|
يالالالاله يالالاله يالاله يالالال(اول مشاركه)
سلام ردية وفاعداد ماهل الخيال---------------- في حلة اهل العرف واهل الجود والراي السديد
اللي يميز ياجماعه فالحرام وفالحلال------------------- يبرز معي فالمنتدى جعله يفيد ويستفيد |
يامرحبا بك يالمسلم عد ما يبدي الهلال= فالمنتدى اللي دوبني سجلت به ضيف ٍ جديد كانك تبا مني جواب اسال وبادر بالسؤال = يالمورقي من بعد ما سلمت قلي وش تريد |
معكم معكم متابع ,,,,
|
يالاد ذايب يابني عمي كريمين السبال------- جتنا علوم الحادث اللي صار مع ساع البريد
مدري مع اهل الخيل ولا قلت اريح فالضلال ----- يوم العرب كلن يامشعل شال له سيف (ن) حديد |
اقتباس:
هلا وغلا ياشامان |
خابرك يابن روق رجل (ن) من شغاميم العيال= من لابة ٍ لاهبت الهيجا تبيد ما تبيد المشكلة ياصاحبي يوم المعارك والقتال = خصم ٍ ضعيّف مير عمه ياولد ملعون سيد |
الحمد لله يوم ماخليتو لطيره مجال ------- يمديه لوث ديرةاهل الخيل والعلم الاكيد
انا اعرف ان المعركه ماهي مثل وقعة طلال ------------ يكفيهم المشعاب ولا ياولد خضر الجريد |
حنا وقفنا يالعتيبي مثل وقفات الجبال = عن راينا لو يكبر الموضوع حنا ما نحيد حنا وقفنا ضد خصم (ن) لا يهز ولا يزال= وانته تحسب السالفة صيصان جعلك ما تفيد |
هلا وغلا بكم
مشعل و المورقي صح لسانك واحساسكم متابعين لكم بقووووة ننتظر جديدكم |
الله الله عليكم
معكم وين الصفوف؟؟؟ |
انتم تحطون الشحم للضيف مع صفر الدلال---------- وشلون تنحر ضيف جاك من الوريد اليا الوريد
لوكان مديتوا معه ياصاحبي حبل الوصال ----------- يمديك ماصيفت في عسفان ولا في قديد |
اقتباس:
|
المشكلة يالمورقي طرقي وفي راسه هبال= وحنا دوا اللي راكبه فالوقت شيطان ٍ مريد الشك زايل ياعميل الخير ما فيها جدال = وعاداتنا نكرم لحى الخطار ونضد الضديد |
الاخ شامان والاخ يفوق الوصف
ياهلا ويامرحبا ويشرفنا متابعتكم واطرائكم تحيتي وتقديري |
الله الله عليكم
متابع بقوة |
با رك الله فيكم مشكورين وأبدعتوا يا أخواني الله يعطيكم العافيه
|
ياصاحبي مشعل ترى الدنيا نزول وارتحال------ ادعوا معي ياربعنا باالرحمه لعبدالمجيد
نيتك شانت عقب خالطتوا معقدت الحبال ----------- الله يعينك كل مافكك سعد رحت لسعيد |
اقتباس:
الله يعافيك شاكر تلطفك بالمرور |
اقتباس:
نسعد بمتابعة امثالك |
صح لسانك يامشعل وماقصرت طال عمرك
|
المورقي ومشعل
امتعتونا بهاالطاروق وبيض الله وجيهكم تقبلوا ودي |
الله مره حلووووووووووووووووه اول وحده اقراها تجنن بس كملوها تكفووون
|
شكرا على المرور ياروح القصيد
|
[quote=عبدالرحمن العتيبي;48302]المورقي ومشعل
امتعتونا بهاالطاروق وبيض الله وجيهكم ووجهك وشكرا على المرور |
الله الله عليكم ماقصرتو
|
| الساعة الآن 05:51AM |
Powered by vBulletin® Copyright ©2000 - 2025, Jelsoft Enterprises Ltd.
HêĽм √ 3.1 BY: ! ωαнαм ! © 2010
جميع الحقوق محفوظة لشبكة رهب الأدبية