كم وكم واعدتْ نفسي وعود وما وفيت = راحت ايام وليالٍ قفتها سنينها
العمر ينقص وانا لا ظفرت ولا اهتنيت = كل توبة خالف الدهر بيني وبينها
كل ما سقت العزاوي على النَّفس ونويت = نيَّة اللي دمعة امه لمحها بعينها
انغدر بي مثل غدر العراقي للكويت = يوم ابو عدَّاي غرَّه قساها ولينها
والله اني خابرٍ فطرة الله ما غويت = والنفوس مفطَّرة بالكبَد من حينها
والفتن تلو الفتن إن رضيت أو ما رضيت = سيف الايام الغبر شاهرته ايدينها
والحَسَد والحقْد والغدْر والطبع المَقِيت = و الجَهَل والظلم والجُور بلَّلْ طينها
رحمتك يا رب الارباب غيرك ما رجيت = تنجي نفسي من لهيب اللِّظى وتعينها !