|
§ ذكرياَت .. خآلـده §
بسم الله الرحمن الرحيم .. بكل بساطه لاأجيد المقدماات ، فقط إريد أن أتصرف بكل أريحيه بعيداً عن الرسميات أشعر بالطمأنينه في هذا المنتدى وخاصة في ( خلوة البُوح ) .. بالرغم إنه لايوجد سبب معين .. .. .. .. كما ذكرت سابقاً : لاأجيد المقدمات |
أمـي : اليا شافت زولي تهلـي .. ولا الغضي لاشاف زولي : يتحـلاه
|
لطالما .. رددت ( بعض الشكوك ) تـدك صرح الهوى دك ،، أقرى الحروف ومقصدي * تستشفـه إن كان حطيت الغـلا ( في طرف شك ) !! يطيح لامن جـااه عآذل * ودفـه |
.. ليس هناك شيء في الدنياا ، أدرت ظهري اليه : ثم ( التفت إليه وتمنيت العوده )
.. إلا .. إلا .. إلا .. إلا .. إلا .. ( ذكريآتي الخالده ) .. :r: .. هدوء مُوحش تليه { عبره } : لازالت تكاَبر ، بالصدفه وقعت عيني على ورقه قديمه بين الأوراق ، لشخص يعني لي الكثير : فقدته في 1425 .. رحمه الله وتغمده في واسع رحمته : لاأعترض على القدر .. فـ انا مؤمن ولله الحمد ولكن .. هل من الممكن أن الانسان في أستطاعته أن يصنع قدره ؟؟ وهل يستطيع أن يبقي ( من يحبهم ويودهم ) بالقرب منه دوماً ؟؟ حتى ولو إمكنه ذلك لاأعتقد سيكون هناك طعم للحياه طالما أهم قواعدها ( يصنع .. قدره ) < التصنع والتطبع في نظري ( مجرد طبقه من طبقات السلالم ) .. يستعملها ضعاف العقول : للوصول إلى الاعلى .. .. رفعت الورقه فوجدت : ياصاحبي يكفيك قلبي يسليك ،، قلبي على فرقاك المُوت شكـه أنا عاَرف البُعد ماهو بـ مرضيـك ،، حتى ولو كبرت !! في وسط مكـه لكن بحفظ الله : ربي يخليـك ،، ويوفقك في كل درب وسكـه جعل السلامه ترافقك في مماشيـك ،، يامن ببعدك ( بـاب فرحي ) تصكـه .. R' بعدك ترى مانمت !! سهرإن أبكيـك ،، وفي دإخلي أحـزان ضيق وضكـه متى على الله ترجع تشوف غاليـك ؟؟ ونسعد أنا ويـاك وحزني تفكـه ونفرح بـ شوف البعض : وإجلس أحاكيـك ،، ( وكـاس الثقـه ) .. مابيننا دون !! شكـه |
.. قـد يكون ( الأندفاع ) .. في بعض الاحيان /
غلطـه !! ولكن .. سألتزم فيما ينص التالي .. .. .. .. أول نهاري دمع عيني قويتـه ،، وإخر نهاري دمع عيني قوإنـي أنا الذي من ( بـد ربعي ) هويتـه ،، وهو الذي من ( بـد ربعه ) هوإنـي أنا الذي لو هو ورى الشام : جيتـه ،، وهو الذي لو أنا ورى مصر : جانـي أنا الذي ( سبع المخاطر ) كويتـه ،، وهو الذي ( سبع المخاطر ) كوإنـي أنا الذي ( سـم العقارب ) سقيتـه ،، وهو الذي ( سـم الإفاعي ) سقانـي أنا الذي ( طيّ البرإيم ) طويتـه ،، وهو الذي ( طيّ الجرإيد ) طوإنـي ملعـُون يلعـن والـدي : إن نسيتـه ،، وملعـُون يلعن والـده : إن نسانـي !! |
.. عندما تخلط : بين الوإقع والخيال .. فـ أعلم أنك قد ابحرت مع أوهام / ليس إلا }
حـرإم : أسكن خرإب الطين وفي صدري ( شمُوخ قصـور ) ،، حـرإم : أسكن على نهر العطآ وإحيا العمر / ضـامـي تعبت : أركـض على روضٍ وقف بي في ( ثلاث قبـور ) ،، دفنت العـز .. والشاعـر .. ونبض الروح / فِ أحلامـي .. كل ماإحتاجه الآن ، غفـوه |
ربمآ والعالم الله .. نفضة شليل !!
.. .. .. .. .. .. { إرتسمت على الشفاه : بسمه / لاأعلم سببها } |
ياداَر انا مجافيك .. دامه مجافيك ،، وأهجرك انا ياداَر .. من عقب خلي حلفت أنا ياداَر عقبه .. فلا أجيك ،، ولانعدك عقبها مسكنن .. لي عقب الغضي ياداَر : وش ينبغي فيك !! لو رصعّوا : اللولو محل السراميك !!ياداَر عقبه جلسة بك .. تملـي ولو : فرشو حتى المداخل بـ زلي ومن معدن الفضه : صنعّوا لك شبابيك ،، وإربع بناتٍ حُور في خدمةٍ لـي ولو إن الاحجار الكريمه .. مبانيـك ،، رحـال : أنا ياداَر < عايف .. مخلـي > !! من يوم : ماغاب الذي ساكنٍ فيـك ،، اللي إليا فكيت بابـك ... يهلــي ؟ .. تفريغ شحنات عاطفيه !! لاأكثر .. :r: |
حل الظلام وضيّق .. الخاطر الونس وضاقت بي الدنيا على وسع مابـه مريت دار الزين .. ماكن به همس بس السوافي بانياتاً .. بـ بابـه وأنا مع الشارع .. حمس ضامري حمس ودي لو يبيّن .. صغيـر القرابـه ابا أساله عند واحـداً .. كنه الشمس ويش السبب يُوم .. طول غيابـه !! .. .. .. أيام وراحت .. يالصوت الشمالي :r: |
ماعليّـه .. ماعليّـه .. ماعليّـه من حكابي بالقفى .. ياكل تراب كيف بعض الناس ياكل .. لحم خيّـه ؟؟ منغلث من كثر .. طرده لـ السراب !! وجاء يبي حلقي مُـوت : في مجيّـه مصدق أن الذيب .. لقمه للكلاب وإثق بنفسي انا : مالي يديـه طير حر .. والحسد طبع الغراب صاينٍ : نفسي عن دروب الرديه في عقل شايب وانا .. توي شباب ماأهين النفس من أجل .. العطيـه !! وماأسير بدرب .. كاسيه الضباب ،، عزتي مايوم طاحت .. بالوطيـه يوم غيري عزته .. مرتع ذباب ( الثريا ) .. فوقها مجلاس ليّـه يوم مجلاس الحرازين .. الهضاب كارنا .. من جد جدي : وبي بيّـه الكرامه شامخه .. فوق السحاب شربنا بكفوفنا .. ورب البريـه يوم بعض الناس .. بكفوفه خضاب والحقيقه لبعض الناس .. سم حيّـه والحقيقه لبعض الناس .. سم دإب حمدان فرحان العنزي :r: .. .. .. رحمك الله : ياإبُو عدنان |
الرحيل المُر .. من يعرف مراره ؟؟ ياإلهي طول هالعمر .. إنتظار !! .. .. .. عفواً : ياقلب ، وعفواً ياحب .. .. .. إنتهـى .. إنتهـي .. إنتهـى إنتهى كل الذي .. في جعبتي ماشين قدام وكني .. للورى !! في وجودك تنوجد مصيبتي ماأحد غيرك جلب لي البلا صرت في غربه .. وانا بديرتي راح ذاك الحُب .. مع ذاك الغلا وإندفن مكفنٍ .. في حيرتي ،، كل شي لك : عندي أختفى أختفى .. إرجوك / أترك سيرتي !! درب ليّن < كان > يجمعنا .. وقسى والسبب غيرتك : أو هي غيرتي ذوق طعم المُر .. من بعد الحلا بعدها : تعرف ثمن تسعيرتي !! :r: |
.. مابين أوراقي : وبعض دفاتر ( أبو عدنان ) : الله يرحمه / لقيت ورقه مدوّن فيها تاريخ ( 2007 : 1428 ) .. وجاء فيها مايلي : واقع قصتك : أغرب من الخيالات ياسعود لادار بخلد الفيلسوف .. ثم دار وكتبها أول مشهد لـ القارئ : أمطارِ تذرف !! ورود قصته بطوله وشهامه .. أول عتبها ثم لاف(ن) .. يطرق القلب ويزود بسبته مع دفقة التيار .. تعلا رتبها جت من العدم ومن حيث .. اللاموجود وأصبحت روحك ياولد .. رهن لـ طلبها توجت أيامكم وثيق الإيمان .. وعهود وهامت قلوبكم : حلو الموده جذبها لين أستحالت < بيض الإيام > سـود حسبي على من كانت الفرقا .. بسببها عامين قضيتها بحيرتك : تمضي وتعود يامن يخبرني ( .... ) وش خطبها ؟؟ علامها علي يابشر .. ياهوه ماتجود !! ماترأف بحال الي .. أستوى من حطبها ؟؟ خلوها ترد الجواب .. لو أنه صدود والا تبل عروق القلب .. بحالي رطبها ( تلت قلبي نهايتكم : تلت سجين بقيود وأمسيت فيلسوفٍ : سمع قصتك ثم كتبها ) ..أذهلني هذا ، الموقف ؟؟ حتى لو ذكرت الأسباب / لن يقتنع فيه ( شخص ) غيري .. :r: |
أقسم بالله .. زمن الجيره والحشمه / مــات !! جاء يتخبط بكل وقاحه وغطرسه : ويرفع صوته على رجال مسيّر علي .. ( الرجال وربي ماله لاناقه ولاجمل : بس فعلاً .. شر البلية مايضحك ) تجاهلني ويبي حلق الرجال وقفت في وجهه وقلت يافلان : اذا لك حق عند هالرجال / تبي تاخذه وفوقها ( حبة خشم ) بس فعلاً ( من ناطح الصياح ، بالصياح / سلـم ) .. .. وين أيام الجار حتى عينه مايفكر يرفعها / لـ بيت جاره ؟؟ ماأقـول .. الا يكفينا شر هالدنيا / فعلاً دنيا ماتاخذ الا الطيّب .. .. .. .. .. .. يآهنوه : ريّـض مخك شوي .. لايفـور دوُن الخـوي : واقفٍ لك .. جعفـري :r: |
سـر داَر .. لن أكابر : كما هو الحال .. سـ أهمس لك ياصاحبي ( أرهقني .. حرفك ) .. الورقه والقلم / أفضل حل .. سـ أعود : وكل مايجول في خاطري هذه اللحظه هل : سـ أرضي جمالية حروفك : وأجاريها ؟؟ أعترف : هذا ليس أمراً سهلا .. أحترامي وتقديري ، يانقاء :r: |
يمرون علي ناس : قد لاأستطيع تقبل معاملتهم : لأني أنسان احب الادمي اللي قدامي يكون واضح .. بصراحه : أزعل منه أول الوقت ( بس لما : أشوف مشاعر هالإنسان وعواطفه ) أضطر الى الاعتراف أنه يحمل صفه مميزه ورائعه : فـ ألوم نفسي على مافعلت في حقه : وأحاول أتجنب صغائر الأمور ،، .. الصفات الجيّده : أو إي صفه بشكل عام / لها السلبيات والإيجابيات فـ علينا : أن نحسن كيفية التعامل / مع مثل هذه الاحتمالات : التي قد ، تفاجئنا في أي وقت ’’ الله يذكرك بالخير .. ياصاحبٍ : ماعرف ( لـ: التصنع .. طريق ) :e: := القلب يسألني يبي .. شي مفقود عن حاجه ..< من غير وده >.. فقدها يسأل وأنا ..< دنقـت >.. من دون مردود عجزت .. أطلع كلمةٍ .. يعتمدها '.. أخفيت ماكنيت : والجوف ملهود والنار في صدري ، تزايد وقدها ..' :r: |
[CENTER]عندما .. ترى العُشاق : مستعدون لـ خوض معارك / أن لزم الأمر .. لـ بقاء حبُهم ‘‘
’’ لاأعلم : لماذا ترتسم بسمه : فقط : يثلج صدري ويطمئن حينها !! ربما : لإني أرى أن الدنيا لازالت بخير ‘‘ .. الأشواق الصباحيه : قاتله !! .. وهـؤلاء : العشاق .. في هذا الصباح .. أشواق كيبورداتهم .. ( جـداً ، مستلجه ) .. :r: .. .. .. .. .. لكِ أيتها : العاشقه .. بـ لسان معشوقك : لك خـد لونه ( تـوت ) بجبال .. بيروت أو لون جوري في فرنسا .. بـ باقات :e: من شاهدك فِ دهشته : يعانق المُوت ومايطيب : إلا بـ كورس علاج !! بوسات .. .. < ليتك فكيتهم من شرك .. ههههههههههههههههههه .. تفريغ شحنات ياساده .. لاأكثر :r: |
القاعه شبه خاليه : من أصحابها .. '.. سُـكـون * تـاام / لاتسمع سوى ( الصـدى ) .. طرأت : فكره ماا ..} صعدت فوق أحدى الطاولات / أخذت أخطب هنا وهناك وفي موضوع هذا : وذاك طرأ موضوع : فـ كنت أبحث عن الأحكام التي تتعلق في أحدى المسائل : غرقت قليلا بالقراءه " شعرت أن هناك شخص غيري : متواجد معي وينصت إلي .. خفت قليلاً : ثم تشجعت حاولت أن أضبط نفسي .. مع أني لاأعلم هل أنا ( أتوهم : أم مايحدث معي / وإقع ) أحسست أنه بدا : يقترب مني خطوه .. تلو الأخرى إلى أن شعرت بـ أنه يريد أن يقترب إلى أذني / جمدت في مكاني همس في أذني .. ( حلم ، بريء ) .. مـاات على يـدك أنت وهي / بـ أبشع الصور الوحشيه وأنت ( مذنب في قتل حلمك : وحلمها ) ياإلهي : أعوام مضت !! والآن جاءت لكي / تحاكمني وتحاكم نفسها وقتها : كنت أحاول معرفة من هو الذي يخاطبني / أنس إم جـن !! لم : أستطع إلالتفات لإني خفت أن ( أسقط .. أمامها ) !! أسمتني بـ أسمي وقالت : أنا لستُ ( فلانه ) وأن كنت لاتزال تعتقد : أن المعجزه سـ تحصل وتأتي إليك .. هنا ( قاطعت حديثها ) .. ( هي وحدها : من تستطيع أن تتخذ مثل هذه / القرارات ) أعوام مضت .. وكلٍ منا : في الجهة المقابله لـ الاخر / والكل يتأمل الاخر بـ صمت !! ومن قبل أن نفترق : لم يستطع مخلوق / التدخل في شؤوننا : فمن تكونين ؟؟ أتضح لي / أن واحد مننا : يجب أن ينال هذا العقاب ، والاخر سوف يدعونه وشإنه وأنها / ذهبت إليها اولاً : فقالت لها : أريد أن اعيش لم إعش حياتي كما / أحببت أن تكون هنا .. قاطعتها : وفهمت بقية الحديث الذي : حصل بينهما : وقلت لها .. لطالما : أتخذت في حقها / اسوأ القرارات .. ولم يكن هناك شخص يساندني غيرها ولكن : بقي عندي طلب .. وأرجو ان تساعديني فيه : قالت أسرع / لإنك ستأخذ عقابك الآن أبتسمت .. وجلست فتره غير قصيره وانا ، مبتسم سإلتني ، هل من الممكن أن اشاركك في إبتسامتك ؟؟ قلت لها : ( أنا ميّـت بالإصـل : منذ تلك الإعوام التي قضيتها / لـ وحدي ) .. وأنا سوف أتحمل عقابي وعقابها : أن أمكن فـ هي تستحق : حياه أفضل ( لـ وحدك ) < تعجبت ، وقالت لكن !! قاطعتها .. لاأريد أن يذهب يومنا كله ، في نقاش لن نخرج منه لكن أن رأيتيها : أخبريها إني ( لست مذنب في قتل أحلامنا ) .. وأوصلي لها : .. .. .. .. حطمت قلبي فوق تحطيم .. الأحلام أرفق على شخصٍِ .. تدمر كيانه يكفيني اللي حامله .. من هم وألآم ويكفيني إني ذقت .. مر الخيانه وإرجوك .. أسرع أعطني حكم الأعدام أرجوك .. نفذ : قلتها لك .. أمانه مليت تكفى خذ .. قصاصك بالإسلام حقك .. بشرع الله .. روحي مدانه ." ". ." ". ." ". ." مافيني حيل ، إرجع وإشوف وش فيه خطأ : أو اشياء مو بمكانها ، ماتهمني المظاهر : لكن حبيت أنكم لاقريتوها .. تتقبلونها : كما هي لإنني شفت المنتدى فاضي .. فـ كانت ( مجرد فكره ) .. طرت عليّ : لما حسيت مافيه احـد من جد : وجت معاي كما ، ذكرت سابقاً ..( مُجرد ، تفريغ شحنات عاطفيه / ياسـاده ).. :r: |
.. قبل : أن أحاول / أن اغفو .. ولو لـ فتره إريـدك أن تعرفي : ( ياخلوتي ) .. .. وأنت ( ياقلبي ) : قبل خلوة بُوحي ،، سُوف أفرغ : إخر شحنه عاطفيه .. .. بيتين من أبيات : لـ تركي فلاح :r: ". ." ". ." " دإم الزمن هذا .. يذل السلاطين ،، ماني بـ خايف .. طيحتي وأنكساري !! ** أن طحت .. ماني طايح لـ البسيطين ،، وأن قمت .. رديت العتب وأعتباري !! { عشنا وشفنا يادنيا ، ماأقول الا الله يرحمنا برحمته ويحسن خواتمنا : ويتقبل صيامنا وقيامنا : وأن يكتب الله .. ( لي ولكم ولكل من نعزهم ونودهم ) .. " عتق من النار " .. وأن يرحم موتانا : ويتغمدهم في واسع رحمته .. .. فعلاً : فعلاً : فعلاً .. .. وجب علي الآن : أن اجبر نفسي على النوم : لإنه عندما يكون الجسم متعب .. راَح يأثر عليه بعدين ،، .. لـذة النوم : تكمُن في ، الغفوه :r:[/CENTER] |
.. يزينها : اللـه الطير طار .. ولابقى غير .. ريشـه ويامن يرد الطير .. من وسط الأحراش !! ** فكرت وقلت الحل .. أنفاس شيشـه ولاهمني لو قالو : الناس حشـاش !! ** ولقيت طيري .. قاطع العام .. فيشـه وقاصٍ : تذاكره كلها ( كاش بـ كاش ) !! |
.. مساء : الخير .. أستيقظت : ولكن ليس كما أستيقظ / كل يوم .. حسيت أني مانمت أصلاً : ومصحصح .. طرت علي .. أبيات في تلك الليالي الخوالي : أقبلوها كما هي : .. .. .. شـدت معي دنيآي ومعها : أشـد ولاتفكها معي ياخوك : إلا بـ شديده !! تفت كبدي : فت النكس الأسـود بـ زقارة الشفقان لـ أجواء .. وديـده اللي بفن المقامات يشيد .. ويغرد ويهيم في دنيا غير .. دنيا جديده !! يسود فيها وكنه .. زعيم متفرد بـ صفات حُب النبل .. ومزايا فريده ينام حاكم مُطاع .. ويصحى مجرد !! من مرإسيم الحكم .. ومقاليـده ؟؟ :r: .. .. لاتحضرني بقية الأبيات ، ولكن سـ أضعها كامله فيما بعد كما هو المعهود <.. تفريغ شحنات ، عاطفيه ..> وقد كُتبت هالإبيات على هذا : الأساس :r: |
.. هيـه .. ياهيـه .. طيب : لو سمحتي !! .. أيه : أنتي .. ( ياخلوة ، البُوح ) ** يالياس .. يالحرمان .. ياجُور الزمان كنت أقاوم بسيف غيري وأنكسر وأعترف قدامكم مهتز .. الكيان أرفقو بـ أنسان قادر .. وأنعسر وأدخلو قلبي .. على بر الأمان كيف أقاومكم وأنا .. سلاحي كسر أدخلو .. راضي أنا بحكم : الهوان وأرفقو : تكفون بمن عمره .. خسر ( شخص وشاف من الزمن : قل الأمان وطاح حظه .. في يديكم وأنئسر ) :r: |
.. ياعشيري : .. .. .. .. .. .. متشابهين ولاظهر بيننا .. فرق ،، أيامنا : سودا ولايُوم .. زانت !! حاولت أسافر وإرتقي سلم .. البرق ،، متعشم بنفسي والأقـدام .. خانت !! من لهفتي كن الجسد .. يحترق حرق ،، ذاب الثرى ولاقلوب الاعداي .. لانت !! وسط العذاب .. وغارق بالشقى غرق ،، عفت الحياه .. وساعة المُوت حانت !! صعب اللقاَ .. ياسارقٍ خافقي سرق ،، وأحوالنا بين المحبين .. شانت !! مانلتقي والشمس .. تشرق من الشرق ،، إلا اذا من وجهة .. الغرب بانت !! :r: |
.. صمت ، مُوحش .. ’’ ياصديقي ‘‘ لاطرب حُولي .. ولاجمعت عرب ،، والهمُوم أحتلت .. الصدر أحتلال !! مثل حال المغترب .. عقب الهرب ،، عايشاً " بالرعب من ( جرح السؤال ) !! ** الفرح بالعين .. مايُوم أقترب ،، والحبيب الي رحل .. شوفه مُحال !! ( خلها على .. الله ) :r: |
.. جدال : ممل بين / أصابع الكفوف .. * * .. صعب : أن تحترق من أجل / لاشي !! ** ليه الجفا منك : أعيشه تفاصيل ؟؟ خذني كتاب أشواق .. لاهنت وأقرآ !! ( عنيد ) .. والصدمات هدت بي / الحيل عـود(ن) .. برآه الجرح : ماأظن يبرآ !! كم فارس(ن) .. فيني على / صهوة الخيل ؟؟ إليا أنتخى .. مايسمع أصـوات / حـذرآ !! فيني بـدو : ماتت ضمى لـ( الموإصيـل ) ووجيههم من ( لاهـب ) الشوق .. سمرآ تعال فيني الليل .. ( طفى القناديـل ) ( مافيه غيرك ) .. عن مدى صبحي : أدرى ** لـ عبدالعزيز .. الـوادي :rhb: |
.. ليـــــــه ؟؟ دنيا غروره تخلط .. الخال بالعـم وتردي الهقوه .. وتمحي العزيمه .. ليـــــــه ؟؟ طبع البشر تقابل الطيب .. بالـذم وماينرغب منهو بقى فيه .. شيمه .. ليـــــــه ؟؟ لو جيت تنطق غصب .. تسكت وتكتم مما تشوف تقول .. جتني : سليمه .. ليـــــــه ؟؟ فيها ( الوفي ) .. ينعد أنسان مجرم دنيا خذت أعمارنا .. وهي مقيمه .. ليـــــــه ؟؟ بحثت عنك وكني .. أطلبك دم ؟؟ وعني تهرب تقل .. فاعل جريمه !! :rhb: |
.. كنت أحدث نفسي محاولاً : أيجاد حل مـاا .. بعد : خيبة أمـل / أكتشفت مايلي .. ** ( القضيه والأمر ) .. ماهو غريب كل شي بـ هالزمن ينشاف عادي مانميز بين .. ( خـداع وحبيـب ) '.. الميآه اليوم مجمعها : بـ وادي ..' ماشي التيـار .. < بالخط المصيب > والمصايب واجده .. ماله عدادي نوب أقول : تصيب وأتفاجئ !! تخيب وأتعذب : من قبل آصـل .. مُرادي ماتفرق بين .. ( مرضان وطبيب ) !! بعالم النكبات .. ( ماأقـل المبادي ) !! :rhb: |
.. ربمـاا .. قد يكون : وقد يكون !! .. بس تدري وين / المشكله ؟؟ * * * وش حياتي وأنا : فطينٍ وعراف .. ومنهو دعاني : يوم أدور الضيافه حيث أطرد ( الهقوه ) من الشوق : ملتاف .. ( ياصدفة الواقع ) : حسافه !! حسافه وش فايدة لو كنت : مقدام ماخاف .. وأنا أتصرف بطيبي وأثره : ( سخافه ) ’’ هنا تكمن المشكله ‘‘ :rhb: |
.. لاأعلم : قد أكون خلطت بين الواقع والوهم ' ’’ لكن الأكيد : أنني أشعر به / كما يشعر بي الان ‘‘ * * * * ’’ ياأنتي ‘‘ تعبت أنا تعبت .. من كل مسلاك وعيّت تعدل .. وبابها دوم مصكوك متعوكسه ياجعل الرب .. مايبلاك بحظٍ .. مثل حظي للأحزان / مملوك قالوا : تصبر علها تدور !! الأفلاك يمكن تعدل وتنملك .. بموجب صكوك قلت : الله القادر وأذا .. أراد أعطاك ومن لاذبه جته .. التباشير / مبروك :rhb: |
’’ لم يعد هناك ، طعم لـ الصباح ‘‘ ** ياممتطي من عندنا .. صهوة البنز خله مع الغربي يبدل .. غيااره قدامك الجنه بها .. الحور والعز أشرف من اللي .. يدعون الطهااره ( جمرك حديثه ) كاان واليوم .. ياطز ولو هو بكيفي شلت .. حتى السفااره أبي لي عديمٍِ .. لاأستعزيت به عز يرمي الهدف مايوم .. أخطى الأشاره الساق لولو .. مامشى يتلي العنز مشيه مع المسرح .. يشد النظاره ماني من اللي ينام عقب كبسة الرز شفي ( جبل قسيون ) .. غربي التجااره كتبتها وأنهيتها .. بقافية أز دنياي مُره .. ماتساوي زقااره * * ’’ أبيات من مساجله بين خالي وأحد زملائه المقربين ‘‘ |
’’ لاتخسر أحد .. عشان أحد ‘‘ * * ياللي رغبت البعد .. يوم أني أبغاك وش رجعك أصدق .. وقول الحقيقه !! وقتٍ مضى لو كنت حاضر .. فلا ألقاك وأحسب حساب لشوفتك .. بالدقيقه ياما تحملت المتاعب .. على رضاك وياما ضحكت وداخل .. الصدر ضيقه وياما مشيت الصعب .. عشان رؤياك وياما لساني من التعب .. جف ريقه وياما بخلت ( بحق نفسي ) .. ولك هـاك وأقول عادي من ( صديق .. لـ صديقه ) وياما لشوف العين كذبت .. وأدراك وسمك اشوفه شهد .. وأشرب رحيقه واليوم أنا أقنعت نفسي .. بـ جفواك كلك ذهب مغشوش .. يخدع بريقه !! وأسألك باللي خالقك .. ثم سواك الخاين الغدار .. منهو رفيقه !! ( علاجك جوابك ) .. كان بك جن صحاك ثمٍ تعرف الصح !! وتمسك طريقه وأنا فلا تشره علي .. ( خذ دواك ) ( الهجر والحقران ) .. وأنت بحريقه .. .. ’’ لافات الفوت .. ماينفع الصوت ‘‘ :rhb: |
’’ البارحه .. قلبي تضاق من الهـم هـمٍ يصدر به وهـمٍ .. يجيبـه ‘‘ :rhb: |
.. وبعدين يعني .. !! ’’ والله مدري وش .. نهاية مطاافي تعباان .. ولالي قدره آجد دوااي ؟؟ :rhb: |
’’ ياحيف .. واللـه ‘‘ * * ياونتي .. ونيتها مثل : سعدون اللي جرالك يالعواجي .. جرالي مع أثنين وقت الملازم .. يسدون يشهد لهم التاريخ .. وفعل الرجالي واليوم راحو ماظني .. يعودون يالله يالمعبود تلطف .. بحالي وين النشاما أهل الحميه .. يحامون ( تكفى : ياراكان ) .. تراني لحالي :rhb: |
’’ ياصويحبي ‘‘ .. أيه إنت : وش فيك مستغرب !! * * ياصاحبي حبك ذبحني .. على سكوت وأظن ماعندك من .. الرب تقوى !! أسمع ترى ماهي .. تعاليل بالوت حالي قضت لو قلتلك .. كني أشوى الطب ماينفع عقب .. فايت الفوت والعذر مايقنع اليا قيل .. أنوى أبغى تواجهني قبل .. فجعة المُوت شوفة حبيب الروح .. لـ الروح تسوى !! ياليت اليا ناديت لك .. تسمع الصُوت كان أستراح ( قلباً ) .. من العام يكوى !! :rhb: |
’’ أقسى .. مراحل اليأس ‘‘ * * * روحي وكلن يمسح .. دمُوع عينه ويصبر النفس العليله .. بـ فرقااه الوقت قاسي مع بلاوي .. سنينه وكم واحـدٍ : لوعات بقعا .. توطااه روحي مع الحرمان .. روحي حزينه الحظ .. < ماينفع لمن : ربه أشقااه > ومن سكنك جوااه .. لاتنكرينه يكفي من الفرقا عذابه : وماجااه " روحي فمان اللـه .. وأبقي أمينه روحي وكلٍ يحمل .. الحُب جوااه " :rhb: |
’’ كفااح : من أجل الصمُود ‘‘ * * لاواهني .. من شاف ضوح : القرياات من قبل مايدمس عليه .. الظلامي يابو عبدالله .. حيلتي بس : وناات واللي معي ياخوك شغله : يناامي سعـُود : بـ عرعر ماأنبسط رغم : سجاات كني ..( فطيماً ).. تالي الليل : ظاامي أبغى الوليف اللي .. عليه الوعد فاات ومن خالف الميعااد .. يطلب محاامي ومن لامني ياجعل : رب السمواات يسقيه في دنيااه : كأس السقاامي ولامريضاً دايمٍ .. فيه حسراات يسهر وماله نفس بـ أكل الطعاامي * * ’’ فشلت كل محاولاتي بالصمُود ‘‘ .. ’’ سقطت : ولكن .. لابااس ‘‘ :rhb: |
’’ تناسيني بنفس الموعد اللي به : ذكرتيني ‘‘ أوااه .. ياصاحبي !! * * ماهي غريبه عبرتي .. والقصيده من دنيتي يالقرم صارت .. تشاتيت أرقابتي بالطعس ماهي .. وديده قمت أتذكر وأجمع .. الحي والميت أنا أعيش لي .. خواطر نكيده !! من قربها ياخوك .. واللـه توذيت ؟؟ وقلبي اللي قاام .. ينزف وريده ماله جدى ياكود .. كثر التناهيت :rhb: |
ياصانع الصدفه على .. غير مدري أعمالنا : يجزاها بالنيـَه .. رب عطوف !! ’’ ريف النشاما ‘‘ .. اللـه يسعدلي صباحك ، ياأخوي .. :rhb: |
’’ أحساس بـ جـدل .. طال أمره ولم ينتهي ‘‘ * * .. ياقلبي ابسألك عن كلاً من .. ’’ أندفاعك .. تعاملك .. تواضعك ‘‘ ’’ لقيت شخص : يستاهل ‘‘ !! ’’ لا !! طيب مو مشكله ‘‘ ’’ بس يومك مسهرني وسهراان : ماأتفقنا تتعدل الأوضاع ‘‘ ’’ طيب أسمعني ياقلب : قوم بكل أدب وأحترام ‘‘ ’’ وأقفل هالمنتدى .. ونـــاام ‘‘ :rhb: |
’’ يقولون : < جامل > .. وأترك الخلق لـ المعبُود وأنا أقول : من هو اللي على .. الكذب غاصبني ‘‘ !! :rhb: جيت النوادر .. من كبار العشيره فطنو عليّه .. وجيتهم من هبالي قبل ألتزم : ربعي جموعٍ / كثيره ماتنحصي كثر الحجر .. والرمالي وعند اللزم ماشفت .. منهم بريره !! ولقيت نفسي .. < باللوازم : لحالي > !! :rhb: رمشه ضليل .. وحاجبه : كنه هلال ونظرات عينه .. ترهب القلب وتخيف وتطعن بـ سيف .. للعشاشيق قتال !! وطعن اللواحض .. كنها طعنة السيف !! :rhb: سلوّ .. سيوف الغدر : بيني وبينك لكن سيوف الحب .. تضرب بـ حدين !! اللـه على ماجاك منهم .. يعينك وأنا معك قابلك .. بالزين والشين :rhb: بدايتي بالحب .. من أول صفوفه واصلت لين أنتهيت وأخذت : دبلوم ماني جديد فيه .. وأجهل حروفه لا : لا تحاول ماعرضناه لـ السوم معك أبتديت .. ومنك شفت الكلوفه ومات الوفا .. مابيننا صار مرحوم !! يامن تجاهل من شربت .. بـ كفوفه من وقتكم لحظه .. لك أخبار وعلوم ؟؟ :rhb: .. هنا : لازم أوقف وإروح احاول أغفي شويات / عشان مانعيّـد مرتين بالعيد !! |
| الساعة الآن 09:07PM |
Powered by vBulletin® Copyright ©2000 - 2024, Jelsoft Enterprises Ltd.
HêĽм √ 3.1 BY: ! ωαнαм ! © 2010
جميع الحقوق محفوظة لشبكة رهب الأدبية