الحزن ثوب
" مجرد .. بعثره " مدخـل ،، أمسيت ليلي " لاأتضايق ولاأضيق " وأصبحت صبحي من عنا الوقت ضايق الوضع مايحتاج ياقلبي ،، تدقيق ساعه حزن عاشت " بفرح الدقايق " والضيقه اللي باغتتني على الريق تقفي وتقبل لاشافت البال رايـق * الحـزن ثوب ولكن الجرح خامـه ........................ تفصلـه مـن طعـن يـمـنى مـداويـك والفـرح شرهـه والأمـل له حـزامـه ........................ ياقلب خابت شرهتك مع هقاويك الدمـع طفل أبـدى لحـزنـي أحترامـه ........................ ياعيني هلي الدمع وفلي الشبابيك والحـظ مقـدّر مكتـوبٍ بخـط عـلامـه ........................ لعبـة قـدر والحـظ منها بـ يعطيـك والصـدق صوت الحـق يزعـل كـلامـه ........................ والكـذب عـزف والبشر فيه تغويـك هبت هبُـوب الضيـق وهـذا سلامـه ........................ وهـذا أعترافـه جـرح ينـزف يحاكيـك هـمٍ وغـم ، وضيـق صـدر ، وملامـه ........................ تصبـح وتمسـي بصـدري لاحـل طاريك :rhb: مخـرج ،، ماهي تحاليل مهستراً" للمسأله حـل أدري تموت ولاتجي تطعن قفـايـه فلّ الحجاج أبتسم ياصاحبي فـل وأتـرك لي همـوم ليلـي وشقايـه غيمه تخيل بروقها لابُـد تنهـل وتسقي ضوامي الأسئلـه لـ" النهايـه :rhb: |
الله الله الله
عليك يا سعود ابدعت بحق صح لسانك يال خوي و لاهنت ابد ابيات فيها الكثير من الحكمة جزالة غير مستغربة منك هبوب كل التقدير ريف .,. |
الدمـع طفل أبـدى لحـزنـي أحترامـه
........................ ياعيني هلي الدمع وفلي الشبابيك الله عليك ياالهبوب بين المدخل والمخرج عزفت أجمل مقطوعاتك هـمٍ وغـم ، وضيـق صـدر ، وملامـه ........................ تصبـح وتمسـي بصـدري لاحـل طاريك الله يبعد عنك الهم ياخوي الهبوب صح لسانك وأكثر وبإنتظار جديدك تحيتي |
الهبوب/
صصصصصصصصصصصصصح لسانك ياغالي استمتعت باالقرأه وطاب لي المقام وكل عام وانت وانت والجميع بخيراتم عليناوعليكم شعبان وبلغنا وبلغكم رمضان مووودتي ياغالي |
هـلابك أخوي .. فـواز صح بدنـك الله يسعـدك تواجدك شرف لي يالقرم لك كل التقدير والأحترام |
هـلا وغـلا .. يالنجـلا صح بدنـك الله يسعـدك والأجمل تواجدك أختاه لك التحيه والتقدير |
سـر دار صح بدنـك طال عمرك وكل عام وأنت والجميع بصحه وسلامه بمناسبة الشهر الفضيل قوّاك الله وجعلك من صيامه وقيّامه شرفني وأسعدني حضورك يالغالي لك من الموده والتقدير ماتحب |
والفـرح شرهـه والأمـل له حـزامـه ........................ ياقلب خابت شرهتك مع هقاويك وتخيب قلوبنا في أمكانها ولا يعلم بها أحد ولكن ثق ايها النبيل ان هناك متسع من الفرح قصيدة تدفق أحساس ما بين المدخل والمخرج أنت مبدع انحناءة ياسمينة :r: |
هـلابك يالعزيـزه وهانحن بأنتظار بزوغ الفرح لـ يشرق من جديد ويضيء سماء أمآلنا أسعدني تواجدك ولك من التقدير ماتحبين |
هــبـــــــــوب الشـــــمال
صح السانك وبيض الله وجهك وابعد الله عنا وعنكم كل ضيق وهم الشهر عليك مبارك |
الساعة الآن 08:03AM |
Powered by vBulletin® Copyright ©2000 - 2024, Jelsoft Enterprises Ltd.
HêĽм √ 3.1 BY: ! ωαнαм ! © 2010
جميع الحقوق محفوظة لشبكة رهب الأدبية