|
من يكمل .. !؟
بسم الله وأتنفس بالورق .. من بعض بوحي أكتب أحلامي .. وأغني عن أمل يسكن .. طموحي عن تباريحي الحزينة قوتي ، ضعفي .. وخوفي الشعر نبض ، ومشاعر بعض مما .. يعتريني مو أنا نصفي حقيقي .. ؟! ونصفي الأخر حروفي .. ؟! : |
ويش اكمل ..؟ وكل ما جيت اتأمل فيني اشوف الحزن يضحك في عيوني في جفوني في مساحاتي وجنوني ليه.. اكمل ودي اسكت اتجمل لين اخر الرحله اكمــــل |
:
أكتبي لحزنك ملامح وطرزي حروفك تسأمح وبوحك اللي تعزفينه والقناعات الرزينه والأحاسيس الدفينه .. في حناياك الحزينة ما تموت أن كان قلبك طيب ومبدأك صالح : : : |
للاسى فيني مطارح في عروقي في زوايا كل ضلعن في حنايا صدري عزوف ومسارح بـ كل صوب بخاصره بين المتون من قفى ظهري مذابح ما يكفي تكون صالح لأن ها الأفواه خرساااا وأعبثت فينااا المصالح |
:
: دام أنا والصدق صاحب .. ما على مثلي خلاف للوفا مهما طعنوني .. للوفا ستر ولحاف لانجلت عنهم سحابه وأمحلوا وقت الجفاف يبشرون بكف بيضاء أصلها طيب وعفاف : : : |
احتاج فعلاً سيدي لانسان .. ولشخصن وفي ودي اشوفه بها الزمان قلبن لنبضاته سخي يمد لي قطعة رغيف عقبهااا يكسر يدي الجوع قطع خاصرهـ الهم والحظ الردي متناصرهـ يا سيدي محتاجه ايام وشهور ابعد اطهرذاكره من ثاني انهض وابتدي |
اااااااااااااااالله وربي روعه روعه روعه
كملووووو وللتثبيت يعطيكم العافية رهب والاحنف ما اجمل ماتنثرون لنا |
ابي ابوح ونوب تحتار روحي وللهم انا في خافقي عدت جروح لقيت انا الوافي ولا بعد يوحي ونثر من التعبير والوجد مطروح والصدق هو الحق وطب الجروحي واللي يخون العهد انسان مفضوح كلام غالي ثمن ماهو شحوحي ودفعته باالماضي وعانيت ياروح الطيب واضح مثل برقآ يلوحي والفكر له سارح ومرات مسروح [/align] |
وأتنفس بالورق .. من بعض بوحي أكتب أحلامي .. وأغني عن أمل يسكن .. طموحي عن تباريحي الحزينة قوتي ، ضعفي .. وخوفي الشعر نبض ، ومشاعر بعض مما .. يعتريني مو أنا نصفي حقيقي .. ؟! ونصفي الأخر حروفي .. ؟! ويزداد خوفي كل ما هميتي بالرحيل ويزداد حزني كل ما غيبك الاصيل وحدتي .. تقتل حروفي كل ما فيني آسى تساءل هل تذكرني أو نسى لا تطول في غيابك انتظر منك جوابك هو رجوعك لي متى كل ما فيني حزين لحظة البعد والجفا أنتظر عبر السنين انتظر لمحة وفاء ويزداد خوفي |
يا الله حيهم نورتو المتصفح . تحياتي ولي عوده رهب |
من يكمل من يكمل باقي الطعنه الاخيره قم تجمل من يقول اني ضعيفه ولا اتحمل ؟ ااي عصيت لا انحيت ولا رضيت لابد اكمل لأن ربي اللي وهبني قوة الأيمان وأعلم ان عصاني قوي باسي كثر ما ربي عطاني وابتلاني فيها حكمه وأهو الأعدل |
مشاءالله عليكم مبدعين
صح السانكم جميع ولاهنتو تحياتي لكم ,,, |
يا صاحبي اسمع كلامي ما دامت الدنيا .. لأحد كم جافت جنوبي منامي ولا كان من حولي أحد صحيح ما خنته غرامي لكني ما طلته بعد يغيب وحضوره عصامي .. في قلب من حبه مدد والحين يا صاح اهتمامي أبني لي فالدنيا بلد ما جف عن ارضي .. غمامي ولا زلــــــت لا صحابي .. سند |
ولو خانوا أصحابي من بقي
غير ربي أشتكي له أشكي جروحي وإنكساري وألم هم أشيله ما بقى غير الرضوخ والعناد من يجي له لكن بصبر وأعاند والانهزام مني أزيله مو أنا من يرضخ لظالم ولو بانت حاجتي له بالحياة ييبقى لي أمل والإرادة هي طريقه |
سجال أروع من رااائع تحياتي لكم جميعاً |
اه يا حمل (ن) حملته ولا قويته انكسر ظهري انحنى لا تهاونت ورميته قمت انقل به معي من وين ما رحت وسريت ولا شكيته .. اه يا اني منه اااهـ لو شاله غيري من على ظهرهـ رماااهـ ورغم حزني ما تخاذلت ووطيته.. خلني .. دامه اهو ما ملني ببقى له الشخص الوووفي باقي العمر احيـاا ببيته |
شاعرتنارهب_والشاعر الاحنف
كلمات جداجميله معبره بشعور مرهف واحساس ممزوج بالشجن والعاطفه الجياشه تقبلو مروري جميعا ننتظرمنكم المزيد بشوق دمتم بحفظ الله |
الله عليك
صح لسانكم واحساسكم جميع ماكتبم ومانثرتم رهب - الاحنف - المستشار يعطيكم العافية يارب |
إنسحاااااااااااااااب
لرغبة البعض بأن يكون السجال بين العملاقين رهب والأحنف مع التحية والتقدير والاحترام للجميع |
المستشار .. انسحاب غير مقبول . ومن قال لك انها منافسه .. ؟ هو نزف وفضفضه فقط .. لا اقبل الا ان تكملون معنا ولا تهربون من الميدان ههههههههههههههه تحياتي لك . رهب |
مع رهب فيما تقول
كل الود |
: : وتمر البال .. يالبيت العتيق .. وأرتحل صوبك وأجي وأرسم بك أحلامي من أيامي .. صبر وامشيء .. على دروبك هنا .. نمنا هنا .. نضحك وهنا .. يا قلب تتوارى .. على موعد مع أحبابك هنا بابك مشرّع للكرم والهيل هنا نسهر .. توالي الليل نسولف عن أمانينا حكاوينا غناوينا ونمرض لا مرض واحد ونسهر لا شكى واحد نعيش العمر في واحد وأجي مشتاق بك واقف .. على أعتابك واطق بابك قال منهو قلت انا قال ناسي تهت مابين الكراسي غريبه ما فتحت الباب غريبه وشهي الاسباب ليه تنساني .. وتنسى من بنى صيتك .. ومجدك ومن بنى فيهم .. شموخك وأحتمل جزرك ومدك صاح فيني :- إنتهي فيهم زمانك .. وابتدىء فيهم زمنهم روح عنهم قلت :- طيب.. بس لا تنسى طلبتك إني ما عمري نسيتك قال :- طيب ورحت أسأل يا وفاء بالله جاوب .. ليه تنسانا الاماكن ..؟! : : |
آآآه يا الاماكن
أدري ظلك ما نسى وآآآآه يا الاماكن أدري وقتك ما قسى لكنه طبع البشر تحب تهجر وتترك أثر ولا تفتكر يا ذاك المكان لنا رجعة قريبة ولكن نرجع ننتحب ونشتاق للي نحب ووقتها نرجع للأماكن هنا وقفنا هنا ضحكنا هنا بكينا وهنا افترقنا من كم شهر تنعشنا الذكرى بألم ونعود على وقع النغم نقول لك مشتاقين ولأيامك حيل محتاجين ويبقى الألم في كل ذكرى بالزوايا هنا كانت كل الرواية وتظلي يالاماكن رسم شامخ رمز للوفاء في وقت الغدر ولا تفتكر يا ذا المكان همسة لرهب والأحنف : أن تحقق رغبات الناس وأنت قادر خير من أن تحققها وأنت مجبور عليها تقبلوا التحية والتقدير والاحترام |
اي ذكري تقول عنها واي تذكار وحسايف اي دمعه ما بكتني وشيعتني للمخاوف ارتعاشات ومواجع ارتباك وحيره اكثر من حزن من هم فيني قاام يكبر من الم قلبي وعيني وطفي شمعه لي شهور احياك ظلمه ولا اخالف يختنق فيني الكلام انته شايف باقي ذكرى اي ذكرى و قلبي اوجاعه اسامي حروف واشعاري و كلامي اطعن اطعن صدري واطعن اي ذكرى للولايف |
ماتعودت إني أطعن
ماني سفاح ماني أرعن ماتعودت أقطف زهور وأبدد أحلام الطيور فيني خوف وفيني حيره من زمن غامض مصيره سامحيني يا الهبوب أنا ما اخترت الدروب أمشي فيها بلا دليل سامحيني يالهبوب |
يالله ما اروع التواجد بين رقص الحروف وبوح المشاعر بالشعر وتناغم اوتار القصيد صح لسانكم ولي عوده مع كل اضاافيه مُبدعه منكم كما عودتونا تقبلوا تحياتي |
مختلف .. حتى فـــ حزنك بالله قلي وش .. بلاك والطريق اللي مشيته صعب لكن .. عمره ما كان الهلاك الهلاك اللي اشوفه في عيون الناس ساكن لما باعوا كل قيمهم وتاهوا ما بين الاماكن متعب ومرهق .. يا صاحب !؟ لا يهمك ما لهذا الدرب غيرك ونبضك المرهف .. دواك |
يا خي اخرجني من البرواز واسمع .. قبل لا توصف جروحي .. كنت ابي احكيها ولا ادمع .. ولا تغص العبره في صدري وتطلع كنت ابنثر كل حزن عمري بــ // دموعي وانزف الاهات وارجع .. ادخل البرواز ثاني اغترب بين المواني بس فرصه للجروح ازفر الماضي وتروح وقتها برتاح و اهجع .. انت تسمع ؟ |
إيه أسمع .. إيه أسمع
والإطار إلى أحتواك مادرى إنك ملاك بس سجينه من زمن ماعطى لك أي ثمن غير الألم ويا الجراح وغير السهر حتى الصباح ... كسري ذاك الإطار وأنفضي كل الغبار وأتركي الرف الأخير واكفخي مثل أي طير ماتحكمك لامراسي ولا حدود ترى همك سلاسل وحزنك قيود |
يالمدينة .. كل أرجائك حزينة وبتفاصيلك حكايه .. يالامينة عن سفينه ما لقت يم لتعبها للاسف !؟ |
ما اجمل هذا اللقاء لقاء العمالقة :whistling:
|
السفينة
تجاوزت ألف ميناء ما يناسبها أي مرسى تعاند الأمواج وتقسى كنها محار في اعماق البحر ظاهره قاسي من حجر والنعومة داخله وقلبه لولو نادر يسلب إعجاب البشر والخبر وين الخبر دام كل شيء مخفي ولهيب الجرح مطفي خل جرح العمر متواري بوسط الصدر |
بوسط الصدر ونات
حزن ومواويل وآهات ياصدري اصبر وانا مثلك بصبر ماخلقنا الله إلا للصبر تذكر ياصدري العام وش صار ؟؟ كيف كانت همومك كثار ؟؟ وراحت ؟؟ ونسيناها بكر ياصدري تسلا وتنسى هم اليوم |
ياهمومي .. تسجدين بوسط صدري تسلبيني عز نومي |
ووين نومي
دام همي يحتريني كل ما قربت أغفي حال بينه وبيني آآآه يا ذيك المواجع آآآه يا مزن المدامع كل ما استبشرت بقفر تنزل الدمعة مطر تروي جفاف الشوق فيني حرقة اللهفة تعتريني وتشب نار الوصال مع طيف من خيالك أتجرع مر ابتعادك وأقترب من الهلاك وليت اقدر أغفي ليت أقدر أنسى يمكن انسى جرحي لو لحظة ويصبح النوم لهمومي مرسى |
لا مراسي تقدر تحدد تفاصيل إنتمائي أو ولائي .. واهتمامي يوم أغني .. من وجع بالصدر صامت يستبد بداخل العوج .. الحنايا همهماته وأمنياته بعض ذاته .. عن أمل يسكن طموحه عن معاناته بحياته عن تفاصيله الصغيرة وأجمل أحساس .. وصفاته كلها رغم ابتعاده حددت شكل إنتمائي |
الله الله الله عليك الأحنف
أصفق لك وبحرارة *************** وانتمائي لعالم الحزن الكبير ما هو صدفة تكبر جروحي وتزيد من غير مهلة تجري الدمعة سيوف تجرح خد العمر فيني ما تساهل ولا تروف تقتل الفرح بسنيني ونظل نصبر ... ونقول نصبر وينكسر فينا الطموح لا ملاجئ ولا مهاجر كل ما فينا تبلد كل إحساس غيبة الحزن يشرح مواجع وآهاااات وأنين دمع ينزف له سنين كن ما باقي فينا أمل ... رجاء ...... وحنين |
يالحنين .. أنقضت بضعة سنين ولا تزال بوسط صدري .. مختلف ، صامت ، تغني بين صبرك .. والانين ماثناك الموج لكن ..!؟ تهت ما بين الاماكن .. وسرك بذاتك .. دفين يالحنين .. احترامي للاماني وكل من مثلك يعاني .. بين آلحان السواني والمدى الساكن بصدره .. في عيونه دمع ساكن .. بس يرفض .. إنه لغيره .. يـبـيـن : |
جيت كلي من مواجع جيت انثر.. ها المدامع واشتكي غدر الدروب وكم من اصحابي . بوادع .. |
حزن
ألم كأبه وصار الوقت عندك متشابه .. إلى متى ؟؟ وأنتي من الأيام مرتابه .. لو كان الأمر بيدي لبددت أشباح الغابه وبنيت لك كوخاً ليس فيه شيئاً متشابه |
| الساعة الآن 11:17PM |
Powered by vBulletin® Copyright ©2000 - 2024, Jelsoft Enterprises Ltd.
HêĽм √ 3.1 BY: ! ωαнαм ! © 2010
جميع الحقوق محفوظة لشبكة رهب الأدبية