح قروم ولا غرام وشـوق=على مايبـا مـن طيـب القـول سويتـه
عسفته بصاف الفكر حتى يجي لـه ذوق=بعد زان طرقـه بعـذب الصـوت غنيـته
اغنيه بالمنكـوس مـع سامـري شـروق=البـي لـه الـلـي يطلـبـه ماتغاليـتـه
على شكل فنجال ن مهيل اسوقـه سـوق=عـن العيـب والمنقودبالحيـل داريـتـه
ولاني لحمست طبختـه يافتـى مطفـوق=لياجاد حمسه عـن سنـا الجمـر كفيتـه
وسويـة دلـه بنهـا مايجـي مـحـروق=حضـر للطلـب فنجالهـا يـوم صبيتـه
انا لاسما معناه قمـت ارتقـي بـه فـوق=ليا عز نفسه عـن خطـا الغيـر عزيتـه

اعـزه معـزة طيـب مايعتليهـا العـوق=وصوف اشقرن شيهـان للصيـد هديتـه

ادور له اللي من غلآ المعرفـه مرمـوق=على كسب جـزلات النواميـس وصيتـه
يعانق سحاب في مخيلـه رعـد وبـروق=يسوقـه كريـم الجـاه ربـن ترجيـتـه

عليـه تـوارد شـرده مثـل ورد النـوق=ولازارنـي فـي طـرح قولـي تبنيتـه

يجيني صعب واروقـه بالفكـر ويـروق=صفا في فريـد العقـد مـن بعـد نقيتـه
اصحيه لفكاري ويصحـي لهـا ويفـوق=وكم مرتن مـن غفـوة النـوم صحيتـه
يخلي جزيل القول والهـزل فيـه فـروق=يعمر علـى صـم الصفـا قارعـة بيتـه
وانا عارف اني لطيب المعرفـة مسبـوق=سبقني رجـال شعرهـم ظاهـر صيتـه
سبقني رجال شعرهـم يحسـن المنطـوق=لقيت الوفـا فـي شعرهـم يـوم مريتـه
ينافس جنيهات الذهب لو يطـب السـوق=يجيب الثمن لـو غالـي السعـر حطيتـه
وانا لي مع اهل الشعر والطيبيـن حقـوق=تـراء ماقفـي بالشعـر مايـوم خليـتـه

وللي نشد عنـي ترانـي ولـد مـرزوق=ومـن لا تحـراء نشـدتـي ماتحريـتـه

اجاري رجال الشعر مااخطي على مخلوق=لسانـي عـن الـزلاات والظلـم ربيتـه
سواة الرجال اللي يجي علمهـا موثـوق=رجال لكسب حقوقهـا ترخـص الميتـه
رجال العلـوم الوافيـة منكريـن البـوق=ولدهم على نار الحطـب شـب كبريتـه
وصلو على محمـد نبـي الله المعشـوق=عددمن سعى في الكون في كـل توقيتـه

سهم المنايـــــــــــــــــــا

القصيده منقوله