سلام ردية ٍ فيها الوفا والقدر وسط الصدور = يعم شعارنا ويخص مشعل في كثير السلام
لو قلت لي ذا الزمن فيه العرب تحب كثر الظهور = اقول شفت الحمامه طايره من فوق ام الحمام

أبك البقا وانت تدري غير مدري كيف بعض الامور = والمخرج اللى معه فلمه يدبلج به بليا كلام
شهرين راحت وراع الحفل يكتب ثم يمسح سطور = نقول يمكن تمام ولا حصل فـ العلم شيٍ تمام

راع النخل خابر ٍ وش صار في مخباه وقت التمور = لو ان طول السنه يشرب وياكل من عدام لعدام
الترس يضرب على الحذاف ولا دارت معاه السيور = لكن ذا الحين وش عذر العرب لا راح فالوقت عام

يا راس عذفا ويا حرة الحره دبور ٍ في دبور = راحت مثل روحت اسرائيل في توصيفهم للسلام
اقول وسط الليالي المظلمه نلقى سراج ونور = كذاب من قال كل كلمه لها عند المصيبه مقام